Amós 4:7 - Qheshwa Biblia DC

⁷ Paratapis manallataj parachimporqaykichejchu, kinsa killa junt'ata manaraj cosecha kashajtin. Uj llajtaman parachimorqani, uj llajtamantaj mana; wakin chajraspaj paracherqani, wakimpajtaj mana, chaynejta ch'akipunku yakumanta jina.

DIOSPA QHELQACHISQAN DEUTEROCANONICAL

⁷ Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

DIOSPA QHELQACHISQ

⁷ Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Amós 4:7 ပူးပေါင်းရင်းမြစ်များ

Éxodo 10:22

Moisestaj chayta nejtinkama makinta pataman oqharerqa, laqhayaytaj manchayta laqhayaykorqa tukuynin Egipto jallp'ata kinsa día junt'ata.

Éxodo 10:23

Jinamanta ni pipis rikorqachu, nitaj rikunakorqankuchu, manataj pipis kuyurerqachu maypichus kasharqa chaymanta kinsa día junt'ata. Israelitas kasharqanku chaypeqa mana jinachu karqa, k'anchayqa kallarqapuni wasisninkupi.

Éxodo 8:22

Ajina kashajtintaj, Gosén jallp'apeqa mana kanqachu khanikoj ch'uspisqa, mayqempichus aylluy tiyakushan chaypi; ajinamanta yachanaykichejpaj noqa Señor kay jallp'a patapi kashasqayta.

Éxodo 9:26

Gosén jallp'allaman mana granizoqa chayarqachu, maypichus israelitas tiyakaorqanku chayman.

Éxodo 9:4

Señorqa israelitaspa uywasninta egipciospa uywasninmanta t'aqanqa; chayrayku israelitaspa uywasnenqa ni ujpis wañonqankuchu.

Isaías 5:6

Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Jeremías 14:3

Qhapajkunaqa uywasqasninkuta yakuman kachanku, chaykunataj yaku qochasman rinku, manataj yakuta tarinkuchu, kutipunkutaj ch'usaj p'uyñusniyojlla, ch'aukiyasqas, may p'enqasqastaj umasninkuta qhataykukuspa.

Jeremías 14:4

Chajrata poqochej runas, ch'aukiyasqas rikhurerqanku, p'enqaywan umasninkuta qhataykukuspa, imaraykuchus chay ch'aki jallp'aman mana paramorqachu.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

Zacarías 14:17

Sichus chay mayqen jallp'amantapis mana rinmanchu Jerusalenman chay Tukuy Atiyniyoj Señorta Reytataj yupaychaj chayqa; chay jallp'apeqa mana para kanqachu.

San Juan 4:35

Qankunaqa ninkichej: Tawa killamantaraj cosecha kanqa; noqarí niykichej: Qhawariychej chajrasta, cosechanapaj poqosqaña kashanku.

1 Corintios 4:7

Pitaj qanta allimpi rikuchisunki, wajkunamanta astawan? Chayrí imataj tiyapusunki mana Diospa qosusqan? Pay qosunki chayri, imaraykutaj wapuykachanki manapis Diosmanta jap'iwajchu karqa jina?

Deuteronomio 11:17

Chayta ruwankichej chayqa, Señorta sinch'ita phiñachinkichej, paytaj mana parachimonqachu. Jallp'asniykichejtaj mana poqonqankuchu, qankunataj Señorpa qosusqaykichej jallp'amanta usqhayllata chinkachisqas kankichej.

Santiago 5:17

Profeta Eliaspis noqanchej jina runa karqa. Payqa tukuy sonqo mañakorqa Diosmanta ama parananta, manataj pararqachu kinsa wata sojta killayojta.

Apocalipsis 11:6

Kaykunaqa atiyniyoj kanku janaj pachata wisq'anankupaj ama paramunampaj, sut'inchasharqanku chay p'unchaykunapi. Atiyniyojllataj kanku yakusta kamachispa, yawarman tukuchinankupaj; jallp'atapis tukuy ima ñak'ariykunawan nanachinankupaj, mashkha kutitachá munasqankuta.