2 Samuel 22:44 - Qheshwa Biblia DC

⁴⁴ Qan kacharichiwarqanki aylluy ukhupi maqanakusmanta. Nacionespa kamachejnillampuni kanayta munarqanki, mana rejsisqasniy runastaj sirviwarqanku.

DIOSPA QHELQACHISQAN DEUTEROCANONICAL

⁴⁴ Ch'ajwa sayarichej llajtakunamanta qan kacharichiwarqanki. Suyukunata kamachinaypaj churawarqanki, kunantaj mana rejsisqay runakuna kamachiykuna kanku.

DIOSPA QHELQACHISQ

⁴⁴ Ch'ajwa sayarichej llajtakunamanta qan kacharichiwarqanki. Suyukunata kamachinaypaj churawarqanki, kunantaj mana rejsisqay runakuna kamachiykuna kanku.

2 Samuel 22:44 ပူးပေါင်းရင်းမြစ်များ

2 Samuel 19:14

Ajinamanta Judá aylloj runaspa sonqonta suwarqa, paykuna tukuyninkutaj uj runa jinalla reyta yanapajkunasnintinta wajyachikamporqanku.

2 Samuel 19:9

Tukuynin Israel aylluspitaj runasqa siminakusharqanku, nispa: Rey Davidqa, kacharichiwarqanchej enemigosninchejmanta jinataj filisteosmanta, chaywampis Absalonrayku kay jallp'anchejmanta ayqerqa.

2 Samuel 20:22

Chay ratopacha chay warmeqa rerqa llajtapi tukuynin runasta yachayninwan umachaj, Sebaj umantataj qholuspa Joabman wijch'uykorqanku. Chaypacha Joabqa putututa waqacherqa, llajtamanta jataripunankupaj, sapa ujtaj riporqanku wasisninkuman, Joabtaj reywan parlaj Jerusalenman riporqa.

2 Samuel 3:1

Saulpa ayllunmanta kajkunawan Davidpata kajkunawan maqanakoqa unayta karqa. Davidpamanta kajkunaqa astawan kallpachakorqanku, Saulpamanta kajkunataj astawan pisiyaykusharqanku.

2 Samuel 5:1

Aswan qhepata Israelmanta tukuy ayllus tantakorqanku Hebrompi, chaypitaj Davidwan parlarqanku kay jinata: Noqaykoqa yawar masiyki kayku.

Salmos 110:6

Nacionesta juchachanqa, ayaswantaj junt'achenqa, kay pachapi tukuy kurajkunatataj ñak'anqa.

Salmos 18:43

Qan librawarqanki oqharikoj llajtamanta. Nacionesta kamachinaypaj churawarqanki. Mana rejsisqay runastaj sirviwanku.

Salmos 2:8

Mañaway chayaqeykipaj nacionesta, tukuy kay pachatataj k'uchunkama qampata kanampaj qosqayki.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

Isaías 55:5

Qanqa mana rejsisqa runasta wajyanki, qanta mana rejsisoj runaspis corremusonqanku, Señor Diosniykirayku, noqa Israelpa Santo Diosnin qanta allimpaj qhawasusqayrayku.

Isaías 60:12

Chayrayku mayqen nacionchá, chayri ima llajtachá qanta mana kasuyta munanqachu chayqa, chinkachisqa, ch'inyachisqataj kanqa.

Isaías 65:1

Mana tapukuwajkuna mask'awanku; mana mask'awajkuna tariwanku. Noqaj sutiyta mana wajyakojkunaman nerqani: Kaypi kashani, kaypi kashani, nispa.

Daniel (hebreo) 7:14

Paymantaj atiyta qorqanku, chanta k'anchayniyoj kayta, llajtasta kamachiytapis. Tukuy nacionesmanta kaj runakuna, tukuy parlaymanta kaj runakunataj payta sirverqanku. Atiynintaj kikillampuni kanqa, kamachinantaj mana jayk'ajpis t'unasqachu kanqa.

Oseas 2:23

Aylluyta tarpuykusaj jallp'aman noqa sapallaypaj, khuyakusaj Lo-ruhamanta, Lo-amitataj: Qanmin aylloyqa kanki, nispa. Paytaj niwanqa: Qanmin Diosneyqa kanki!, nispa.

Romanos 15:12

Isaías ujtawan nillantaj: Isaejpa saphin qhepakonqa. Chaymantataj jatarenqa gentilesta kamachinampaj. Ajinata gentilesqa paypi suyanqanku.

Romanos 9:25

Oseas libropipis nishan: Mana aylluy kajtapis aylluy kanki nisaj. Mana munakusqatapis munakusqay kanki nisaj.

Deuteronomio 28:13

Señorqa ñaupajmampuni churasonqachej, mana qhepamanchu. Qankunaqa patapipuni kankichej, mana urapichu. Sichus Señor Diosniykichejpa kamachisqasninta junt'ankichej chayqa, chay kamachiykunataqa kunan qoshaykichej.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.