2 Samuel 2:4 - Qheshwa Biblia DC

⁴ Chaymantataj Judá ayllumanta runas chayamorqanku. Chaypitaj Davidtaqa aceitewan umanman jich'aspa, ajllarqanku Judá ayllupi reyninku kanampaj. Davidmantaj willarqanku Galaadpi Jabesmanta kajkuna Saulta p'ampasqankuta.

DIOSPA QHELQACHISQAN DEUTEROCANONICAL

⁴ Jinapi Judá jatun ayllumanta runakuna chayamorqanku. Chaypitaj aceitewan umanta jawispa, Davidta churarqanku Judá jatun ayllupi kuraj kamachej kananpaj. Chantá Davidman willarqanku Galaadpi Jabesmanta kajkuna Saulpa ayanta p'ampasqankuta.

DIOSPA QHELQACHISQ

⁴ Jinapi Judá jatun ayllumanta runakuna chayamorqanku. Chaypitaj aceitewan umanta jawispa, Davidta churarqanku Judá jatun ayllupi kuraj kamachej kananpaj. Chantá Davidman willarqanku Galaadpi Jabesmanta kajkuna Saulpa ayanta p'ampasqankuta.

2 Samuel 2:4 ပူးပေါင်းရင်းမြစ်များ

2 Samuel 19:11

Chay tukuy Israel ayllumanta parlasqankutaj Davidpa wasinkama chayarqa. Chaypacha Davidqa willacherqa sacerdote Sadocman, Abiatarman ima, kay jinata nispa: Qankuna parlaychej Judá ayllumanta kurajkunawan, tapuychejtaj imaraykuchus qhepakushanku palacioyman mana kutichiwaspa.

2 Samuel 19:42

Judá ayllumanta kajkunataj israelitasman kuticherqanku: Imaraykuchus reyqa noqaykoj qaylla aylluyku. Imaraykutaj chayllamantaqa phiñakunkichejri? Noqaykutaqa reychu mikhuchiwayku, chayri payqa imatapis noqaykuman qowasqaykuchuri?

2 Samuel 2:11

Jinamanta Davidqa Judá ayllu ukhupi kamacherqa qanchis wata sojta killayojta, Hebrón llajtapi.

2 Samuel 2:7

Chaywampis qankunaqa kallpachakuychej, wapuchakuychejtaj. Reyniykichej Saúl wañusqanrayku, Judá ayllumanta kajkunaqa reyninkupaj ajllawanku.

2 Samuel 21:11

Saulpa tanta warmin, Ajaj wawan Rizpa imatachus ruwasqanta Davidman willamorqanku.

2 Samuel 21:12

Chaypacha Davidqa rispa Saulpa tullusninta jinataj wawan Jonatampa tullusninta oqharimorqa, chaykunataj kasharqanku Galaadpi Jabes llajtayojkunaspa atiyninkupi. Paykunaqa suwamorqanku Bet-san plazamanta, maypichus filisteos warqhorqanku, Saulta Gilboapi atipaykuspa.

2 Samuel 5:17

Maypachachus filisteosqa David Israel ayllupi reypaj churasqa kasqanta yachaytawan, chaypacha tukuyninku Davidta mask'aj kachaykukorqanku. Davidtaj chayta yachaspa chay jark'achasqa chaynejman riporqa.

2 Samuel 5:3

Chaypacha Israelmanta tukuy kurajkunas rerqanku parlarqankutaj Hebrompi rey Davidwan, paytaj uj tratota ruwarqa jamorqanku chay runasninwan, Señorpa ñaupaqempi. Chaypacha Davidta umanman aceitewan jawispa ajllarqanku tukuy Israel ukhupi rey kanampaj.

2 Samuel 5:5

Hebrompeqa Judá aylluta qanchis wata sojta killayojta kamacherqa, chaymantataj Jerusalempi kamacherqa Israel aylluta jinataj Judá ayllutapis kinsa chunka kinsayoj watasta.

2 Reyes 11:12

Chanta sacerdote Joidaqa reypa wawan Joasta orqhomuytawan umanman pilluta churarqa, ley librotataj jaywarqa. Aceitewantaj jawiykorqa rey kanampaj. Chaymantataj tukuyninku makisninkuta t'ajllakuspa nerqanku: Kausachun reyqa, nispa.

1 Crónicas 10:11

Galaadpi kaj Javesmanta tukuy runas yachaspa filisteos imaynatachus Saulta ruwasqankuta. Chaypacha tukuy wapu runasnin kajkuna parlanakorqanku, Saulpa ayanta, jinataj wawasnimpatapis Jabes llajtaman aparqanku. Chaypitaj chay ayasninkuta uj sach'a uraman p'ampaykorqanku. Chaymanta qhepamantaj qanchis diasta ayunarqanku.

1 Crónicas 11:3

Chay jinamanta Israelpa tukuy kurajkunasnenqa Hebronman Davidwan parlaj rerqanku, Davidtaj paykunawan Señorpa ñaupaqempi uj tratota ruwarqanku. Chaypacha paykunaqa Davidta ajllakorqanku aceitewan jawispa, Israel ukhupi reyninku kanampaj, imaynatachus Samuelnejta Señor nisqanman jina.

1 Crónicas 12:23

Kaykuna kanku tukuy soldados maqanakupaj jina wakisqas piskunachus Hebronman Davidpaman jamorqanku Saulpa kamachinan kajta Davidman pasachimunankupaj Dios kamachisqanman jina:

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.