2 Samuel 24:10 - Qheshwa Biblia DC

¹⁰ Davidtaj juchallisqanta reparakorqa ayllumpi runasta yupachisqanrayku, Señormantaj juchanta willakorqa: Sinch'ita juchallini kay imasta ruwaspaqa. Chayrayku Señor, mañarikuyki kay kamachiykej juchanta perdonanaykita, noqaqa uj wampu jina ñaupaqeykipi ruwarqani.

DIOSPA QHELQACHISQAN DEUTEROCANONICAL

¹⁰ Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

DIOSPA QHELQACHISQ

¹⁰ Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

2 Samuel 24:10 ပူးပေါင်းရင်းမြစ်များ

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

2 Samuel 24:17

Runasta wañurachisharqa chay angelta rikuspa Davidqa Señorman nerqa: Noqamin kani juchallejqa! Noqamin chay juchata ruwajqa kani! Kay ovejasrí imatataj ruwarqankuri? Noqa mañayki chay jasut'iykeqa noqaman chantá familiay patamantaj jamunanta.

1 Reyes 8:35

Sichus janaj pacha wisq'akunman manataj paramunmanchu, paykuna qampa contraykipi juchallikusqankurayku, juchasninkumanta kutirikuspa kay wasipi mañakusunkuman, sutiykita oqharispa qan llakichisqaykirayku chayqa, Qanqa janaj pachamanta uyarimunki, kamachisniykej juchasninta pampachaspa, Israel llajtaykejtawan, yachachispa allin ñanniykipi purinankupaj; paratapis jallp'aykiman apachimunki, mayqentachus aylluykiman chayaqenkupaj qorqanki chayman.

1 Crónicas 21:7

Diosmantaj kay tukuyta ruwasqanqa mana walejchu rijch'arqa. Chayrayku Israelman uj jasut'ita apachimorqa.

1 Crónicas 21:8

Chaypacha Davidqa juchasninta Diosman willakorqa: Kay tukuyta ruwaspaqa may jatun juchata ruwarqani. Mañakuyki kay kamachiykej juchasninta perdonanaykita, uj wampu jina ruwasqayrayku.

2 Crónicas 16:9

Señorqa sumajta qhawamushan tukuy kay pachata, kallpachanampaj tukuy sonqowan paypi atienikunku chaykunata. Kaykunataqa uj wampu runa jina ruwanki. Chayrayku kunanmanta ñaupajmanqa maqanakus qhatirillasonqapuni.

2 Crónicas 32:26

Wapuykachasqanmanta qhepamanqa Ezequiasqa Diospa ñaupaqempi k'umuykacharqa, jinallataj Jerusalempi tiyakojkunapis. Señortaj phiñakuyninta mana paymanqa apachimorqachu Ezequías kausanankama.

Job 7:21

Manachu juchaytaqa pampachapuwayta atinki? Manachu ima sajratachus ruwasqaytaqa pampachayta atinki? Noqaqa ñapis jallp'apiña wijch'ukusaj; tutamanta mask'awanki, noqataj chaypajqa manaña kasajchu.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Éxodo 10:16

Chaymanta faraonqa usqhay usqhayta Moisesta Aarontawan wajyachimuspa nerqa: Noqa juchallini Señor Diosniykichejpa contranta, qankunaj contraykichejtawan.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Joel 2:12

Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!

Números 12:11

Chaymanta Aaronqa Moisesman nerqa: Ay!, wiraqochíy, ama kay juchaykurayku jasut'ichiwaykuchu ari. Noqaykoqa wampumanta jinata juchalliyku.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

San Juan 8:9

Runastaj chayta uyarispa, sonqonkupi juchayoj kasqankuta yachakuspa, ujmanta uj llojsiraporqanku, machu runasmanta qallarispa. Jesustaj sapallan qhepakorqa, jinallataj chaypi kasharqa chay warmipis.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

1 Samuel 13:13

Samueltaj kuticherqa: Kaytaqa wampu jina ruwanki. Sichus Señorpa kamachisqanta ruwawaj karqa chayqa, payqa wiñaypaj kamachiyniykita sayachinman karqa.

1 Samuel 24:5

Chaymantari Davidqa sonqonta nanachikorqa chay k'utusqanmanta.

1 Samuel 24:6

Chay runasninmantaj nerqa: Señor amapuni munachunchu reyniypa contrampi oqharikunayta. Payqa rey kashan Señor payta ajllasqanrayku.

1 Samuel 26:21

Saultaj kuticherqa: David wawáy! Noqa juchayoj kani! Uj wampu runa jina kasharqani, may jatunta pantaspa! Chaywampis kutimpuy. Manaña chay sajra ruwayta qampaj mask'asajchu, kunan qan rikuchiwanki kausayniyta munakuywan jatumpi qhawasqaykita.