2 Reyes 17:9 - Qheshwa Biblia DC

⁹ Israelitasqa pakayllamanta Señor Diosninkoj contrampi sajra imasta ruwarqanku. Chanta ruwallarqankutaj loma pataspi altaresta, tukuy llajtasninkupi, qhawana torresniyoj llajtaspi, jark'achisqa llajtaspi ima.

DIOSPA QHELQACHISQAN DEUTEROCANONICAL

⁹ Chantá israelitakunaqa mana allinta ruwaspa purisqankuta Tata Diosmanta pakayta munarqanku. Tukuy llajtapi, torrekunapi chantá perqayoj jatun llajtakunapipis waj dioskunata yupaychanankupaj altarkunata ruwakorqanku.

DIOSPA QHELQACHISQ

⁹ Chantá israelitakunaqa mana allinta ruwaspa purisqankuta Tata Diosmanta pakayta munarqanku. Tukuy llajtapi, torrekunapi chantá perqayoj jatun llajtakunapipis waj dioskunata yupaychanankupaj altarkunata ruwakorqanku.

2 Reyes 17:9 ပူးပေါင်းရင်းမြစ်များ

2 Reyes 18:8

Ajinallatataj filisteostapis payqa atipaykorqa, jap'ikaporqataj, Gazata, tukuynin jallp'asnintawan juch'uy llajtasmantapacha, sumaj jark'achisqa llajtaskama.

Job 31:27

Chaykunataqa ni jayk'aj yupaychanichu, nitaj makillaywampis much'aykusqayta apachinichu.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

Isaías 29:15

Ay, Señormanta pakakojkunamanta, imatachus yuyasqasninkuta pakajkunamanta, imatachus ruwasqasninkupis laqhayaypi kashan! Chanta ninkutaj: Mana pipis rikuwanchejchu, manataj reparawanchejchu!

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Ezequiel 8:12

Niwarqataj: Runa, rikunkichu israelitaspa kurajkunasnin imastachus ruwashanku chayta, sapa ujninku kashanku pintasqa lantinkoj ch'ujllampi chayta? Paykuna yuyanku paykunata noqa mana rikushasqayta, kay naciontataj saqeshasqayta.

Oseas 12:11

Galaadpi tiyan kay pacha dioskunasninku; pero chaykunaqa qhasi mana kaj dioskunalla kanku. Gilgalpiri torosmanta rikuchikusninkuta jaywanku. Chay altarkunasninkupi, campo surk'uspi rumi qollus jina kanku.

Deuteronomio 13:6

Ichapis kikin wauqeyki, chayri qhari wawayki, chayri warmi wawayki, chayri munasqa warmiyki, chayri aswan sumaj kausaqeyki pakayllamanta nisunkiman: Jaku waj dioskunata yupaychamuna, nispa. Chay dioskunataqa nitaj qankuna, nitaj tatasniykichejpis rejserqankichejchu.

Deuteronomio 27:15

Maldicisqa kachun imallamantapis lantita ruwajqa, pakayllamanta yupaychanampaj. Chay runaj makinwan ruwasqanqa Señorpa ñaupaqempi millay, nispa. Chayta uyarispa israelitas nenqanku: Ajina kachun, nispa.

Deuteronomio 29:25

Kutichenqankutaj: Paykunaqa qonqapunku ñaupa tatasninkoj Señor Diosninkuwan tratota ruwasqankuta, Pay paykunata Egiptomanta orqhomushajtin.