Amós 2:1 - Qheshwa Biblia DC

¹ Ajinata nin Señorqa: Moabmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa Edommanta kaj reypa tullusninta, llamp'u ushphaman tukunankama q'olachinku.

DIOSPA QHELQACHISQAN DEUTEROCANONICAL

¹ Tata Dios kay jinata nin: Moabmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus Edom suyuta kuraj kamachejpa tullunta ushphaman tukuchinankukama ruphacherqanku.

DIOSPA QHELQACHISQ

¹ Tata Dios kay jinata nin: Moabmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus Edom suyuta kuraj kamachejpa tullunta ushphaman tukuchinankukama ruphacherqanku.

Amós 2:1 ပူးပေါင်းရင်းမြစ်များ

2 Reyes 3:9

Israelmanta, Judamanta, Edonmanta, kinsantin reyes purirerqanku. Qanchis p'unchaytaña ch'in pampannej ñanta muyuykuspa purisqankumantaña soldadospaj yaku pisiykorqa, tukuynin uywasninkupaj ima.

Proverbios 15:3

Señorqa tukuynejpi kashan, allin runasta mana allin runastapis qhawaspa.

Isaías 11:14

Iskaynintaj inti yaykuynejman kachaykukonqanku, filisteosmantaj wasankumanta urmaykonqanku, jinallataj inti llojsimuynejpi tiyakojkunajmanta tukuy imankuta qhechumonqanku. Edom nación, Moab nacionwampis paykunata sirvenqanku, jinallataj Amón naciompi kajkunapis paykunata kasonqanku.

Isaías 16:6

Moab runaspa mayta wapuykachasqankuta uyariyku; mayta runaykachasqankuta, machu machu kasqankutapis. Chaywampis llullakusqasninkoqa mana cheqanchu kanqa.

Isaías 25:10

Señorqa makinwan Sión orqota jark'anqa, Moab llajtataj pachampi saronqa, imaynatachus ichhuta q'opata jich'anapi sarunku ajinata.

Jeremías 25:21

Chaymantaqa ujyachillarqanitaj Edomman, Moabman, Amonman;

Amós 1:11

Ajinata nin Señorqa: Edonmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa makinkupi espada oqharisqa hermanosninku israelitasta mana khuyakuspa qhatiykacharqanku. Paykunaqa phiñakuspa munayninkuta ruwarqanku, phiñakuyninkoqa mana thasnukoj karqa.

Amós 1:13

Ajinata nin Señorqa: Amonmanta runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa jallp'asninkuta jatunyachiyta munaspa Galaadmanta kaj onqoj warmispa wijsasninkuta khicharerqanku.

Amós 1:3

Ajinata nin Señorqa: Damascomanta kaj runasqa ashkha sajra imaspi juchallinku, chayrayku paykunata jasut'isajpuni; imaraykuchus Galaadmanta kajkunata fierro trilloswan trillarqanku.

Amós 1:6

Ajinata nin Señorqa: Gazamanta runas ashkha sajra imaspi juchallinku, chaynejta jasut'isajpuni; imaraykuchus llajtantinta apaspa Edonman presosta pusakaporqanku.

Amós 1:9

Ajinata nin Señorqa: Tiromanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa tukuy aylluntinta Edomman vendeykunku wata runasta jina, chay aylluwantaj uj tratota ruwarqanku hermanos jina kanankupaj.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

Amós 2:6

Ajinata nin Señorqa: Israelitasqa ashkha sajra imasta ruwaspa juchallikunku; chayrayku paykunata jasut'isajpuni, paykunaqa mana juchayoj qolqerayku vendenku; wajcha runastataj ujut'asrayku vendenku.

Miqueas 6:5

Munasqa ayllúy, yuyarikuy kunan Moabmanta rey Balacpa wakichikusqanta, Beorpa wawan Balaampajman kutichisqantataj. Yuyarikuy, Sitinmanta Gilgalman pasasqaykita. jinataj rejsiy Señorpa atipachisqasninta.