Amós 4:10 - Qheshwa Biblia DC

¹⁰ Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

DIOSPA QHELQACHISQAN DEUTEROCANONICAL

¹⁰ Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

DIOSPA QHELQACHISQ

¹⁰ Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Amós 4:10 ပူးပေါင်းရင်းမြစ်များ

2 Reyes 10:32

Chay p'unchaykunapi Señorqa qallarerqa Israelpa jallp'asninta tukuy cantosninta qhechuchiyta. Hazael reyqa Israelta tukuynin mojonesnimpi atipaykorqa: Inti llojsimuynejman, Jordán mayumanta, tukuy Galaadta, Gadta, Rubenta, Manasesta, Aroer cheqata, Arnón wayq'omantapacha, Galaadta, Basantawan ima.

2 Reyes 13:3

Señorpa sinch'i phiñakuynintaj Israelpa patanman jamorqa, Siriamanta rey Hazaelman, wawan Ben-adadmanwan unaypaj jaywaykorqa.

2 Reyes 13:7

Joacazpata manaña ashkhachu runas karqa, imaraykuchus Siriamanta rey Hazael tukuyninkutapuni wañuykucherqa, pampapitaj jallp'ata jina saruykorqa. Paypataqa tiyaporqaraj phishqa chunka soldados caballospi rejkuna, chunka carretas, chunka waranqa soldadospiwan.

2 Reyes 8:12

Chanta Hazaelqa payman nerqa: Imaraykutaj, wiraqochíy, waqashankiri? Paytaj kuticherqa: Ñapis yachaniña israelitasta imayna sajratachus ruwanaykita; jark'achisqa llajtasninta ninawan enqhaykunki, waynas kajtapis cuchillowan wañurachinki, wawasnintapis wañurachinki, onqoj warmispa wijsasnintapis kicharanki.

Éxodo 10:27

Señorqa ujtawan faraompa sonqonta rumiyacherqa, israelitasta ama llojsejta saqenampaj.

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Éxodo 8:19

Chaymantaqa chay layqas faraonman nerqanku: Kayqa Diospa jasut'iynin, nispa. Faraonqa astawan sonqonta rumiyacherqa; mana imatapis kasorqachu, Señorpa nisqanman jina.

Éxodo 9:12

Señortaj astawan faraompa soqonta rumiyacherqa; chayrayku Moisesta Aarontawan mana kasuta ruwarqachu Moisesman Señor nisqanman jina.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Isaías 34:3

Chay wañusqasqa pachanman wijch'urpayasqa kanqanku, chay wañusqasqa millayta asnayta qallarenqanku, orqospitaj yawarninku purirenqa.

Isaías 50:11

Qankunaqa tukuy ninata jap'ichejkuna, nina k'anchayta apaykachajkuna; chay nina jap'ichisqaykichejman urmankichej, ima k'anchaykunastachus jap'ichikunkichej chaykunallamantaj; llakiywantaj tukukunkichej. Kay jasut'itaqa Señorpuni apachimusonqachej.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Jeremías 15:3

Noqa Señor nini: Noqa apachimusqaykichej tawa laya jasut'ista: Wañuchisonqachej, maqanakupi alqos qhatatasonqachej, suweq'aras mikhusonqachej, chhikachaj millay animalesataj oqoykusonqachej.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

Jeremías 48:15

Chayamushanña Moabta, llajtasnintapis phirejqa; aswan allin wayna runasnimpis wañuranqanku. Chay reyqa nin, sutenqa Tukuy Atiyniyoj Señor.

Jeremías 49:26

Chay p'unchaypi wayna runasnin callespi mast'alla qhepakonqanku, tukuy ch'ajwapi maqanakojkunasnintintaj wañonqanku. Noqa Tukuy Atiyniyoj Señor chayta nini.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 6:11

Phiñakuyniykiwan junt'asqaña kani Señor, manaña kakuyta atinichu, nispa. Señortaj niwarqa: Chay phiñakuyniyta thalliykuy ari callepi purishanku chay wawaspa patanman, jinataj chay waynaspa patanmampis. Qosasta warmisnintinta presochasqasta apanqanku, jinallataj machu runastapis.

Jeremías 9:22

Runaspa ayasninkutaj pampaman wijch'usqas wanu jina kanku. Jinallataj, imaynatachus trigoj umasnin ruthojpa qhepampi t'akakun, manataj pipis chajmanchu ajinata. Señormin chayta nin.

Oseas 11:5

Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

Joel 2:20

Wichaymanta jamoj langostastaqa karunchachisaj qankunamanta. Ch'in pampamantaj qharqosaj. Ñaupajpi kajkunata Wañusqa Qochapi jeq'eqachisaj, qhepapi kajkunatataj Mediterráneo nisqa qochapi. Cuerposninkutaj ismuykonqa, asnaykonqataj. Jatuchej imasta ruwasaj!, nin Señorqa.

Levítico 26:25

Qankunaj pataykichejman maqanakuta apachimusaj, tratonchejta p'akisqaykichejrayku. Qankunataj ayqekunkichej llajtasniykichejman pakakoj. Noqataj chayman onqoykunata apachimusqaykichej, jinamanta qankunaqa enemigosniykichejpa makisninkuman urmankichej.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Amós 8:3

Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

Hageo 2:17

Noqa tukucherqani tukuy llank'asqaykichejta, onqoywan, granizowantaj. Chaywampis qankunaqa mana noqaman kutirimorqankichejchu, noqa Señor nini.

Deuteronomio 28:22

Chantaqa apachimullasonqachejtaj wañuchej ch'ojo onqoykunata, q'oñi onqoykunata, punkiy onqoykunata, mana muchuy atina k'arajta, ch'aki watasta, imaymana onqoykunatataj trigo chajrasniykichejman. Chay onqoykunaqa qhatiykachasonqachej wañuchisunaykichejkama.

Deuteronomio 28:60

Qankunamampis apachimusonqachej Egiptopi tukuy sajra nanaykunata, qankuna manchachikorqankichej chaykunata. Chay onqoykuna unaypaj k'askaykukusonqachej.

Deuteronomio 7:15

Señorqa qankunaj ñaupaqeykichejmanta tukuy laya onqoykunata ayqechenqa, Egiptoman apachimorqa chay jasut'iykunata, qankuna chayta yachankichej. Manachayqa chaywan enemigosniykichejta chaykunawan ñak'arichimonqa.