2 Samuel 16:1 - Qheshwa Biblia DC

¹ David uj chhikatawan orqo puntata pasasqantawankama Mefi-bosetpa kamachin Siba llojsimorqa Davidwan tinkoj. Payqa chajnasniyoj iskay burrosta qhatimorqa, chaypitaj iskay pachaj t'antasta aparqa, pachaj chhullchu uvas k'isasta, chay tiempopi poqojkunamanta pachaj chhullchustawan, jinataj uj qara bota vinotawan.

DIOSPA QHELQACHISQAN DEUTEROCANONICAL

¹ David orqota wasaykusqantawankama, Mefibosetpa kamachin Sibá llojsimorqa Davidta taripamoj. Payqa cargayoj iskay burrota qhatimorqa, chaypitaj 200 t'antata aparqa, pachaj kilo uva k'isata, pachaj higo k'isamanta t'antata, jinataj uj qara bota vinotawan.

DIOSPA QHELQACHISQ

¹ David orqota wasaykusqantawankama, Mefibosetpa kamachin Sibá llojsimorqa Davidta taripamoj. Payqa cargayoj iskay burrota qhatimorqa, chaypitaj 200 t'antata aparqa, pachaj kilo uva k'isata, pachaj higo k'isamanta t'antata, jinataj uj qara bota vinotawan.

2 Samuel 16:1 ပူးပေါင်းရင်းမြစ်များ

2 Samuel 15:30

Davidqa Olivos orqo wichayta q'ara chakilla, waqaspa, uman qhatasqataj wicharerqa. Tukuy paywan kajkunapis uman qhatasqas waqaspallataj wicharerqanku.

2 Samuel 15:32

Maypichus Diosta yupaychaj kanku chay orqo puntaman David chayajtinñaqa, arquitaspa ayllunmanta kaj Husaeqa chaypi paywan tinkumoj rerqa, p'achasnin llik'isqa, umantaj jallp'awan qhallaykusqa.

2 Samuel 19:17

Paywantaj Benjamimpa ayllunmanta waranqa runas jamorqanku, jinallatataj Saulpa uywaqen Sibapis chunka phishqayoj wawasninwan, iskay chunka kamachisninwan ima rispa Jordán mayuta chayarqanku manaraj rey chayashajtin.

2 Samuel 19:32

Payqa allin machuña karqa, pusaj chunka watasniyojña, Mahanaim llajtapi rey kashanankamataj tukuy imaschus faltakojta reyman qorqa, may qhapaj kasqanrayku.

1 Crónicas 12:40

Chay jawaqa qayllasninkupi kajkuna kausaqesninkupis Isacarmanta kajkuna, Zabulonmanta kajkuna, jinataj Neftalejpamantapis burrospi, camellospi, mulaspi, bueyespi ima kay tukuy mikhunasta aparqanku: Jak'uta, higo t'antasta, k'isasta, vinota, aceiteta, wakasta, ovejasta ima, tukuy imasmanta ashkhata aparqanku, Israel ayllu ukhupi sinch'i kusiy kasqayrayku.

Proverbios 18:16

Runaj qosqanqa tukuy punkusta kicharin, jinamanta kuraj kaj runaman yachachin.

Jeremías 40:10

Noqa Mizpapi qhepakusaj caldeospa ñaupaqempi qankunamanta parlarinaypaj paykuna kayman jamojtinku chaypacha. Qankunataj astawan vinota tantakuychej, churakuychej, ajinataj mikhuykunasta, aceiteta, jinamanta kay jap'isqaykichej llajtapi atinkichej tiyakuyta.

Jeremías 40:12

Chaypacha Judaman kutiykamporqanku maymanchus ch'eqerachisqas karqanku chay tukuy cheqamanta, Mizpapi Gedaliasmantaj rerqanku. Chaypi paykunaqa tantakuspa ashkha vinota ruwarqanku, jinataj may chhika poqoykunasta oqharerqanku.

Amós 8:1

Señor Diosqa kayta rikuchiwarqa: Uj canasta kasqa poqosqa frutasniyoj.

Miqueas 7:1

Ay, noqamanta! Cosechaj qhepampi uj chajmakoj jina kashani, manañataj tarinchu uvas nitaj higospis chay poqoykunata mikhuyta munasharqa chayqa.

1 Samuel 10:3

Aswan jaqaymantaj, Taborpi encina sach'a nisqa chayman chayajtiyki tinkukunki kinsa runaswan, Diosta yupaychaspa Betelman rejkunawan. Ujnenqa apashanqa kinsa chivosta, ujnintaj kinsa t'antasta, ujnintaj qara bota vinota.

1 Samuel 16:20

Isaitaj wawan Davidta Saulman kacharqa. Paywantaj apacherqa uj burropi chajnaykuspa t'antasta, uj bota vinota, uj chivitotawan ima.

1 Samuel 25:18

Chaypacha usqhayllata Abigailqa iskay pachaj t'antasta oqharerqa, iskay qara botas vinota, phishqa ovejasmanta kankasqa aychasta, tawa chunka libras grano jank'asta, pachaj chhullchu uvas k'isasta, ch'aki higosmanta iskay pachaj tortillasta ima. Chay tukuytataj burrosman chajnaykorqa.