2 Samuel 15:2 - Qheshwa Biblia DC

^2-3 Tuta tutamanta jatarikuspa ñan cantoman rej, chay llajta pukunejman, pillapis reyta mask'aj jamojtin ima ch'ajwamantapis justiciata ruwanampaj, chay runataqa wajyaspa tapoj ima llajtamantachus jamusqanta. Sichus chay runa Israelpa ujnin kaj llajtamanta kasqanta nej chayqa, Absalonqa kay jinata nej: Cheqamanta demandaykeqa cheqantaj maychus kajtaj kashan, chaywampis mana pipis reypa churasqan jina cheqanta ruwaj kanchu.

DIOSPA QHELQACHISQAN DEUTEROCANONICAL

² Chantá tuta tutamanta jatarispa, ñan kantuman rej, llajta punkunejman jina. Jinataj pillapis kuraj kamachejta mask'aj jamojtin, justiciata ruwananta munaspa, Absalonqa chay runata wajyaspa, maymantachus kasqanta tapoj. Sichus chay runa Israelpa ujnin kaj ayllumanta kasqanta nej chayqa,

DIOSPA QHELQACHISQ

² Chantá tuta tutamanta jatarispa, ñan kantuman rej, llajta punkunejman jina. Jinataj pillapis kuraj kamachejta mask'aj jamojtin, justiciata ruwananta munaspa, Absalonqa chay runata wajyaspa, maymantachus kasqanta tapoj. Sichus chay runa Israelpa ujnin kaj ayllumanta kasqanta nej chayqa,

2 Samuel 15:2 ပူးပေါင်းရင်းမြစ်များ

Génesis 34:20

Chaymantataj tatan Hamorwan rerqanku llajta punkuman, maypichus tukuy ima rantinasmanta, vendenasmantawan parlaj kanku chayman. Chaypitaj nerqanku chaypi tiyakojkunaman: Kay qharisqa noqanchejpa kausaqesninchej. Paykuna noqanchejwan tiyakonqanku, atenqanku rantiyta, vendeytapis; chaypaj jallp'asninchejqa jatuchaj. Chantapis ususisninkuwan casarayta atinchej, jinallataj paykunapis ususisninchejwan casaranqanku.

2 Samuel 19:8

Chaypacha reyqa jatarikuspa, llajtaj punkunman rispa tiyakamorqa. Tukuynin ayllutaj punkupi tiyakushasqanta yachaspa, tukuyninku paywan tinkoj rerqanku. Israelitakunamantaqa tukuyninku wasisninkuman ayqesqanku.

2 Crónicas 10:7

Paykunataj nerqanku: Allinwan kay runasta rikunki chayqa, paykunaj mañakusqankutataj ruwanki, kutichinkitaj allin palabraswan chayqa, paykunaqa qampa nisqaykitapuni ruwanqanku.

Job 24:14

Runa wañucheqa laqha laqhata wajchata wañuchimunampaj rin, ch'isiyaykojtintaj suwaspa purin.

Éxodo 18:14

Suegron Jetrotaj, Moisesllapuni chay jinata runaspa quejasninta cheqanchajta rikuspa, payman nerqa: Imatataj kunan qan ruwanki kay runaswanri? Imaraykutaj qanlla sapayki tiyaykunki, runastaj diantin ñaupaqeykiman jamuspa yaykunku llojsinkuri?

Éxodo 18:26

Chay kutimantapacha paykuna ukhupi cheqancharqanku. Israelitas imachus mana ruwayta aterqankuchu chayllata Moisesmanqa willamorqanku, imaschus pisi ruwana kajtaqa paykunallaña ruwarqanku.

Proverbios 4:16

Paykunaqa ima sajratapis mana ruwaspaqa mana puñuykunkuchu, pitapis mana urmachispaqa puñuyninkuta chinkachinku.

Daniel (hebreo) 11:21

Paypa cuentanmantataj uj millay runa sayarenqa, paytaj mana reypaj jina qhawasqachu kanqa. Chaytaj sajra yuyayninta mana sut'inchaspalla ch'aukiyaywan rey kanampaj sat'ikonqa.

San Mateo 27:1

Sut'iyamojtintaj, jatun sacerdotes, judiospa kuraj runasnin ima, juntapi tantakuspa yuyaychanakorqanku Jesusta wañuchinankupaj.

Deuteronomio 17:8

Sichus uj juiciopi manaraj atinkichejchu cheqan kajta sut'inchayta chayqa, wañuchiymanta kajtin, chayri jallp'amanta jap'inakuymantachus, maqanakuymantachus, chayri llajtaykichejpi ima ch'ajwa pasasqanmantapis, Señor Diosniykichej ajllakorqa chay cheqaman wicharinkichej.

Rut 4:1

Chay qhepatataj, Boozqa rerqa chukoj llajta yaykuna punkuman, maypichus runa tantakoj kanku, chayman. Chaypachapuni, mayqenmantachus Booz parlasharqa chay ayllun pasasharqa. Booz nerqa, Yú! Jamuy kayman, kaypi tiyarikuy, nispa. Chay aylloqa chimpaspa tiyarikorqa.