2 Samuel 14:19 - Qheshwa Biblia DC

¹⁹ Chaypacha reyqa taporqa: Manachu kay tukuy imastaqa Joab umachaykusunki? Chay warmitaj kuticherqa: Qan reyniyrayku jurayki, chay nisqaykeqa cheqampuni kasqanta. Qampa yanapajniyki Joabpuni kachamuwarqa, payllataj yachachiwarqa kay tukuy imasta qanman nisunayta.

DIOSPA QHELQACHISQAN DEUTEROCANONICAL

¹⁹ Jinataj kuraj kamachejqa taporqa: Manachu kay tukuy imataqa Joab umachaykusunki? nispa. Warmitaj kuticherqa: Qan kuraj kamachejniyrayku tiluni chay nisqaykeqa cheqanpuni kasqanta. Qanpa yanapajniyki Joabpuni kachamuwarqa, payllataj yachachiwarqa kay tukuy imata qanman nisunayta.

DIOSPA QHELQACHISQ

¹⁹ Jinataj kuraj kamachejqa taporqa: Manachu kay tukuy imataqa Joab umachaykusunki? nispa. Warmitaj kuticherqa: Qan kuraj kamachejniyrayku tiluni chay nisqaykeqa cheqanpuni kasqanta. Qanpa yanapajniyki Joabpuni kachamuwarqa, payllataj yachachiwarqa kay tukuy imata qanman nisunayta.

2 Samuel 14:19 ပူးပေါင်းရင်းမြစ်များ

2 Samuel 11:11

Uriastaj Davidman kuticherqa: Señorpa trato ruwasqa cajonnin, Israelmanta jinataj Judamanta soldadospis ch'ajramanta ruwasqa ramadas urallapi kashanku, jinallatataj señorniy Joabpis, kamachisniykipis q'ara pampallapi puñushanku. Noqataj riyman kasqa wasiyman mikhoj, ujyaj, warmiywan puñukamojtaj? Qan reyniypa kausayniykirayku mana chaytaqa ruwasajchu!

2 Samuel 14:18

Reytaj chay warmiman kuticherqa: Mañayki mana imatapis pakanawaykita, imatachus tapusqayki chaymanta. Warmitaj kuticherqa: Parlallay, reyníy, nispa.

2 Samuel 14:3

Chaymantataj reyman rinki, kay imastachus nisqayki chaytataj kikinta nimunki, nispa. Joabtaj yachacherqa imastachus chay warmi, reyman nimunanta.

2 Samuel 18:13

Chayta ruwayman karqa chayqa, noqaj contrallaypajtaj kanman karqa, imaraykuchus reypajqa mana imapis pakasqaqa kanchu, qantaj mana imatapis ruwawajchu karqa jark'akunawaykipajqa.

2 Samuel 3:27

Abner, Hebronman chayamojtinkamataj, Joabqa llajta punkumanta wajnejman pusarqorqa sapallampi parlamunampaj, chaypitaj wijsampi t'ojsispa wañorparicherqa, hermanon Asaelpa wañuchisqanmanta vengakuspa.

2 Samuel 3:29

Juchachasqa kayqa urmachun Joabpa patanman, jinataj tukuy ayllumpa patanman, kunanqa wasimpi kajkunaqa onqollachunkupuni yawar apaywan, lepra onqoywan, chayri wist'u chaki kaywan, wañuchisqas kachunku chayri yarqhaymanta ñak'arichunku!

2 Samuel 3:34

Makisniykeqa mana watasqaschu karqanku, nitaj chakisniykipis cadenaswan ch'ipasqaschu karqanku. Qanqa, chay sajra runaspa makimpi wañunku, jinata wañorqanki! Ajinallatataj runaspis Abnermanta ujtawan waqarqanku.

2 Reyes 2:2

Eliastaj, Eliseota nerqa: Kunanqa kaypi qhepakuy, imaraykuchus Señorqa Betelman kachashawan. Eliseotaj nerqa: Señorpa sutimpi, qampa sutiykipiwan jurani, mana sapaykita rejta saqesqaykichu, nispa. Chantaqa iskayninku Betelman uraykorqanku.

Éxodo 4:15

Qan paywan parlay, willay imatachus ninayki kashan chayta. Noqataj parlashajtiykichej paywan, jinallataj qanwampis kasaj. Chantaqa yachachisqaykichej imatachus ruwanaykichejta.

Proverbios 25:2

Diospajqa allimpuni pakasqa imas kananqa, reyespajtaj sumaj chay imasmanta unanchayqa.

Proverbios 4:27

Ñanniykimantaqa ama pantaykunkichu, ni pañaman, nitaj lloq'eman. Mana allinkunapi purinamanta t'aqakuy.

Números 20:17

Kunanqa jallp'asniykinejta pasarichiwayku. Noqaykoqa mana chajras chaupintachu, nitaj uvas sach'asniyki chaupintachu pasasqayku, nitaj yakusniykitapis ujyasqaykuchu. Noqaykoqa jatun ñanninta cheqanta risqayku mana pantaspa ni lloq'eman, nitaj pañaman jallp'asniykita pasanaykukama, nispa.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Deuteronomio 28:14

Ajina kanqa chay kamachiykunamanta mana t'aqakojtiykichej, ni pañaman, ni lloq'eman waj dioskunata qhatispa yupaychanaykichejpaj.

Deuteronomio 5:32

Ajinaqa allinta ruwaychej Señor Diosniykichej imastachus kamachisunkichej chaykunata, ni pañaman, nitaj lloq'eman pantakuspa.

Josué 1:7

Chaypajqa sumaj kallpachasqa wapu kanayki tiyan, kamachiy Moisés tukuy leyta kamachisusqanman jina ruwanaykipaj. Chaytaqa junt'aypuni ari, ama ni uj chhikanta karunchakuspa imatachus nisqanta kikinta ruwaspa, tukuy ima ruwasqaykipi allin risunampaj.

1 Samuel 1:26

Chaypitaj Anaqa payta nerqa: Uyariway Señorníy, noqa kani chay warmi, qayllaykipi Señormanta mañakusharqani chay.

1 Samuel 17:55

Chay filisteowan Davidwan maqanakoj rishajtin Saulqa Abnerta soldadospa kuraj kamachejnin tapukorqa: Abner niway, pitaj jaqay waynaj tatanri?, nispa.

1 Samuel 20:3

Davidqa ujtawan nerqa: Tataykeqa sumajta yachan, qan maytapuni noqata munakuwasqaykita, payqa mana munanqachu kayta yachanaykita ama llakikunaykipaj. Señorpa sutinrayku qanrayku jurani, wañuy patapi kashasqayta!

1 Samuel 25:26

Chaywampis cheqamanta Señorqa mana munarqachu qan wañurachej jamunaykita, makiykiwan aynita kutichinaykita! Señor munachun tukuy qampa enemigosniykita, sajrawan rikusuyta munajkunatapis, Nabalta, jinataj ima sajrapis qhatirichun.