Abdías 1:15 - Qheshwa Biblia DC

¹⁵ Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

DIOSPA QHELQACHISQAN DEUTEROCANONICAL

¹⁵ Tata Dios tukuy suyukunata jasut'inan p'unchay chayamushanña. Chayrayku imaynatachus wajkunata ruwarqanki, ajinallatataj qantapis ruwasonqanku. Imatachus ruwasqaykiman jina jap'inki.

DIOSPA QHELQACHISQ

¹⁵ Tata Dios tukuy suyukunata jasut'inan p'unchay chayamushanña. Chayrayku imaynatachus wajkunata ruwarqanki, ajinallatataj qantapis ruwasonqanku. Imatachus ruwasqaykiman jina jap'inki.

Abdías 1:15 ပူးပေါင်းရင်းမြစ်များ

Ester (hebreo) 9:25

Estertaj reypaman rejtin, reyqa uj cartata qelqaspa apacherqa, Amampa tukuy sajrata judiospaj yuyasqasnenqa payllamantaj urmananta, ajinamanta paywan wawasninwanqa sipinapi warkhusqas karqanku.

Job 24:1

Tukuy Atiyniyojmanta tiempospis mana pakasqa kajtenqa, imaraykutaj payta rejsejkunaqa ima diaschus ruwanantaqa mana yachankuchuri?

Salmos 137:8

Qan Babilonia, thuñisqapuni kanki, kusikuyniyoj kanqa pichus qanta urmachisojqa, imaynatachus ruwawasqaykiman jina.

Proverbios 5:22

Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

Jeremías 12:14

Ajinata Señorqa nin: Israel qayllapi tiyakojkuna juchasapa runasman, pikunachus phiñarerqanku chay chayaqenkupaj jina qorqa Israel ayllun chayta: Noqa t'irasqaykichej jallp'asniykichejmanta, Judatapis orqhollasajtaj paykuna chaupimanta.

Jeremías 49:12

Señorqa nin: Sichus jaqay pichus mana jasut'i yurupaj jinachu karqanku, chaykuna ujyallarqankutaj chayqa, mana qhepakunkichu mana jasut'isqa kaspaqa, manachayqa chay vasomanta ujyanallaykipuni tiyan.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Jeremías 51:56

Babiloniata chinkachej jamorqanku, ña jap'eqarqankuña ch'ajwapi maqanakojkunasninta, chay k'uru wach'inasninkutataj t'unata ruwarqanku. Señorqa Diospunimin, sapa ujman payqa qopun imatachus ruwasqankuman jina.

Ezequiel 30:3

Chay p'unchayqa qayllamushanña. Qayllapiñapuni Señorpa p'unchaynenqa kashan! Phuyusniyoj p'unchay kanqa. Llajtakunapaj chay p'unchayqa uj jasut'i jina kanqa!

Ezequiel 35:11

Chayrayku Señorqa nin: Imaynatachus Israel aylluta phiñakuywan, chejnikuywan ruwarqani, chay kikillantataj qantapis ruwasqayki. Qanta jasut'isqayki, chaypacharaj paykunaqa rejsiwanqanku pichus kasqayta.

Ezequiel 35:15

Israelpa chayaqen t'unaykusqa rikhurejtin qan kusikorqanki, chay kikillantataj qanta ruwasqayki: Seir jatun orqo thuñisqa kanki, ch'in pampaman tukuchisqataj, tukuynin Edom llajtantin. Chaypacha noqa Señor kasqayta yachanki.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Joel 2:1

Sión orqopi putututa waqachiychej. Señorpata kaj llimphu orqompi sinch'ita putututa waqarichiychej. Judá llajtapi tiyakoj runas tukuyniykichej kharkatitiychej. Imaraykuchus, Señorpa p'unchaynenqa qayllapiña kashan.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Amós 5:18

Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

Amós 5:20

Arí, Señorpa jamunampeqa laqha tutalla kanqa, mana k'anchayqa kanqachu; laqha kanqa, manapuni imaynamantapis sut'imonqachu.

Miqueas 5:15

Phiñakuyniypi, vengakusaj mana kasuyta munawarqankuchu chay nacioneswan.

Habacuc 2:8

Contraykipi naciones tantaykukuspa tukuy kapuyniykita qhechusonqanku, imaynatachus qampis paykunamanta qhechorqanki jinata. Chaypacha pagachisonqanku; wañurachisqaykimanta, millay ruwaykunasta ruwasqaykimantataj chay jallp'ankupi, llajtasninkupi tiyakojkunaswantaj.

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Jueces 1:7

Chaypacha Adonisedecqa nerqa: Ñaupajtaqa noqa mut'urarqani qanchis chunka reykunaspa makisninkoj machu dedosninkuta jinataj chakisninkojtapis, chay runastaj mesay urapi mikhuy puchusta pallaj kanku. Kunanrí imaynatachus noqa ruwarqani kikillantataj Dios ruwawan. Jerusalenman payta pusarqanku, chaypitaj wañuporqa.