Amós 5:18 - Qheshwa Biblia DC

¹⁸ Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

DIOSPA QHELQACHISQAN DEUTEROCANONICAL

¹⁸ Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

DIOSPA QHELQACHISQ

¹⁸ Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Amós 5:18 ပူးပေါင်းရင်းမြစ်များ

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 24:18

Pichus manchachikuymanta ayqejqa t'oqoman urmaykonqa. Chay t'oqomanta llojsimojtaj tojllapi preso rikhurenqa. Janaj pacha ventanasqa kicharikonqa, kay jallp'ataj tukuynin ikhakonqa.

Isaías 5:19

Qankunaqa ninkichej: Diosqa usqhayta ruwachun imachus ruwanan kajta, noqanchej rikunanchejpaj. Israelpa Santo Diosnenqa usqhayllata junt'achun ruwanan kajta, noqanchej yachananchejpaj.

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

Isaías 58:2

Sapa p'unchay mask'awanku. Paykuna ñanniyta rejsiyta munanku, cheqanta ruwaj naciompis kanman jina, Diosninkoj kamachisqasninta manapis saqenkumanchu karqa jina. Paykuna cheqan kamachiykunata mañawanku, Diosman qayllaykamuytataj munanku.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Isaías 9:19

Tukuy Atiyniyoj Señorpa phiñakuynenqa jallp'ata manchayta kharkatichin, runasqa nina enqhampaj llant'a jina kanku. Runaqa, runa masinta mana khuyanchu, sapa ujtaj mikhunakunku.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Jeremías 17:15

Runaqa niwan: Maytaj Señorpa palabranri? Kunanqa junt'akuchun ari!, nispa.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Joel 2:10

Jallp'a kharkatitin paykunaj ñaupaqempi. Janaj pachapis kuyurin. Intipis, jinallataj killapis laqhayaykunku. Qoyllurkunataj manaña k'anchankuchu.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Deuteronomio 32:24

Yarqhaywan, q'oñi onqoywantaj wañonqanku. Uj millay onqoy paykunata tukuchenqa. Paykunaman khanikoj sajra animalesta venenoso kataristawan kachamusaj.

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

2 Pedro 3:4

Nenqankutaj: Mayta Cristoj jamusaj nisqanri? Tatas wañusqankumantapacha kunankamaqa, tukuy ima qallariypi jina, imaynachus karqa, kikimpacha kakushan.