2 Samuel 24:25 - Qheshwa Biblia DC

²⁵ Chaypitaj Davidqa, Señorpaj uj altarta jataricherqa, chaypi uywasta q'olachispa jaywarqa, jinataj allinyakunapaj nisqa ñak'asqa uywastapis. Chaypacha Señorqa uyarerqa aylloj mañakusqasninkuta, chay onqoytaj Israel ayllu ukhumanta chinkaporqa.

DIOSPA QHELQACHISQAN DEUTEROCANONICAL

²⁵ Chaypitaj Davidqa Tata Diospaj uj altarta ruwaporqa, altar patapitaj uywa ñak'asqata q'olachispa jaywarqa, jinataj allinyakuna jaywanatapis. Chantá Tata Dios uyarerqa suyunrayku David mañapusqanta, chay millay onqoytaj Israel suyumanta chinkaporqa.

DIOSPA QHELQACHISQ

²⁵ Chaypitaj Davidqa Tata Diospaj uj altarta ruwaporqa, altar patapitaj uywa ñak'asqata q'olachispa jaywarqa, jinataj allinyakuna jaywanatapis. Chantá Tata Dios uyarerqa suyunrayku David mañapusqanta, chay millay onqoytaj Israel suyumanta chinkaporqa.

2 Samuel 24:25 ပူးပေါင်းရင်းမြစ်များ

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 22:9

Maymanchus Dios nerqa Abraham rinanta, chayman chayaspataj Abrahamqa uj altarta ruwarqa Diospaj, chaymantaj llant'a apasqanta churarqa. Llant'a patamantaj Isaac wawanta wataykuspa winkuykucherqa altar patapi.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

2 Samuel 21:14

Saulpa tullusninta jinataj Jonatampatapis p'amparqanku Saulpa tatan Cispaj p'ampana covachampi, benjamimpa jallp'ampi, Zela nisqa llajtapi. Tukuy imataj ruwakorqa rey kamachisqanman jina. Kaymanta qhepamantaj Diosqa chay jallp'ata khuyakorqa.

2 Samuel 24:14

Davidtaj Gadman kuticherqa: Jatun llakiypi kashani. Jinapis walej kanman kikin Señorpa mkisninman urmanayku, Paypa khuyakuynin may jatun kasqanrayku, amataj runaj makisninman urmanaykupaj.

1 Reyes 1:1

Rey Davidqa machu runaña karqa, ashkha watasniyojtaj, chayrayku p'achaswan khataykojtinkupis manaña q'oñichakuyta atejchu.

Ezequiel 16:42

Chaypachataj phiñakuyniyta qampi thasnusaj, tumpasunaypis manaña kanqachu. Samarikusaj, manañataj astawampis phiñakusajchu.

Números 17:13

Tukuy runas Dioswan parlana toldoman qayllajkuna wañunku. Tukuyniykuchu wañurasqayku imatajri?, nispa.

Jueces 21:4

Q'ayantintaj israelitasqa tutamanta jatarikorqanku, uj altarta ruwaspa jaywarqanku q'olachinasta, chantá allinyakuna jaywanastawan.

Jueces 6:24

Chaypacha Gedeonqa Señorpaj uj altarta jataricherqa, suticharqataj, Señormin sonqo tiyakoyqa, nispa. Chay altarqa kashallanraj Abiezerpa ayllun ukhupi, Ofra llajtapi.

1 Samuel 13:9

Chaypacha Saulqa kamacherqa: Uywasta apamuwaychej ruphachinanchejpaj, Dioswan allinyakuna rikuchikustawan jaywananchejpaj, nispa. Chanta pay kikin chay rikuchikuta ruphacherqa.

1 Samuel 14:35

Saultaj Señorpaj uj altarta sayaricherqa. Chaytaj Señorpaj ñaupaj kaj ruwasqan altar karqa.

1 Samuel 7:17

Chaymantaqa Ramá llajtaman kutimpoj, chaypi wasin kasqanrayku, chaymantapachataj israelitasta kamacherqa. Chaypitaj Señorpaj uj altarta sayaricherqa.

1 Samuel 7:9

Samueltaj uj juch'uy ñuñushaj corderota jap'ispa tukuyninta Señorpaj ruphacherqa, chaymantataj Señormanta yanapata mañaporqa, Señortaj uyarerqa.