2 Samuel 2:18 - Qheshwa Biblia DC

¹⁸ Chay maqanakupi kasharqanku Sarviaj kinsantin wawasnin: Joab, Abisaí, Asael ima. Kay Asaelqa campopi taruka jina may sinch'itapuni correj.

DIOSPA QHELQACHISQAN DEUTEROCANONICAL

¹⁸ Chay maqanakupi kasharqanku Seruyáj kinsantin churinkunapis: Joab, Abisay, Asael ima. Asaelqa taruka jina may sinch'itapuni phawaj.

DIOSPA QHELQACHISQ

¹⁸ Chay maqanakupi kasharqanku Seruyáj kinsantin churinkunapis: Joab, Abisay, Asael ima. Asaelqa taruka jina may sinch'itapuni phawaj.

2 Samuel 2:18 ပူးပေါင်းရင်းမြစ်များ

2 Samuel 1:23

Saulwan Jonatanwanqa, munasqas, k'achastaj mana t'aqanakorqankuchu kausayninkupi, nitaj wañupushaspapis. Aguilasmanta aswan usqhayta phawarejkuna karqanku! Leonesmantapis aswan kallpasniyoj karqanku!

2 Samuel 14:1

Sarviaj wawan Joabtaj, yacharqa reyqa sinch'itapuni Absalonta watukusqanta, ajinaqa, Tecoa llajtamanta uj sumaj yuyayniyoj ch'aukiyaj warmita pusachimorqa maypichus tiyakorqa chaymanta. Nerqataj: Llakiyniyoj warmiman tukuy, yana p'achatataj churakuy, amataj q'apaj jampiwan jawikunkichu, may unayñapis llakiy p'achawan p'achallisqa kasqaykita rikuchikunki piniyki wañusqanmantapis kanman jina.

2 Samuel 2:19

Paytaj Abnerpa qhepanta qhatiykorqa mana t'aqakuspa paña ladoman nitaj lloq'e ladomampis.

2 Samuel 22:34

Paymin chakisniyta tarukaj chakisninta jina qowan. Pay patapi sinch'ita sayachiwan.

2 Samuel 23:24

Kinsa chunka wapu runas ukhumantaqa karqanku: Joabpa hermanon Asael, Belenmanta Dodoj wawan Elhanán;

1 Reyes 2:5

Qanqa ñapis yachankiña imatachus ruwawasqanta Sarviaj wawan Joabqa, imatachus ruwasqanta israelita soldadospa chay iskay kurajkunasninwan, Nerpa wawan Abnerwan, Jeterpa wawan Amasapiwan, paykunataqa wañucherqa mana maqanaku kashajtin, yawarta jich'aspa maqanaku tiempopi jina, p'achasniyta, ojot'asniytawan yawarchaspa.

1 Crónicas 11:26

Chay wapu soldadosqa karqanku: Joabpa hermanon Asael, Belenmanta Dodoj wawan Elhanán; Herdmanta Samot; pelonita nisqa Heles; Tecoamanta Iquespa wawan Ira; Anatotmanta Abiezer; Husamanta Sibecai; ahotita nisqalla. Netofamanta Maharai; Baanaj wawan Heled, paypis Netofallamantataj karqa. Gabaonmanta Riboej wawallantaj. Chayqa Benjamimpa jallp'ampi kashan, Piratosmanta Benaia; Gaas mayumanta Hidai; arbatita nisqa Abiel; Bahurinmanta chay Azmavet; saalbonita nisqa Eliaba; Gizonita Jasempa wawasnin, ararita Sagej wawan Jonatán, Sacarpa wawan Ahiam, paypis aratitallataj karqa; Urpa wawan Elifal; mequeratita Hefer; pelonita Ahías; Carmelmanta Hezrai; Esbajpa wawan Naarai; Natampa hermanon Joel; Hagraejpa wawan Mibhar; amonita nisqa Selec, Berotmanta Naharai. Payqa Sarviaj wawan Joabpaj armasta apaykachajnin karqa. Jatirmanta chay Ira, Jatirllamantataj chay Careb; hitita Urías; Ahlaipa wawan Zabad; Sizaj wawan Adina, payqa rubenita karqa, chanta paykunaj kamachejninkutaj. Paywan khuskataj kinsa chunka runaswan ima, karqa; Maacaj wawan Hanán; mitnita nisqa Josafat; Astarotmanta Uzías; Areorpatawan, Hotampa wawasnin Samawan, Jehielwan ima; Simrej wawan, Jediaelwan hermanon tizita nisqa Johawan ima. Mahanaimmanta Eliel Elnaampa wawasnin Jebaiwan, Josaviaswan; Moabmanta Itma; Eliel, Obet, Sobamanta Jaasielwan ima.

1 Crónicas 12:8

Gadpa ayllunmanta kajkunapis wakinkuna Davidpaman pasampullarqankutaj chay ch'in pampapi sinch'i jark'achisqa kashajtin. Paykunaqa may wapu maqanakojkuna karqanku, maqanakupaj sumaj wakichisqas, escudowan, jinataj lanzawan ima. Uyasninkutaj leonesman rijch'akojkuna karqanku, orqosnejtataj tarukas jina usqhayllata correj kanku.

1 Crónicas 12:9

Kaykuna karqanku: Ñaupaj kajqa Ezer karqa; iskay kajtaj Obadías karqa; kinsa kajtaj Eliab karqa;

1 Crónicas 27:7

Tawa kaj killamanta qhawajkuna t'aqamanta soldadospata, kamachejninkoqa Joabpa wauqen Asael karqa. Paypa qhepantataj kamachej wawan Zebadías yaykorqa.

Salmos 18:33

Kallpata qowan chakisniy taruka jina phinkirinampaj. Paylla sinch'ita patapi sayachiwan.

Eclesiastés 9:11

Kay pachapi ujtawan qhawarispa rikorqani, mana usqhayta correjkunajtachu atipayqa, maqanakupis mana kallpayojkunajtachu, qhepajyaypis mana k'uchi kajkunajtachu, nitaj allin yachachisqaspis allimpi jap'isqachu. Manachayqa tiempo chayamojtinkama kay imasqa tukuyman chayan.

TAKIYKUNA 2:17

P'unchay kashajtin, amaraj ch'isiyaykushajtin, kutimuypuni ari, munakusqáy; qanqa kay uj taruka jina, uña taruka jina Beter orqospi kaj jina.

TAKIYKUNA 8:14

Usqhayta correy ari, munasqáy; taruka jina phinkiriy, chayri uña taruka jina k'achituta q'aparishaj lomasninta.

Amós 2:14

Correspapis mana atinkichejchu ayqeyta; aswan kallpayoj kajpatapuni kallpan pisenqa. Mana librakuyta atenqachu sumaj kallpayoj kajpuni.

Habacuc 3:19

Señorniymin kallpata qowan; chakisniymampis qon kallpata usqhay usqhayta taruka jina purinaypaj, aswan pata patasnillanta purinaypaj chaypi salvasqa kanaypaj.

1 Samuel 26:6

Chaypacha Davidqa parlarqa hitita Ahimelecwan Abisaiwan ima. Abisaeqa Sarviaj wawan karqa, Joabpa wauqentaj. Tapurerqataj: Pitaj noqawan jaraman rinman Saulwan tinkumunakama?, nispa. Abisaeqa kuticherqa: Noqa qanwan uraykusaj, nispa.