Amós 7:17 - Qheshwa Biblia DC

¹⁷ Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

DIOSPA QHELQACHISQAN DEUTEROCANONICAL

¹⁷ Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

DIOSPA QHELQACHISQ

¹⁷ Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Amós 7:17 ပူးပေါင်းရင်းမြစ်များ

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

Salmos 78:55

Diosta mana rejsej runasta, nacionesta ñaupaqenmanta qharqorqa, jallp'asnintaj Israelpa ayllusninman rak'irarqa; chaykunapitaj ch'ujllasninkupi paykunata kausacherqa.

Isaías 13:16

Wawasninkoqa qhawashajtinku pampaman ch'anqasqas kanqanku; wasisninkumanta imasninkuchus kajta suwaranqanku, warmisninkutapis qhenchacharanqanku.

Isaías 22:18

Qantaqa pelotata jina morq'oykuspa karuta jallp'a patanta bolalachisonqa. Chaypitaj wañunki, chayman mentasqa carretasniyki renqanku, qantaj wiraqochiykej wasimpaj uj p'enqay kanki.

Jeremías 14:16

Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

Jeremías 20:6

Qanrí, Pasur, tukuy aylluykiwan khuska Babiloniaman wijch'usqallataj kanki. Chaypi wañumunki, chayllapitaj p'ampasonqanku, qanta, tukuy kausaqesniykitawan, pikunamanchus qan llullakuspa profeta jina sut'incharqanki.

Jeremías 28:12

Maypachachus Hananías, Jeremiasmanta yugota qhechuspa p'akisqanmanta qhepatañari, Jeremiasman Señorqa parlallarqataj: Riy, nimuytaj Hananiasman noqa Señor nisqayta: K'aspimanta chay yugota qan tunarqanki, kunantaj fierromanta uj yugoñataj tiyan.

Jeremías 28:16

Chayrayku Señorqa nin: Kay jallp'amanta chinkachisqayki. Kay watapi qanqa wañunki, imaraykuchus parlasqasniykiwan noqaj contraypi tukuy runasta oqharichinki.

Jeremías 29:21

Tukuy Atiyniyoj Señor Israelpa Diosnin kay jinata nin: Colaiaspa wawan Acabmanta, jinataj Maasiaspa wawan Sedequiasmanta, piskunachus Señorpa sutimpi llullerasta qankunaman nisunkichej: Babiloniamanta rey Nabucodonosorpa makinmin urmachisaj, paytaj ñaupaqeykichejpi paykunata wañurachenqa.

Lamentaciones 5:11

Siompi warmistaqa mana munashajta qhenchachacherqanku. Judá llajtapi sipaskunatapis kikillantataj ruwanku.

Ezequiel 4:13

Chantapis Señorqa nillarqapuni: Israelpa wawasnenqa ajina ch'ichi t'antata mikhonqanku, maymanchus wijch'usaj chay llajtakunapi.

Oseas 9:3

Efraenqa Egiptoman kutiponqa, Asiriapitaj mikhonqa ch'ichi mikhunasta. Manaña Señorpa jallp'ampeqa tiyakonqachu.

Amós 6:7

Qankuna ñaupajta presos apachisqas kankichej, ajinamanta tukukonqa sumaj mikhunasmanta ch'ajwanaykichejqa.

Amós 7:11

Payqa tukuynejta purishan kay jinata nispa: Jeroboamqa espadawan wañuchisqa kanqa, tukuy Israel ayllutaj preso waj llajtaman wijch'usqa kanqa.

Amós 8:1

Señor Diosqa kayta rikuchiwarqa: Uj canasta kasqa poqosqa frutasniyoj.

Amós 9:1

Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

Amós 9:8

Señorqa qhawamushan kay juchasapa reinota. Chantaqa nintaj: Kay kamachinata kay jallp'a patamanta chinkachisaj; Jacobpa ayllunmanta kajkunallata mana tukuynintachu chinkachisaj.

Miqueas 1:16

Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

Zacarías 14:2

Chay p'unchaypi Señor tantaykamonqa tukuy nacionesta Jerusalenwan maqanakunankupaj, wasisninkumanta orqhoraspa llajtantinta jap'ikaponqanku, warmisninkutapis mana munashajta qhenchachanqanku, chaypi tiyakojkunamanta khuskantapuni orqhospa waj llajtasman aparanqanku presosta jina. Chay puchojkunalla chaypi qhepakonqanku.