Amós 5:4 - Qheshwa Biblia DC

⁴ Israelitasmanqa ajinatamin nin Señor Diosqa: Qayllamuwaychej noqaman, chantaqa kausankichejtaj.

DIOSPA QHELQACHISQAN DEUTEROCANONICAL

⁴ Tata Diosqa israelitakunaman nillantaj: Noqaman kutirikamuwaychej kawsanaykichejpaj.

DIOSPA QHELQACHISQ

⁴ Tata Diosqa israelitakunaman nillantaj: Noqaman kutirikamuwaychej kawsanaykichejpaj.

Amós 5:4 ပူးပေါင်းရင်းမြစ်များ

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

2 Crónicas 20:3

Josafatqa manchachikorqa, Señormantaj k'umuykorqa payta tapurinampaj. Tukuy Judá ayllumantaj kamacherqa ayunanankuta.

2 Crónicas 20:4

Judamanta kajkunataj tantakorqanku Señormanta yanapata mañarikunankupaj. Tukuynin Judá llajtamanta runastaj chayamorqanku Señormanta yanapata mañakunankupaj.

2 Crónicas 34:3

Pusaj watastaña kamachisqanmantataj, waynallaraj kashaspa, ñaupa tatan Davidpa Diosninta mask'ayta qallarerqa. Chunka iskayniyoj watasta kamachisqanmantataj, Judamanta, Jerusalenmantawan qhechuyta qallarerqa lomas patapi yupaychana wasista, Asera lantisninta, llajllasqa lantisninta, metalmanta jich'asqa lantistapis.

Salmos 14:2

Cielomantapacha Señorqa runasta qhawamun, ujllatapis sumaj yuyayniyoj Diosta mask'aj runata rikunampaj.

Salmos 22:26

Wajcha runas mikhonqanku sajsakunankukama, Señorta mask'ajkuna payta yupaychanqanku. Wiñaypajtaj kausaychej.

Salmos 27:8

Sonqoyqa qanmanta niwan: Señorta mask'ayki.

Salmos 69:32

Kayta rikuspa llakisqa kajkuna kusikonqanku. Diosta mask'ajkunaj sonqontaj kusiywan qhallallarenqa.

Salmos 69:33

Señorqa wajchakunata uyarin. Manataj qhesachanchu presochasqa runasninta.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Jeremías 38:20

Jeremías kuticherqa: Jinapis jatun reyníy, mana paykunaj makinkuman urmankichu. Kasukuy reyníy, Señorpa nisqanta noqaqa willayki. Allinmin risonqa, kausayniykitataj salvanki.

Ezequiel 18:9

Kamachisqasninman jina purin, waqaychanta kamachiyniykunata maychus kajta ruwanampaj, cheqanta imatapis ruwanampaj. Kaymin cheqan runaqa, pay kausanqa. Noqa Señor kaytaqa nini.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Amós 5:6

Señorman qayllaychej, chantaqa kausankichejtaj. manachus jinata ruwankichej chayqa, Pay ninata apachimonqa Israelpa patanman; Betelpitaj mana pipis kanqachu chay ninata thasnoj.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

San Mateo 7:8

Mañakojqa jap'in; mask'ajpis tarin; punkuta takajmampis kicharinku.

Deuteronomio 32:46

Chaymantataj Moisesqa israelitasman nerqa: Kay tukuy nisqasniyta allinta sonqoykichejpi unanchaychej, kunan nishaykichej chaymanta. Ajinamanta mirayniykichejta kamachinaykichejpaj, tukuy kay leyta waqaychanankuta, junt'anankuta ima.

Deuteronomio 32:47

Chay nisqayqa mana yanqha mana kajchu, kay leyqa qankunapaj, qankunaj kausayniykichej. Chaynejqa qankunaqa unayta kausankichej Jordán mayu chimpa jallp'api, chayaqeykichejpaj jap'ikunkichej chaypi.

Deuteronomio 4:29

Sichus chaypi Señor Diosniykichejta tukuy sonqowan mask'ankichej, tukuy almaykichejwan ima chayqa, Payta tarinkichej.