2 Samuel 9:7 - Qheshwa Biblia DC

⁷ Davidtaj nerqa: Ama manchachikuychu, noqaqa cheqamanta khuyasqayki, Jonatanta munakusqayrayku. Jatun tataykej Saulpa jallp'asninta kutichipunasunkuta kamachisaj, qantaj noqawampuni mesaypi mikhunki.

DIOSPA QHELQACHISQAN DEUTEROCANONICAL

⁷ Davidtaj nerqa: Ama manchachikuychu. Noqaqa cheqamanta tatayki Jonatanta munakusqayrayku qhawasqayki. Jinataj jatun tataykej Saulpa jallp'anta kutichipusunankuta kamachisaj, wasiypitaj sapa p'unchay mikhunki, nispa.

DIOSPA QHELQACHISQ

⁷ Davidtaj nerqa: Ama manchachikuychu. Noqaqa cheqamanta tatayki Jonatanta munakusqayrayku qhawasqayki. Jinataj jatun tataykej Saulpa jallp'anta kutichipusunankuta kamachisaj, wasiypitaj sapa p'unchay mikhunki, nispa.

2 Samuel 9:7 ပူးပေါင်းရင်းမြစ်များ

Génesis 43:18

Paykunataj ninakusharqanku may mancharisqas wasinman pusajtin: Kayqa nisqalla! Kayman pusachimushawanchej qolqenmanta, chay waj kuti kutichipuwasqanchejmanta. Kunanqa jasut'iwasunchej, ruwawasuntaj kamachisnin kananchejpaj burrosninchejwan khuska.

Génesis 43:23

Paytaj kuticherqa chaymantaqa ama llakikuychejchu, amataj manchachikuychejchu. Diosniykichejchá á, tataykichejpa Diosnin chay qolqetaqa churaykorqa; noqa chay qosqaykichej qolqetaqa jap'erqani. Chaymantataj mayordomoqa Simeonta carcelmanta orqhomuspa paykunaman pusamorqa.

2 Samuel 19:28

Tataypa tukuy ayllonqa, wañunan karqa qampa ñaupaqeykipi reyníy, chaywampis kay kamachiykeqa wajyasqa karqa reyniypa wasimpi qanwan khuska mikhunaypaj. Imatawantaj mañayman qan reyniymantari?

2 Samuel 19:29

Reytaj kuticherqa: Manaña kanchu imapis parlanaqa. Kamachiniña qanwan Sibawan jallp'asta rak'inakunaykichejta.

2 Samuel 19:33

Reyqa chaypacha Barzilaiman nerqa: Jerusalenman noqawan ripuna, chaypi noqa qhawasqayki.

2 Samuel 21:7

Chaywampis Davidqa, Saulpa allchhin, Jonatampa wawan Mefi-bosetta khuyarqa, paywan Jonatanwan Señorpa ñaupaqempi purajmanta uj juramentota ruwanakusqankurayku.

2 Samuel 9:1

Uj kutipi Davidqa tapurerqa: Saulpa ayllunmanta pillapis kausanrajchu, Jonatampi sutimpi payta khuyanaypaj?, nispa.

2 Samuel 9:10

Chayrayku qanwan, wawasniykiwan, kamachisniykiwan ima, paypa jallp'ampi llank'ankichej paypaj poqoykunasta jallch'apuspa, ajinamanta uywaqeyki Saulpa ayllun kausanampaj, Mefibosettaj noqawan khuskapuni mikhonqa. Sibajtaqa chunka phishqayoj wawasnin karqa, iskay kunka kamachisnintaj.

2 Samuel 9:11

Sibataj reyman kuticherqa: Qan reyniypa kay kamachiykiman tukuy nisqasniykeqa junt'akonqapuni. Mefi-bosetqa, Davidpa mikhunanmantapuni ujnin wawan jina mikhorqa.

2 Samuel 9:13

Mefi-bosetqa Jerusalempi tiyakorqa, reywan khusqapunitaj mikhoj, payqa iskaynin chakisninmanta onqoj karqa.

2 Samuel 9:3

Chaypacha reyqa payta taporqa: Saulpa ayllunmanta pipis qhepakunrajchu, payta Señorpa sutimpi khuyanaypaj?, nispa. Sibataj reyman kuticherqa: Uj kanraj, chayqa kashan Jonatampa wawan, payqa chakisninmanta onqoj.

1 Reyes 2:7

Chaywampis Galaadmanta Barzilaipa wawasninta khuyarinki, qampa ladoykipitaj mikhuchinki, imaraykuchus paykunaqa khuyawarqanku wauqeyki Absalonmanta ayqekushajtiy chaypacha.

2 Reyes 25:29

Presospa churakunan p'achasninta paymanta orqhocherqa, tukuy kausaynimpitaj reywan khuska mikhoj.

Salmos 41:9

Sumaj kaj kausaqeypis, atienekusqay kaj, noqawan mikhoj ima, chay wasanchawan.

Jeremías 52:33

Ajinamanta Joaquemqa preso kanan p'achata lluch'ukuspa reywan khuska tukuy kausaynimpi mikhorqa.

San Mateo 6:11

Sapa día t'antaykuta kunan qopuwayku.

Apocalipsis 3:20

Qhaway, punkupi kashani, wajyashanitaj. Sichus uj runa wajyasqayta uyarin, punkutataj kicharimun chayqa, noqaqa paypaman yaykusaj. Paywantaj mikhusaj, paytaj noqawan mikhonqa.

1 Samuel 12:24

Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.

1 Samuel 22:23

Kunanqa noqawan qhepakuy, amataj manchachikuychu. Pillapis wañuchisuyta munajqa, noqatapi wañuchiyllatataj munan. Ajinaqa noqawan allillanta kakunki.