2 Samuel 15:30 - Qheshwa Biblia DC

³⁰ Davidqa Olivos orqo wichayta q'ara chakilla, waqaspa, uman qhatasqataj wicharerqa. Tukuy paywan kajkunapis uman qhatasqas waqaspallataj wicharerqanku.

DIOSPA QHELQACHISQAN DEUTEROCANONICAL

³⁰ Davidtajrí Olivos orqo wichayta q'ara chakilla, waqaspa, umanta qhataykukuspataj wicharerqa. Tukuy paywan kajkunapis umankuta qhataykukuspa, waqaspallataj wicharerqanku.

DIOSPA QHELQACHISQ

³⁰ Davidtajrí Olivos orqo wichayta q'ara chakilla, waqaspa, umanta qhataykukuspataj wicharerqa. Tukuy paywan kajkunapis umankuta qhataykukuspa, waqaspallataj wicharerqanku.

2 Samuel 15:30 ပူးပေါင်းရင်းမြစ်များ

2 Samuel 15:29

Sadocwan Abiatarwanqa Diospa trato ruwasqan cajonninta Jerusalenman watejmanta apallarqankutaj, chaypitaj qhepakorqanku.

2 Samuel 19:4

Chaykamataj reyqa uyanta qhataykukuspa sinch'ita qhaparisharqa: Absalón wawáy! Absalón wawáy, wawáy!, nispa.

2 Samuel 19:5

Chaypacha Joabqa palacionman rispa reyman nerqa: Qan reyniykoqa kamachisniykita p'enqaypi rikhurichinki. Paykuna kausayniykita salvarqanku, qhari wawasniykita, warmi wawasniykita, warmisniykita, tanta warmisniykita ima, chaykunata.

Ester (hebreo) 6:12

Ajinata muyurimuytawan Mardoqueoqa palacio punkuman kutiporqa. Amantaj usqhay usqhayta wasinman kachaykukorqa may llakisqa, uyanta pakaykukuspa.

Salmos 42:3

Maytaj Diosniykiri?, nispa, sapa rato tapushawajtinku, tuta p'unchay waqaynillay mikhunayqa karqa.

Salmos 43:5

Imaraykutaj q'enaqakuymanri? Imaraykutaj t'ukuspalla kaymanri? Diosniypi suyayniyta churani. Diosta yupaychasajraj. Paymin Salvawajniy Diosneyqa.

Ezequiel 24:17

Ch'inllamanta phutikuy, amataj llakiy p'achata churakuychu wañusqayoj runa jinataqa. Umaykita mayt'ukuy, ujut'asniykitataj churaykukuy. Umaykitapis ama p'antawan llakiyniyoj jinataqa qhatakuychu, amataj llakiypi kashaspa mikhuna imasta mikhuychu.

Ezequiel 24:23

Uyaykichejta mayt'ukunkichej, ujut'astapis churakunkichej. Manaña llakikunkichejchu, nitaj waqankichejchu. Manachayqa sajra ruwayniykichejrayku tukukunkichej, ujkuna ujkunawantaj waqapayanakunkichej.

Zacarías 14:4

Chay p'unchaypitaj Señorqa, Jerusalén chimpapi kashan chay Olivos orqoman chakisninta churakurenqa, chay inti llojsimuynejman jina. Uj jatun valleta aysarikonqa inti llojsimuy ladomanta inti yaykuy ladoman jina, chaytaj Olivos orqotaqa iskayman t'aqanqa. Khuskan orqoqa patanejman apasqa kanqa, khuskannintaj uranejman.

San Mateo 5:4

Kusikuyniyoj kanku waqajkunaqa, imaraykuchus paykunataqa Dios sonqochanqa.

San Lucas 19:29

Olivos orqoj chimpampi, Betfagé llajtaman, Betaniaman ima qayllashaspataj, iskay yachachisqasninta kacharqa, nispa: Riychej jaqay chimpa ranchoman; chaypi tarinkichej uña burrota watasqata, chaymanqa ni pi kunankama tiyaykunrajchu, phaskaraspataj aysamuychej.

San Lucas 19:37

Olivos orqo urayman qayllaykushajtinkutaj, tukuy yachachisqasnin, kusisqas qhaparispa Diosta yupaychayta qallarerqanku, tukuy milagrosta rikusqankumanta, nispa: Kusiy kachun Señorpa sutimpi jamoj reypaj; sonqo tiyasqa kay janaj pachapi kachun; Diosmantaj yupaychay!

San Lucas 19:41

Jerusalén llajta qayllaman chayaspataj, Jesusqa rikuytawan Jerusalenmanta waqarqa, nispa: Allin kanman qampis kay p'unchayniykipi unanchanayki, imachus kausayniykipaj allin kasqanta! Jinapis, kunanqa pakasqa kashan ñawisniykimanta.

San Lucas 21:37

Jesusqa templopi p'unchay yachachej, tutataj llojsispa Olivos sutiyoj orqopi kamoj.

San Lucas 22:39

Jesusqa, usunman jina Olivos orqoman llojserqa, yachachisqasnimpis qhepanta rillarqankutaj.

Hechos 1:12

Chay qhepatataj apostolkuna Jerusalenman kutiporqanku, Olivos nisqa orqomanta. Chay orqoqa mana karupichu karqa Jerusalenmanta. Uj samakuna p'unchay puriypi jinalla karqa.

Romanos 12:15

Kusikuychej kusikojkunawan; waqajkunawantaj waqaychej.

1 Corintios 12:26

Sichus uj ima nanasqa chayqa, tukuyninku nanachikunku paywan khuska. Sitajchus ujnin kaj ima allimpaj qhawasqa chayqa, tukuyninku paywan kusikunku.