2 Reyes 24:3 - Qheshwa Biblia DC

³ Cheqamanta kaykunaqa Señorpa nisqanman Judáj contrampi jamorqanku, Señorpa ñaupaqenmanta qhechusqas kanankupaj Manasespa juchasninrayku, tukuy ima sajrata ruwasqanmantawan.

DIOSPA QHELQACHISQAN DEUTEROCANONICAL

³ Judá suyuta ajina llakiykuna qhatirerqa, Tata Diospuni ajina kananta nisqanrayku. Tata Diosqa Judá suyuta ñawpaqenmanta wijch'uyta munarqa, kuraj kamachej Manasés tukuy imaymanata ruwaspa juchallisqanrayku.

DIOSPA QHELQACHISQ

³ Judá suyuta ajina llakiykuna qhatirerqa, Tata Diospuni ajina kananta nisqanrayku. Tata Diosqa Judá suyuta ñawpaqenmanta wijch'uyta munarqa, kuraj kamachej Manasés tukuy imaymanata ruwaspa juchallisqanrayku.

2 Reyes 24:3 ပူးပေါင်းရင်းမြစ်များ

Génesis 50:20

Qankuna mana allintachu ruwawayta munarqankichej, Diostaj chay mana allinta, allinman tukucherqa, mayqentachus kunan rikushankichej, ashkhasta kausachinaypaj.

2 Reyes 17:18

Señortaj chay jinamanta anchatapunitaj phiñakorqa, paykunapaj, Israelpa contrampi. Paypa ñaupaqenmanta qhechorqataj, manataj qhepakorqachu, manachayqa Judá ayllulla sapan qhepakorqa.

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

2 Reyes 17:23

Señorqa israelitasta ñaupaqenmanta qharqorqa, imaynatachus pay profeta kamachisninnejta nisqanman jina. Israelitastaj presochasqas, Asiriaman apasqastaj karqanku, kunan p'unchaykama.

2 Reyes 18:25

Manachu noqapis Señorwan jamushani kay cheqata chinkachinaypaj? Señor noqatapis niwarqa: Wicharispa chay jallp'ata chinkachimuy, nispa.

2 Reyes 21:16

Chay jawa Manasesqa mana juchayojkunaj yawarninta jich'acherqa, tukuynin Jerusalenman junt'aykuchin uj k'uchunmanta, uj k'uchunkama. Kayqa wajlla karqa Señorpa ñaupaqempi Judata imaswanchus juchallicherqa chaymanta nisqaqa.

2 Reyes 24:20

Chayrayku Señorpa phiñakuynin Jerusalempa, Judajpa contrampi ima jamorqa, paypa ñaupaqenmanta qharqonankama. Chaymanta Sedequiasqa Babiloniamanta reypa contrampi oqharikorqa.

2 Crónicas 24:24

Siriamantaqa pisi soldadoslla chayamusqankupis, jinapis chaykunaman Señorqa may ashkha soldadosta jaywaykorqa, ñaupa tatasninkoj Señor Diosninta qonqarparipusqankurayku. Jinamanta Joasqa juchanman jina jasut'isqa karqa.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Isaías 45:7

Noqa ruwani k'anchayta, laqhayayta. Noqallataj ruwani sonqo tiyakuyta, llakiytapis. Noqa Señorlla chay tukuy imastaqa ruwani.

Jeremías 32:31

Kay llajtaqa ruwakusqanmantapacha kunan p'unchaykama k'arajta phiñachillawampuni. Chayraykumin paykunata ñaupaqeymanta chinkarichisaj, tukuy sajra ruwasqasninkuwan phiñachiwasqankumanta, Israel aylluta, Judá ayllutapis, jinallataj reykunasninkuta, sacerdotesninkuta, profetasninkuta, Judapi, Jerusalempiwan chay tukuy tiyakojkunatapis.

Jeremías 52:28

Nabucodonosorqa qanchis wata kamachiynimpi Judá ayllumanta kinsa waranqa iskay chunka kinsayoj runasta wijch'ucherqa.

Ezequiel 22:3

Sutiypi paytaqa ninki: Señorqa kay jinata nin: Runa masiykita wañuchej llajta, qhasi mana kaj dioskunatataj ch'ichichakunaykipaj ruwakunki, chay p'unchayqa qampaj chayamonqaña.

Ezequiel 24:6

Señorqa kay jinata nin: Way, kay runa wañuchi llajtamanta! Millay kharkachasqa mankaman rijch'akun, chay kharkantaj mana mayllana jina. Qan orqhoy chay t'unasqa aychata ujmanta uj, ama ujta puchuchispa.

Amós 3:6

Llajta ukhupi pututu qhaparin chayqa, runas mancharinkupacha; ima sajrapis llajta ukhupi kan chaytaqa, Señormin kachamun.

Miqueas 2:10

Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

Deuteronomio 28:63

Imaynatachus ñaupajta Señor kusikorqa yanapasuspa, mirachisuspataj, ajinallatataj kunanqa tukuchisuspa chinkachisuspa ima kusikonqa. Ujllata orqhosqas kankichej chay jallp'aman tiyakoj yaykunkichej chaymanta.

Deuteronomio 29:28

Kay runastaqa Señor may sinch'i phiñakuyninwan qharqon jallp'asninkumanta, wijch'umuntaj waj jallp'asman, kunampis kashankuraj.

Josué 23:15

Kunanqa imaynatachus Señor Diosniykichejpa k'acha palabrasninta uyarerqankichej, ajinallatataj Señorqa tukuy ima mana allin kajta qankunaman apachimusonqachej mana ujniyoj tukukunaykichejkama, kay sumaj jallp'ata pay qosorqachej, chaypi, sichus Señorpa trato ruwasqanta p'akinkichej chayqa. Sichus qankuna waj dioskunata yupaychankichej, chaykunaj ñaupaqempitaj qonqorikunkichej chayqa, Señor qankunapaj phiñakonqa, manaraj imapitaj kay jallp'a patamanta chinkachisqas kankichejchu kay chhika sumaj jallp'ata Señorniykichej qosorqachej chaymanta.