2 Samuel 12:13 - Qheshwa Biblia DC

¹³ Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

DIOSPA QHELQACHISQAN DEUTEROCANONICAL

¹³ Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

DIOSPA QHELQACHISQ

¹³ Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

2 Samuel 12:13 ပူးပေါင်းရင်းမြစ်များ

Génesis 39:9

Kay wasipeqa mana pipis imata ruwananchu tiyan, manachayqa noqalla cuentayoj kani. Chayrayku patronneyqa niwan tukuy imasninmanta dueño jina kanayta, qanllamanta mana ima ruwanaychu tiyan, imaraykuchus qanqa warmin kanki, chayrayku. Ajinaqa, imaynatataj noqa ruwasaj kasqa chay millaytari, juchallikusajtaj Diospa contrantari?

2 Samuel 24:10

Davidtaj juchallisqanta reparakorqa ayllumpi runasta yupachisqanrayku, Señormantaj juchanta willakorqa: Sinch'ita juchallini kay imasta ruwaspaqa. Chayrayku Señor, mañarikuyki kay kamachiykej juchanta perdonanaykita, noqaqa uj wampu jina ñaupaqeykipi ruwarqani.

2 Samuel 24:17

Runasta wañurachisharqa chay angelta rikuspa Davidqa Señorman nerqa: Noqamin kani juchallejqa! Noqamin chay juchata ruwajqa kani! Kay ovejasrí imatataj ruwarqankuri? Noqa mañayki chay jasut'iykeqa noqaman chantá familiay patamantaj jamunanta.

1 Reyes 13:4

Rey Jeroboamqa Diospa profetampa palabrasninta uyarispa Betelpi altarpa contrampi, altarmantapacha makinta oqharispa, nerqa: Jap'iychej! Chanta chay makinta contrampi oqharisqanqa kikimpi ch'akiykorqa, manañataj oqhariyta aterqachu.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

1 Reyes 22:8

Josafatmantaj Israelpa reynenqa kuticherqa: Arí, uj kanraj, paynejta Señorta tapurinapaj, Imlaj wawan Micaías sutiyoj; payta noqaqa chejnini manapuni jayk'ajpis cheqanta sut'inchawasqanrayku, manachayqa sajrallatapuni. Josafattaj nerqa: Ama jinata parlaychu.

2 Reyes 1:9

Chaymantaqa kacharqa phishqa chunka soldadosta capitannintawan. Paytaj wicharerqa uj orqo puntaman, maypichus Diospa runan Elías tiyasqa kasharqa chayman. Capitantaj kay jinata nerqa: Diospa runan, reyqa kunampacha uraykamuchun nisunki, nispa.

1 Crónicas 21:8

Chaypacha Davidqa juchasninta Diosman willakorqa: Kay tukuyta ruwaspaqa may jatun juchata ruwarqani. Mañakuyki kay kamachiykej juchasninta perdonanaykita, uj wampu jina ruwasqayrayku.

2 Crónicas 16:10

Chaypacha rey Asaqa sinch'itapuni phiñarikorqa chay profetaj contrampi. Carcelmantaj wisq'aykuchimorqa. Jinallatataj chay kutipeqa wakin israelita runasqa llakiyta ñak'aricherqa.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

Job 33:27

Chay runataj nenqa: Juchachakuni, mana cheqan kajta ruwani; Diostaj chay jina kashajtiy mana juchayman jinachu jasut'iwan.

Salmos 103:12

Ama noqamanta karunchakuychu, Diosníy, usqhayta jamuy yanapariwaj.

Salmos 51:16

Mana qanqa uywa ñak'asqasta jaywanata munankichu, nitaj uywata q'olachipusunaytapis.

Salmos 51:4

Contraykipi juchallikorqani, ñaupaqeykita mana allin kajta ruwaspa. Chayrayku nisqaykeqa cheqan. Cheqanchaspaqa mana pantankichu.

Salmos 51:6

Qanqa cheqan sonqoyoj runata munakunki. Sonqoypitaj yachachiwarqanki.

Éxodo 9:27

Chaymantaqa faraón wajyachimorqa Moisesta Aarontawan, nerqataj: Kunan kutipeqa juchata ruwani, jinallataj runasniypis, Señorqa cheqampuni.

Proverbios 25:12

Qori sorteja jina, sumaj qorimanta walqa jinataj, yachaywan k'amisqata pichus jap'ikojpajqa.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Isaías 38:17

Qhawariy, kay jinata ñak'arispa waqayneyqa, kusiyman tukun. Qanqa kausayniyta t'oqopi ismunanmanta jark'arqanki. Qanqa tukuy juchasniyta pampachanki.

Isaías 43:24

Mana noqapajqa q'apaj jawinasta ranterqankichu, nitaj uywa wañuchisqa wiraswampis sajsachiwarqankichu, mana chayqa jucha q'episniykita wijch'uykuwanki; chay jina millay juchata ruwasqasniykiwantaj sayk'uchiwarqanki.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Lamentaciones 3:32

Llakichejtimpis, khuyakun, may chhikan khuyakuynin kasqanrayku.

Levítico 20:10

Sichus pipis runa masimpa warminwan puñuykapunman chayqa, chay qhenchachakoj qhari, jinallataj chay qhenchachakoj warmipis wañuchisqaspuni kanqanku.

Levítico 24:17

Pillapis runa masinta wañuchejqa, wañuchisqallataj kanqa.

Zacarías 3:4

Chaypacha angelqa yanapajkunasninta kamacherqa Josuéj ch'ichi p'achasninta lluch'unankuta. Chantá nerqataj: Kayqa niyta munan juchasniykita qhechusqayta. Kunantaj kamachisaj k'acha mosoj p'achawanñataj p'achallichinasunkuta.

San Mateo 14:10

Kamacherqataj carcelman rispa Juampa umanta qholumunankuta.

San Lucas 15:21

Wawantaj nerqa: Tatáy, Diospaj juchallini, qampajpis juchallillanitaj; manaña wawayki ninapaj jinachu kani.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

Hechos 2:37

Chayta uyarispataj, maytapuni sonqo nanayta phutikorqanku. Pedroman wakin apostolesmanwan nerqanku: Kunanqa, wauqes, imatataj ruwasqaykuri?, nispa.

Hebreos 9:26

Uj jinamantaqa sapa kutichari, kay jallp'aj qallariyninmantaña pay ñak'arinman karqa; manataj payqa ajinatachu. Kunan uj kutillata, kay p'unchaykunaj tukukuynimpi rikhurimorqa juchata qhechunampaj, pay kikimpa yawarninwan.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Samuel 15:20

Chaypitaj Saulqa kuticherqa: Noqa kasorqani Señorpa kamachisqasninta, paypa niwasqantataj junt'arqani: Apamorqani presota Amalec llajtaj reynin Agagta, chanta amalicitasta wañuracherqani.

1 Samuel 15:30

Saul kutichillarqataj noqa juchallini, nispa. Chaywampis mañakuyki tukuy israelitaspa ñaupaqempi, jinataj kurajkunaspa ñaupaqempipis allillampajpuni qhawanawaykita. Kutimuytaj, Señor Diosniykita noqawan yupaychamuna.