2 Samuel 24:17 - Qheshwa Biblia DC

¹⁷ Runasta wañurachisharqa chay angelta rikuspa Davidqa Señorman nerqa: Noqamin kani juchallejqa! Noqamin chay juchata ruwajqa kani! Kay ovejasrí imatataj ruwarqankuri? Noqa mañayki chay jasut'iykeqa noqaman chantá familiay patamantaj jamunanta.

DIOSPA QHELQACHISQAN DEUTEROCANONICAL

¹⁷ Jinallapi Davidqa runakunata wañurachisharqa chay angelta rikuspa, Tata Diosta nerqa: Noqa juchallini. Noqamin juchayoj kani. Kay runakunarí ima juchayojtaj kankuri? Paykunata ñak'arichinaykitaqa, mañakuyki noqata, aylluytawan ñak'arichinawaykuta, nispa.

DIOSPA QHELQACHISQ

¹⁷ Jinallapi Davidqa runakunata wañurachisharqa chay angelta rikuspa, Tata Diosta nerqa: Noqa juchallini. Noqamin juchayoj kani. Kay runakunarí ima juchayojtaj kankuri? Paykunata ñak'arichinaykitaqa, mañakuyki noqata, aylluytawan ñak'arichinawaykuta, nispa.

2 Samuel 24:17 ပူးပေါင်းရင်းမြစ်များ

Génesis 18:23

Chantaqa uj chhikantawan qayllaykuspa Abrahamqa Señorta taporqa: Señor, mana juchayojtaqa juchayojtawan khusachu chinkachinki?

Génesis 44:33

Chayrayku wiraqochíy, niway ari noqa kamachiykimanta qhepakunayta, kay waynaj cuentanmanta. Payta saqellay ari ripunanta wauqesniywan.

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

2 Samuel 24:10

Davidtaj juchallisqanta reparakorqa ayllumpi runasta yupachisqanrayku, Señormantaj juchanta willakorqa: Sinch'ita juchallini kay imasta ruwaspaqa. Chayrayku Señor, mañarikuyki kay kamachiykej juchanta perdonanaykita, noqaqa uj wampu jina ñaupaqeykipi ruwarqani.

2 Samuel 7:8

Chayrayku kamachiy Davidman niy, noqa Señor Tukuy Atiyniyoj nisqayta: Noqa orqhomorqayki ovejasta campopi michisharqanki chaymanta, Israel aylluypa kamachejnin kanaykipaj.

1 Reyes 22:17

Chantá Micaiastaj nerqa: Noqaqa israelitasta rikorqani orqospi ch'eqerasqasta, mana michejniyoj ovejasta jina; Señortaj nerqa: Kaykunajtaqa mana dueñonku kanchu, sapa ujninku wasinkuman sonqo tiyasqalla ripuchunku.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Job 7:20

Sichus juchallikuni chayqa, runaspa qhawajnin, ima sajratataj qanta ruwaykiri? Imaraykutaj maymanchus flechanaykimanta churakuwankiri? Imapitaj qanta phiñachiykiri?

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Salmos 44:11

Qanqa jaywawarqayku, wañuchinapaj ovejaspis kaykuman jina, ch'eqerachiwarqaykutaj Diospi mana creej naciones ukhuman.

Salmos 74:1

Diosníy, imaraykutaj wiñaypaj qhesachawaykuri? Imaraykutaj chhikatapuni phiñakunki, kanchaykimanta ovejasniykipajri?

Salmos 78:71

Oveja michejmanta orqhorqa, ayllunta qhawanampaj, chayaqen Israel runasta.

Éxodo 10:16

Chaymanta faraonqa usqhay usqhayta Moisesta Aarontawan wajyachimuspa nerqa: Noqa juchallini Señor Diosniykichejpa contranta, qankunaj contraykichejtawan.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Jonás 1:12

Jonastaj paykunaman nerqa: Mar qochaman wijch'uykuwaychej, para wayrataj thañiponqapacha. Yachani juchayoj kasqayta, chaynejta qankunaman jamusunkichej kay sinch'i para wayraqa.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?