Amós 1:6 - Qheshwa Biblia DC

⁶ Ajinata nin Señorqa: Gazamanta runas ashkha sajra imaspi juchallinku, chaynejta jasut'isajpuni; imaraykuchus llajtantinta apaspa Edonman presosta pusakaporqanku.

DIOSPA QHELQACHISQAN DEUTEROCANONICAL

⁶ Tata Dios kay jinata nillantaj: Gaza llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus llajtantinta wata runata jina jap'ispa, Edompi paykunata venderqanku.

DIOSPA QHELQACHISQ

⁶ Tata Dios kay jinata nillantaj: Gaza llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus llajtantinta wata runata jina jap'ispa, Edompi paykunata venderqanku.

Amós 1:6 ပူးပေါင်းရင်းမြစ်များ

2 Crónicas 28:18

Jinallataj filisteospis Judá pampasnejpi kaj llajtasmanta, Neguevmanwan qhechuraj yaykusqanku. Jap'ikapusqankutaj: Bet-semesta, Ajalonta, Gederotta, jinallataj Socota, Timnata, Gimzota, ranchosnintintakama. Chaykunaspitaj tiyakapusqanku.

Jeremías 47:1

Kaymin chay willayqa, mayqentachus Señorqa Jeremiasman parlaykorqa, filisteosta imaschus qhatirinanmanta, manaraj faraón Gaza llajtata jap'ishajtin, nerqa:

Ezequiel 35:5

Israel ayllupaj wiñay enemigon karqanki, paykunata may llakiypi kashajtinku maqaykorqankichej, juchasninkumanta jasut'isqa kashajtinku.

Joel 3:4

Qankunarí, imata munankichej noqawanri, Tiropi tiyakoj runas, Sidompi tiyakoj runas, jinataj Filisteapi tiyakoj runaspis? Vengakuytachu munankichej noqawan? Munashankichejchu imallatapis qosunaykichejta? Pisimantawan qopusqaykichej imachus qankunapaj atikusqanta, purisqaykichejman jina!

Joel 3:6

Judapi tiyakoj runasta karusman aparqankichej, jinallataj Jerusalempi tiyakoj runastapis. Griego runasmantaj venderqankichej kamachis jina kanankupaj.

Amós 1:11

Ajinata nin Señorqa: Edonmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa makinkupi espada oqharisqa hermanosninku israelitasta mana khuyakuspa qhatiykacharqanku. Paykunaqa phiñakuspa munayninkuta ruwarqanku, phiñakuyninkoqa mana thasnukoj karqa.

Amós 1:3

Ajinata nin Señorqa: Damascomanta kaj runasqa ashkha sajra imaspi juchallinku, chayrayku paykunata jasut'isajpuni; imaraykuchus Galaadmanta kajkunata fierro trilloswan trillarqanku.

Amós 1:7

Chayrayku Gaza llajtaj perqasninman ninata jap'iykuchisaj, chay ninataj palaciosninkuta q'olaranqa.

Amós 1:9

Ajinata nin Señorqa: Tiromanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa tukuy aylluntinta Edomman vendeykunku wata runasta jina, chay aylluwantaj uj tratota ruwarqanku hermanos jina kanankupaj.

Abdías 1:11

Qanqa uj ladoman ithirerqanki maypachachus enemigosniyki orqhoshajtinku llajtaj chay qhapaj kaykunasinta. Maypachachus waj llajtayoj soldados Jerusalén llajtaj punkusninta p'akirarqanku puchojtarí rak'inakorqanku, chantá tukuy qhapaj kaynintapis apakaporqanku chaypacha qampis paykuna jinallataj karqanki.

Zacarías 9:5

Ascalón llajta kayta rikuspaqa mayta mancharikonqa. Gazapis ñak'arillanqataj sinch'ita, Ecrompa suyaynimpis pampaman laq'akonqa. Gazaqa mana reyniyoj qhepakonqa. Ascalompi tiyakojkunapis manaña puchonqachu.

Hechos 8:26

Chay qhepatataj Diospa angelnin Felipeman nerqa: Jatarispa riy ura kaj ñanman. Chay ñanqa, Jerusalenmanta llojsimuspa Gaza llajtaman rishan ch'in pampanejta.

1 Samuel 6:17

Chay phishqa qori ch'upusta filisteosqa qorqanku juchasninkoj cuentanmanta Señorman qorqanku. Chayqa karqa ujkama kay llajtaspa cuentanmanta: Asdodmanta, Gazamanta, Ascalonmanta, Gatmanta, Ecronmanta ima.