Amós 5:14 - Qheshwa Biblia DC

¹⁴ Mask'aychej allin kajta, mamataj sajra kajtaqa, chantaqa kausankichejtaj; ajinamanta qankunaj nisqaykichejqa cheqan kanqa. Tukuy Atiyniyoj Señor Dios qankunawan kashan.

DIOSPA QHELQACHISQAN DEUTEROCANONICAL

¹⁴ Mask'aychej allin kajta, amataj mana allin kajtaqa, kawsankichejtaj. Ajinata niyta atinkichej: Tukuy Atiyniyoj Tata Dios noqanchejwan kashan, nispa, chay nisqaykichejtaj jinapuni kanqa.

DIOSPA QHELQACHISQ

¹⁴ Mask'aychej allin kajta, amataj mana allin kajtaqa, kawsankichejtaj. Ajinata niyta atinkichej: Tukuy Atiyniyoj Tata Dios noqanchejwan kashan, nispa, chay nisqaykichejtaj jinapuni kanqa.

Amós 5:14 ပူးပေါင်းရင်းမြစ်များ

Génesis 39:23

Chayrayku carcelta qhawaj runaqa mana imamanta dakojchu José cuentayoj kashajtin, imaraykuchus Señor paywan kasharqa tukuy ima ruwasqasnimpi allin rinampaj.

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 97:10

Señorqa sajrata chejnikojkunata munakun. Payman t'aqasqakunaj kausayninkuta waqaychan, sajrakunaj makisninman urmanankumantapis libran.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Proverbios 11:27

Pichus cheqan kajpa qhepanta purejta allimpaj qhawasqa; juchaj qhepanta purejmanrí mana allinchu renqa.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej imaspiri? Uyariwaychej allinta, allin kaj imastataj mikhunkichej. Chay imastaqa misk'ejta mikhunkichej.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

Amós 3:3

Iskay khuskallapuni purinku chayqa, uj yuyaylla kasqankurayku purinku.

Amós 5:6

Señorman qayllaychej, chantaqa kausankichejtaj. manachus jinata ruwankichej chayqa, Pay ninata apachimonqa Israelpa patanman; Betelpitaj mana pipis kanqachu chay ninata thasnoj.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Números 16:3

Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

San Mateo 6:33

Ñaupajtaqa Diospa reinonta, cheqa kaynintawan mask'aychej; kay tukuy imatataj yapata jina Dios qosonqachej.

2 Timoteo 4:22

Señortaj qanwan kachun. Jinallataj Diospa khuyakuynimpis qankunawan kachun.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.