Amós 6:8 - Qheshwa Biblia DC

⁸ Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.

DIOSPA QHELQACHISQAN DEUTEROCANONICAL

⁸ Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

DIOSPA QHELQACHISQ

⁸ Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Amós 6:8 ပူးပေါင်းရင်းမြစ်များ

Salmos 106:40

Chayrayku Señorqa ayllumpa contranta phiñakorqa, paykunatataj qhesacharqa.

Salmos 47:4

Chayaqenchejta ajllapuwanchej, munakusqan Jacobpa k'acha kayninta.

Salmos 50:12

Yarqhawanman chayqa, mana willaykimanchu, imaraykuchus tukuy mundo noqajta, tukuy imantin.

Salmos 78:59

Diosninchej phiñakorqa kayta rikuspa, Israeltataj manchayta chejnikorqa.

Proverbios 8:13

Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

Isaías 28:1

Ay, Samaria, machasqa llajta, Efraimpa runaykachajnin pillun qawisqa t'ikawan jina k'achanchasqa, sumaj valle jallp'aj patampi kaj, vinoj atipasqan llajta!

Jeremías 12:8

Chay noqajta karqa chay aylloqa, uj montepi león jina kashan, noqaj contraypi qhaparirin, chayrayku paytaqa chejnikuni.

Jeremías 22:14

Qanqa ninki: Uj jatun palaciota ruwachikusaj, pata kaj altompitaj jatuchaj wasista, nispa. Ventanastapis kicharinki, perqasnintapis cedrowan qhataykuspa pukawan pintaykunki.

Jeremías 22:5

Manachus kay nisqasniyta junt'ankichej chayqa, kay palaciotapis raqaykunasllaman tukuchisaj. Noqa Señor chayta nini.

Jeremías 44:26

Tukuyniykichej Judamanta kaj runas Egiptopi tiyakojkuna Señorpa nisqanta uyariychej: Jatun sutiyrayku jurani, manaña pipis Judamanta kajkunaqa manaña ujtawan parlanqachu tukuynin Egipto jallp'api sutiyta oqharenqankuchu, Señorpa sutinrayku, nispaqa.

Jeremías 49:13

Noqa Señor sutiyrayku juraykichej: Bosra llajtaqa ch'impacha qhepakonqa, wajkuna manchachikunankupaj k'umuykachachisqa, jinataj maldicisqa kanqa. Chay waj llajtastaj wiñaypaj raqaykunasllaña qhepakonqanku.

Jeremías 51:14

Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.

Lamentaciones 2:5

Señorqa enemigo jina tukuynin israelitasta tukuchin; palaciosta thuñiran, llajta jark'achisqa perqastapis pampata ruwan. Jinamanta k'acha Judá llajtata manchay llakiywan waqaywantaj junt'aykuchin.

Oseas 11:6

T'ojsina espadas llajtasninku pataman urmaykonqa, pakakuna sinch'i wasisninkutataj tukuchenqa, munasqankuman jinalla ruwasqankuraykutaj phirisqas kanqanku.

Levítico 26:30

Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

Amós 3:10

Señorqa nin: Mana yachankuchu imatapis allinta ruwayta, palaciosninkupitaj kallpawan mithaspa suwasqasninkuta waqaychanku.

Amós 3:11

Chayrayku ajinata nin Señorqa: Uj enemigo muyuykonqa llajtata, urmachenqataj sinch'i perqasniykita, orqhosonqataj palaciosniykimanta.

Amós 4:2

Señor Dios juran santo kayninrayku: Qhawaychej, jamonqa uj p'unchay, chay p'unchaypitaj presos apasqas kankichej ganchoswan jap'ichisqas, wawasniykichejpis anzueloswan t'islusqas kanqanku.

Amós 5:21

Fiestachakusqasniykichejta chejnikuni, qhesachanitaj; sumajta tantakusqasniykichejqa manapuni noqapajqa allinchu.

Amós 8:3

Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

Amós 8:7

Señortaj juran Jacobpa jatun kayninrayku: Mana jayk'ajpis qonqasajchu kay jinatapuni ruwasqankutaqa, nispa.

Zacarías 11:8

Uj killallapi kinsa michejkunata wijch'orqani, manaña pacienciay paykunapaj kapuwasqanrayku, chejniwasqankuraykutaj.

Deuteronomio 32:19

Chayta rikuspa Señorqa mayta phiñarikorqa, qhesacharqataj qhari wawasninta, warmi wawasninta ima.