Amós 4:6 - Qheshwa Biblia DC

⁶ Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

DIOSPA QHELQACHISQAN DEUTEROCANONICAL

⁶ Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

DIOSPA QHELQACHISQ

⁶ Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Amós 4:6 ပူးပေါင်းရင်းမြစ်များ

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Reyes 18:2

Eliastaj rispa Acabwan tinkumoj rerqa. Yarqhaytaj anchapuniña Samariapeqa karqa.

2 Reyes 4:38

Jatun yarqhay kashajtin Eliseoqa Gilgalman kutimorqa. Profetastaj paywan kasharqanku. Kamachinmantaj nerqa: Churay uj jatun mankata, mikhuytataj profetaspaj wayk'uy.

2 Reyes 8:1

Sunempi tiyakoj warmej wawanta Eliseo kausaricherqa, chay warmimanta Eliseoqa nerqa: Señorqa kay llajtaman qanchis watata yarqhayta apachimonqa, chayrayku kaymanta ripuychej, maymanchá munankichej chayman, qanwan tukuy familiaykiwan ima.

2 Crónicas 28:22

Chay jina llakiywan mat'isqa kashaspapis, Señorpa contrampi juchallillarqapuni. Ajina rey Acazqa karqa.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Isaías 3:1

Qhawaychej allinta! Tukuy Atiyniyoj Señorqa Jerusalenmanta, Judamantawan tukuy ima kausanapaj kajta qhechukaponqa: Mikhuykunata yakutawan, wapu kajta, ch'ajwapi maqanakojta, cheqanchajta, profetata, yachajta, kuraj runasta, soldadosta kamachejta, allin runata, yuyaychajta, jampirita, layqata ima.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Jeremías 14:18

Campoman llojsispaqa maqanakupi wañojkunaj ayasninkuta rikuni, llajtaman yaykuspa rikuni runas yarqhaymanta wañushajta. Rikullanitaj profetasta, sacerdotestawan mana rejsisqa llajtasman ripushajta.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Ezequiel 14:21

Noqa Señormin nini: Aswanraj kanqa maypachachus noqa tawantin sinch'i jasut'iyniyta Jerusalenman apachimojtiy. Ch'ajwata, yarqhayta, millay animalesta, onqoykunata ima, runata, uywasta ima wañurachinampaj.

Ezequiel 16:27

Chay jinamanta jasut'isunaypaj makiyta oqharerqani. Mikhunasniykita pisiyacherqani. Filisteoswantaj jap'icherqayki. Paykunaqa chejnikusunku, millay puriyniykimantataj p'enqakunku.

Oseas 11:5

Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Joel 1:16

Ñawisninchej qhawashajtillanraj mikhuyta qhechurawarqanchej. Diosninchejpa templompitaj kusikoyqa tukukaporqa.

Levítico 26:23

Chay tukuywampis manapuni kasuwankichejchu, noqaj contrallaypuni kankichej chayqa, noqapis qankunaj contraykichejman tukusaj. Uj qanchis kutitawantaj jasut'isqaykichej juchasniykichejman jina.

Levítico 26:26

Maypachachus mikhunaykichejta pisiyachisaj chaypacha chunka warmis uj hornollapi t'antata chayachenqanku. Paykunaqa qankunaman may pisi t'antata qosonqachej, manataj sajsakunkichejchu.

Hageo 2:17

Noqa tukucherqani tukuy llank'asqaykichejta, onqoywan, granizowantaj. Chaywampis qankunaqa mana noqaman kutirimorqankichejchu, noqa Señor nini.

Deuteronomio 28:38

Jallp'asniykichejpi ashkhasta tarpunkichej, pisistataj cosechasta oqharinkichej, imaraykuchus langostaslla mikhukaponqanku.

Apocalipsis 2:21

Unayta suyarqani juchamanta Diosman kutirikunanta; manataj payqa munanchu chay qhenchachakuy juchamanta kutirikuyta.

Rut 1:1

Maypachachus jueces Israelta kamachishajtinku, uj yarqhay jamorqa tukuynin jallp'aman. Chaypacha Judapi Belenmanta uj runa Elimelec sutiyoj pisi tiempopaj tiyakapoj rerqa chay Moab jallp'aman. Payman rillarqataj warmin Noemí chantá iskaynin qhari wawasnin Mahlón jinataj Quelión ima. Tukuyninku Efrata jallp'amanta karqanku, chayri Belén llajtamanta karqa. Moab jallp'aman chayaspa chaypi tiyakapoj qhepakorqanku.