Amós 1:9 - Qheshwa Biblia DC

⁹ Ajinata nin Señorqa: Tiromanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa tukuy aylluntinta Edomman vendeykunku wata runasta jina, chay aylluwantaj uj tratota ruwarqanku hermanos jina kanankupaj.

DIOSPA QHELQACHISQAN DEUTEROCANONICAL

⁹ Tata Dios kay jinata nillantaj: Tiro llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus tukuy llajtantinta wata runata jina jap'ispa, Edomman venderqanku. Manataj yuyarikorqankuchu Israelwan allinta kawsanankupaj tratota ruwasqankumanta.

DIOSPA QHELQACHISQ

⁹ Tata Dios kay jinata nillantaj: Tiro llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus tukuy llajtantinta wata runata jina jap'ispa, Edomman venderqanku. Manataj yuyarikorqankuchu Israelwan allinta kawsanankupaj tratota ruwasqankumanta.

Amós 1:9 ပူးပေါင်းရင်းမြစ်များ

2 Samuel 5:11

Chayrayku Tiroj reynin Hiramqa kacharqa runasninta parlapayamunankupaj, chay jawa kachallarqataj, k'ullusta llajllaj runasninta, jinataj rumi ch'eqoj runasnintapis. Chaykunataj cedro k'ullusta apaspa Davidpa palacio wasinta ruwarqanku.

Salmos 83:7

Gebalmanta, Amonmanta, Amalecmanta, filisteosmanta, Tiropi tiyakojkuna ima.

Jeremías 25:22

Tiromanta Sidonmantapis tukuy reykunasninman; mar qocha nisqa chay jallp'asmanta tukuy reykunasninman ima.

Jeremías 47:4

Filisteosta urmachina p'unchay chayamunña, Tiromanta, jinataj Sidonmanta yanapajninkuta qhechunku chay p'unchaypis. Arí, Señorqa filisteosta tukuchenqa, Creta churupi llajtamanta yaykumojkunata.

Ezequiel 27:1

Señorqa parlamuwaspa niwarqa: Qanqa runa, Tiro llajtapajqa aya p'ampana takiyta takipuy, kay jinata: Mar qocha cantospi tiyakoj llajta, qocha chaupi churuspi tiyakojkuna, chay ashkha llajtaswantaj qhatusta ruwaj. Kunanqa Tiro llajta, Señorqa kay jinata nisunki: Qanmanta nerqanki: Noqa manchay k'acha kani, tukuy ima junt'asqataj.

Ezequiel 27:27

Ashkha kapuyniyki, qhatu ruwanasniyki, tukuy ruwasqasniyki, mar qochapi purej runasniyki, buquesta apaykachaj runasniyki, buquej k'allkasninta ñuphaj runasniyki, qhatunasniykita allin yachaywan qhawajkuna. Ch'ajwapi maqanakoj runasniyki, tukuy qanwan purejkuna ima, chinkanayki p'unchay chayamojtin, mar qocha ukhuman ch'ultiykukonqanku.

Ezequiel 28:1

Señorqa parlamuwaspa niwarqa: Runa, Tiro llajtaj reyninman kay jinata niy: Sonqoykipi jatunchakuspa nerqanki: Noqa uj dios kani, Diospa tiyanampi tiyarishani, mar qocha chaupipi, nispa. Chaywampis qanqa runalla kanki, manataj dioschu. Uj dios jina yachayniyoj kasqaykita yuyakunki.

Ezequiel 28:18

May chhikatapuni juchallerqanki. Qhatunasniykita mana cheqa kajman jina apaykachasqaykipitaj ch'ichichakorqanki. Chayrayku, noqa qanllamantataj ninata rikhuricherqani, chaytaj q'olaykusorqa. Jallp'a patapi ushphallata saqerparerqayki tukuy runaj rikunanta.

Amós 1:11

Ajinata nin Señorqa: Edonmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa makinkupi espada oqharisqa hermanosninku israelitasta mana khuyakuspa qhatiykacharqanku. Paykunaqa phiñakuspa munayninkuta ruwarqanku, phiñakuyninkoqa mana thasnukoj karqa.

Amós 1:6

Ajinata nin Señorqa: Gazamanta runas ashkha sajra imaspi juchallinku, chaynejta jasut'isajpuni; imaraykuchus llajtantinta apaspa Edonman presosta pusakaporqanku.

Abdías 1:11

Qanqa uj ladoman ithirerqanki maypachachus enemigosniyki orqhoshajtinku llajtaj chay qhapaj kaykunasinta. Maypachachus waj llajtayoj soldados Jerusalén llajtaj punkusninta p'akirarqanku puchojtarí rak'inakorqanku, chantá tukuy qhapaj kaynintapis apakaporqanku chaypacha qampis paykuna jinallataj karqanki.

Zacarías 9:1

Kay kutipi Señor parlarqa Hadrac jallp'aj, jinataj Damasco llajtaj contrampi, kay jinata: Siriapi llajtakunaqa Señorpatamin, imaynatachus Israelmanta ayllukunapis kanku, ajinata.

San Mateo 11:21

Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa.

San Mateo 11:22

Cheqamanta ari niykichej: Juicio p'unchaypeqa, aswan ñak'ariy qankunapaj kanqa, Tiromanta, Sidonmantawan nisqaqa.

San Lucas 10:13

Ay, qanmanta Corazín llajta! Ay, qanmantapis Betsaida llajta! Sichus Tiropi, Sidompi ima, milagros ruwakunman karqa qankuna ukhupi jina chayqa, maypachaña chaypi tiyakojkunaqa Diosman kutirikunkuman karqa, ushpharara qhashqa p'achata churakuspa.

San Lucas 10:14

Chaynejta niykichej: Juicio p'unchaypeqa, aswan pisi ñak'ariy kanqa Tiropaj, Sidompaj ima, qankunamanta nisqaqa.