Amós 8:10 - Qheshwa Biblia DC

¹⁰ Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

DIOSPA QHELQACHISQAN DEUTEROCANONICAL

¹⁰ Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

DIOSPA QHELQACHISQ

¹⁰ Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Amós 8:10 ပူးပေါင်းရင်းမြစ်များ

Job 20:23

Maypachachus sajsaykojtinkama, Dios apachimonqa paypa patanman sinch'i phiñakuyninta. Chay phiñakuyta paypa patanman parachimonqa, jinallataj mikhuyninmampis.

Job 3:5

Uj wañuy llanthu laqhayaykuchinan karqa! Uj yana phuyu laqhayaykuchinan karqa, chayri uj inti laqhayay manchay laqhaman tukuchinan karqa!

Job 30:31

Arpaspa waqasqan, qenaspa waqasqan ima noqapajqa, llakiyta waqayman tukun.

Isaías 3:24

Chaypachaqa q'apaj imaspa cuentamantaqa asnaylla kanqa; chumpej cuentanmantaqa uj panoqalla kanqa; sumaj simp'asqa kananmantaqa p'ajla umalla kanqa; sumaj p'acha cuentanmantaqa uj qhasqa p'achalla kanqa; k'achita kananmantaqa, millay ruphasqa uya kanqa.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 48:37

Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

Jeremías 6:26

Ayllúy, qhashqa p'achasta churakuy, llakiy p'achata churakuy, ushphapi sunt'iray; qhaparqachaspataj waqay, imaynatachus uj k'ata wawanku wañupojtin waqanku ajinata. Noqanchejta wañuchejkunaqa contranchejpi ñapis jamushanña.

Lamentaciones 5:15

Sonqoykupi kusiyniykoqa manaña kanchu; tusunaykupis llakiyman tukupun.

Ezequiel 7:18

Qhashqa p'achata churakonqanku sonqo nanayta rikuchispa. Tukuyninkojta uyasninkupis p'enqachisqas umankutaj raphasqas kanqanku.

Oseas 2:11

Kusikunasnin manaña kanqachu: Chay fiestasnin killa rikhurimuykunasnin samakuna p'unchaykunasnin tukuy kaj kusikuna p'unchaykunasnimpis.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Joel 1:8

Imaynatachus uj casarakoj sipas waqan luto p'achata churakuspa, paywan casarakoj novion wañupusqanrayku,

Levítico 13:40

Sichus mayqen runajta chujchasnin t'akakun, p'ajlataj rikhurin chayqa, chay runaqa llimphulla.

Amós 5:21

Fiestachakusqasniykichejta chejnikuni, qhesachanitaj; sumajta tantakusqasniykichejqa manapuni noqapajqa allinchu.

Amós 5:23

Karunchaychej noqamanta chay ch'ajwaspa takisqaykichejta, mana munanichu arpasniykichejpa waqasqanta.

Amós 8:3

Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

Nahúm 1:10

Imaraykuchus uj chhari khiska jina uj ch'aki ichhu jinataj tukuynin ruphachisqas kanqanku.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Deuteronomio 16:14

Chaypeqa wawasniykichejwan kusikunkichej, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmi sapaswan ima.