Amós 5:10 - Qheshwa Biblia DC

¹⁰ Ay qankunamanta cheqan kajta ruwajta chejnejkuna, cheqanta sut'inchajkunata millachikojkuna.

DIOSPA QHELQACHISQAN DEUTEROCANONICAL

¹⁰ Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

DIOSPA QHELQACHISQ

¹⁰ Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

Amós 5:10 ပူးပေါင်းရင်းမြစ်များ

1 Reyes 18:17

Acabqa Eliasta rikhuspa, nerqa: Qanchu kanki Israelta musphachejqa?, nispa.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

1 Reyes 22:8

Josafatmantaj Israelpa reynenqa kuticherqa: Arí, uj kanraj, paynejta Señorta tapurinapaj, Imlaj wawan Micaías sutiyoj; payta noqaqa chejnini manapuni jayk'ajpis cheqanta sut'inchawasqanrayku, manachayqa sajrallatapuni. Josafattaj nerqa: Ama jinata parlaychu.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Proverbios 15:12

Machu machuykachajqa mana munakunchu pichus k'amejtaqa; nitaj yachayniyojkunawampis tantakunchu.

Isaías 29:21

Sajra palabraswan mana juchayojta juchachajkuna, allinta cheqanchajpajpis misk'anata churajkuna; mana juchayojta imaymana llulleriosninkuwan ch'aukiyajkuna ima.

Isaías 59:15

Cheqan kayqa pachampi sayachisqa, sajra kajmanta t'aqakojrí, wisq'asqa kashan. Chayta rikuspa Señorqa mana allintachu qhawan, cheqanta ruwajqa mana pipis karqachu.

Jeremías 38:7

Etiopiamanta uj runa Ebed-melec sutiyoj reypa palaciompi kasharqa. Chaytaj uyarisqa Jeremiasqa yaku pujyuman wijch'uykusqa kasqanta. Chay ratopi reyqa uj tantakupi kasharqa, Benjamimpa punkun nisqapi.

Oseas 4:4

Señorqa nin: Ni pi ch'ataykuchunchu nitaj k'amichunchu wajtaqa! Qanllawan phiñanakuni, sacerdote.

Levítico 13:10

Chaypi sacerdote qhawanqa, sichus chay runaj punkisqan yuraj, pelosnimpis chay cheqapi yurajllataj, chaynejpi aychantaj llijtiyasqa kanman chayqa, chay runaj onqoynenqa uj saphichasqa lepra. Sacerdoteqa chay runata mana allimpaj qhawanqa. Chantapis chay runataqa manaña wisq'anqachu, imaraykuchus mana allimpaj qhawasqaña.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

San Juan 15:19

Mundojtachus kawajchej chayqa, mundoqa paypata kajkunata munakunman. Kunantaj mana mundojtachu kankichej, astawanqa noqa mundopi kajkunamanta ajllarqaykichej. Chayrayku mundoqa chejnisunkichej.

San Juan 3:20

Tukuy sajrata ruwajqa k'anchayta chejnin; manataj k'anchayman jamunchu, sajra ruwasqasnin ama sut'inchasqas kanankupaj.

San Juan 7:7

Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

Gálatas 4:16

Qankunaman cheqa kajta nisqayraykuchu contrarioykichej kani?

Apocalipsis 11:10

Jallp'api tiyakojkunataj paykuna jawa qhochukonqanku, kusikonqankutaj paykunapura t'inkasta apachinakuspa. Chay iskay profetasqa jallp'api tiyakojkunata llakichej kanku.