Amós 4:9 - Qheshwa Biblia DC

⁹ Q'oñi wayrawan jasut'erqaykichej, chajrasniykichejtapis khuruykucherqani, huertasniykichejta ch'akicherqani, jinallataj uvasniykichejtapis. Langostaswan mikhuracherqani higos sach'asniykichejta, olivo sach'asniykichejta ima. Qankunataj noqaman mana kutirimuwankichejchu. Ajinata ni Señorqa.

DIOSPA QHELQACHISQAN DEUTEROCANONICAL

⁹ Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

DIOSPA QHELQACHISQ

⁹ Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

Amós 4:9 ပူးပေါင်းရင်းမြစ်များ

1 Reyes 8:37

Sichus kay jallp'api kanman yarqhay, chajra qhawiy, chajraspi onqoy, langostas, t'una khuruspis; sichus enemigosninku llajtasninkuta muyuykuspa maqaj sayaykunkuman, ima llakiyllapis onqoypis jamojtenqa, tukuy imata mayta mañakusqankuta mayqennillankupis, chayri tukuynin Israel llajtaykipis, pillapis sonqompi phutisqa kaspa, makisninta kay wasiman aysarisqa jamusunkiman chayqa, qan janaj pachamanta uyarimunki ari, maypichus tiyakunki chaymantapacha, perdonankitaj, sapa ujninkuman kausasqankuman jina qospa, imaraykuchus qanllamin tukuy runaspa sonqonkuta, tukuy yuyasqankutapis rejsinki.

2 Crónicas 6:28

Kay jallp'api yarqhay kajtin, chayri onqoypis kajtin, chayri ruphaywan sach'as ch'akirapunkuman, chayri sach'aspi onqoy rikhurinman, chayri langostaspis, chayri t'una khuruspis; chayri enemigospis llajtasniykuta muyuykamuspa maqajtaj sayaykuwankuman chayqa, chayri ima llakiypis onqoypis kajtenqa. Tukuy mañakamususqankuta, majakamususqankutapis mayqen runallapis, chayri kikin aylluyki Israelpis llakiynimpi, chayri nanaynimpi mañakamuspa kay wasiman makisninta aysarimunman chayqa, qan janaj pachamantapacha paykunata uyarinki tiyakushanki chaymantapacha, qan perdonapunki, sapa ujninkumantaj ruwasqankuman jina qopunki. Qanllamin rejsinki, yachankitaj runaj yuyayninta sonqontapis.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Isaías 50:11

Qankunaqa tukuy ninata jap'ichejkuna, nina k'anchayta apaykachajkuna; chay nina jap'ichisqaykichejman urmankichej, ima k'anchaykunastachus jap'ichikunkichej chaykunallamantaj; llakiywantaj tukukunkichej. Kay jasut'itaqa Señorpuni apachimusonqachej.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Jeremías 3:10

Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Oseas 11:5

Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

Joel 1:4

Langostasqa tukuy chajrasta mikhuykaporqanku. Puchojkunatarí, waj langostasñataj jamuspa mikhuykapullarqankutaj.

Joel 1:7

Uvas sach'asninchejta q'araykunku, higos sach'asninchejta t'unaykunku, tukuyninta q'araykunku, ramasninta yurajllata saqerparinku.

Joel 2:25

Señorqa nin: Noqa kutichipusqaykichej pasaj wataspi pierderqankichej chaypa cuentanmanta. Chaypachaqa noqa kachamorqaykichej langostastaqa uj ejercitota jina, chajrasniykichejta t'unaykunampaj.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Amós 4:8

Runastaj llajtamanta llajta rerqanku yakuta mask'aspa manataj tarerqankuchu ch'akiyninkuta thasnunankupaj jina. Qankunataj mana noqaman kutirimuwankichejchu. Ajinata nin Señorqa.

Habacuc 3:17

Chaypachamari kusiywan junt'a kasaj Salvawajniy Señorniyrayku. Payta yupaychasaj amapis higo sach'as t'ikachunkuchu, amapis uvaskuna nitaj olivospis poqochunkuchu; campopi chajraspis amapis poqochunkuchu, tropamanta ovejaspis tukukapuchunku, amañapis wakas kachunkuchu wasisninkupi.

Hageo 2:17

Noqa tukucherqani tukuy llank'asqaykichejta, onqoywan, granizowantaj. Chaywampis qankunaqa mana noqaman kutirimorqankichejchu, noqa Señor nini.

Malaquías 3:11

Mana saqesajchu ni ima sajra khurus tukuykunanta chajrasniykichejta, uvas sach'asniykichejtapis.

Deuteronomio 28:22

Chantaqa apachimullasonqachejtaj wañuchej ch'ojo onqoykunata, q'oñi onqoykunata, punkiy onqoykunata, mana muchuy atina k'arajta, ch'aki watasta, imaymana onqoykunatataj trigo chajrasniykichejman. Chay onqoykunaqa qhatiykachasonqachej wañuchisunaykichejkama.

Deuteronomio 28:42

Tukuy sach'asniykichejta, jallp'asniykichejpa poqoynintapis onqoy chinkachenqa.