Amós 6:6 - Qheshwa Biblia DC

⁶ Jatuchaj copaspi vinota ujyankichej, sumachaj q'apashaj jawinaswan jawikunkichej, manataj dakunkichejchu llajta chinkananmanta.

DIOSPA QHELQACHISQAN DEUTEROCANONICAL

⁶ Jatuchaj copapi vinotapis ujyankichej, sumachaj q'apashaj jawinawan jawikunkichej, manataj llakikunkichejchu llajtaykichej mana allin kashasqanmanta.

DIOSPA QHELQACHISQ

⁶ Jatuchaj copapi vinotapis ujyankichej, sumachaj q'apashaj jawinawan jawikunkichej, manataj llakikunkichejchu llajtaykichej mana allin kashasqanmanta.

Amós 6:6 ပူးပေါင်းရင်းမြစ်များ

Génesis 49:22

Joseqa yaku cantopi kashaj sach'aj ch'illchisqan jina. Sumajtataj poqon, ramasnintaj perqa patasta ch'iparikun.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

Ester (hebreo) 3:15

Chantapis, chaskisqa reypa kamachisqanman jina tukuynin llajtasman usqhayta apararqanku. Chay kamachiy ruwasqataj reypa tiyanan Susa llajtapi sut'inchakorqa. Susa llajtapi runastaj maytapuni qhollpikusharqanku chay imasta yachaspa. Chaykamataj reywan Amanwanqa tiyaykurispa ujyarisharqanku.

Isaías 28:1

Ay, Samaria, machasqa llajta, Efraimpa runaykachajnin pillun qawisqa t'ikawan jina k'achanchasqa, sumaj valle jallp'aj patampi kaj, vinoj atipasqan llajta!

Isaías 5:12

Qankunaqa jatuchaj mikhuykunata wakirichinkichej, chaypitaj tocarinkichej arpasta, guitarrasta, cajasta, qenastawan. Qankunaqa ashkha vinota ujyarinkichej, manañataj qhawarinkichejchu Señorpa ruwanasninta, nitaj makisninwan ruwasqasnintapis.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

Oseas 3:1

Señor ujtawan nillawarqataj: Riy munakamuy kausaqempa qhencha warminta, kausaqen munakullantaj chayta. Israelitaspa, mana rejsisqa dioskunasninkuman kutiripojtinku jinataj jaywajtinkupis, chay lantisninkuman, chayllamantataj mikhojtinkupis, uva ch'akisqasmanta tortasta ruwaspa, nispa.

Amós 2:8

Prenda jap'isqanku p'achas patapi sirisqas mikhunku, lantikunata yupaychashaspa; qhasillamanta multasta orqhosqankuwan vinota rantinku, diosninkoj wasimpi ujyanankupaj.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

San Juan 12:3

Chaymantaj María apamorqa ashkha valorniyoj nardomanta k'acha q'apaj perfumeta, uj khuskan litrota jina; chaywantaj Jesuspa chakisninta jawerqa, chujchasninwantaj ch'akicherqa. Chay k'acha q'apaytaj wasiman junt'aykorqa.

Romanos 12:15

Kusikuychej kusikojkunawan; waqajkunawantaj waqaychej.

1 Corintios 12:26

Sichus uj ima nanasqa chayqa, tukuyninku nanachikunku paywan khuska. Sitajchus ujnin kaj ima allimpaj qhawasqa chayqa, tukuyninku paywan kusikunku.

1 Timoteo 5:23

Wijsaykirayku sapa kuti onqosqa kasqaykiraykutaj, ama yakullata ujyaychu. Pisi vinotapis ujyallay.