3 Juan 1:11 - Qheshwa Biblia DC

¹¹ Munasqa hermano, ama sajra kajtaqa yachaqakuychu, astawanqa cheqa kajllata. Cheqa kajta ruwajqa, Diosmanta. Pichus sajrata ruwajrí, Diosta mana rejsinchu.

DIOSPA QHELQACHISQAN DEUTEROCANONICAL

¹¹ Munasqa wawqéy, ama chay jina mana allin kajta ruwayta yachaqakuychu, aswanpis allin kajllata. Cheqan kajta ruwajqa Diosmantamin. Pichus mana allin kajta ruwajrí, Diosta mana Diosninpaj rejsikapunchu.

DIOSPA QHELQACHISQ

¹¹ Munasqa wawqéy, ama chay jina mana allin kajta ruwayta yachaqakuychu, aswanpis allin kajllata. Cheqan kajta ruwajqa Diosmantamin. Pichus mana allin kajta ruwajrí, Diosta mana Diosninpaj rejsikapunchu.

Quechua South Bolivia: Dios Parlapawanchej

¹¹ Munaska hermanóy, sajrata ruwajcunajinaka ama ruwaychu. Manachayrí chekan ruwajcunajinapuni ruway. Chekan cajta ruwajka Diospa cheka wawanmin. Sajra cajta ruwajrí ni imatapis yachanchu Diosmanta.

3 Juan 1:11 ပူးပေါင်းရင်းမြစ်များ

Salmos 34:14

Karunchakuy tukuy ima sajramanta, allin kajtataj ruway. Sonqo tiyasqa kayta mask'ay, chaytataj qhatiy.

Salmos 37:27

Sajra kajmanta karunchakuy, allin kajtataj ruway, wiñaypajtaj uj cheqapi tiyakunki.

Éxodo 23:2

Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa.

Proverbios 12:11

Pichus jallp'anta llank'ajpataqa ashkha mikhunasnin tiyapun; puriskirispa qhepanta purejrí wampu runa.

San Juan 10:27

Noqa ovejasniyta rejsini, paykunataj vozniyta uyariwanku, qhepaytataj jamunku.

San Juan 12:26

Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

San Juan 3:20

Tukuy sajrata ruwajqa k'anchayta chejnin; manataj k'anchayman jamunchu, sajra ruwasqasnin ama sut'inchasqas kanankupaj.

1 Corintios 11:1

Qhatiwaychej noqata, imaynatachus noqapis Cristota qhatini ajinata.

1 Corintios 4:16

Chayrayku, mañakuykichej noqa jina kanaykichejta.

Efesios 5:1

Diosmanta yachakuychej munasqa wawasnin jina.

Filipenses 3:17

Hermanos, noqamanta yachakuychej, qhawaychejtaj pikunachus noqayku jina kausajkunata yachachisqaykuman jina.

1 Tesalonicenses 1:6

Qankunataj noqaykumanta, Señormantapis yachakorqankichej ancha llakiypi. Santo Espíritoj kusikuyninwantaj Diospa palabranta jap'erqankichej.

1 Tesalonicenses 2:14

Hermanos, qankunaqa yachakojkuna kankichej Diospa iglesiasninmanta, mayqenkunachus Judeapi kashanku, Cristo Jesuspi; ima llakiytachus qankuna jap'ikorqankichej llajta masisniykichejmanta. Chay kikillantataj paykunapis judiosmanta jap'ikorqanku.

2 Timoteo 3:10

Qanqa allinta jap'ikorqanki yachachisqayta. Yachankitaj imaynatachus kausasqayta, imaynatachus ruwayta munasqayta, feniy kallpayoj kasqanta, munakuyniyta, pacienciayta, qhatiykachawasqankuta, ñak'arisqayta ima. Qan yachanki imaynachus riwasqanta Antioquiapi, Iconiopi, Listrapi ima. Yachallankitaj mayta ñak'arisqayta. Chay tukuymantaqa Señorlla jark'awarqa.

Hebreos 6:12

Ama qhellas kaychejchu, astawanqa paykunamanta yachakuychej; pikunachus fewan, pacienciawantaj, Diospa qonasninta chayaqepaj jap'erqanku.

1 Pedro 3:11

Sajra kajmanta t'aqakuchun, allin kajtataj ruwachun. Sonqo tiyasqa kayta mask'achun. Chaytataj qhatichun.

1 Pedro 3:13

Pitaj qankunata imanasunkichejman, sichus allin kajta qhatiwajchej chayqa?

1 Juan 2:29

Jesucristo cheqan kasqanta yachankichej chayqa, yachallaychejtaj ari, pillapis cheqan kajta ruwajqa, Diospa wawan kasqanta.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.