2 Reyes 16:3 - Qheshwa Biblia DC

³ Israelmanta reyespa ñankunasninkupitaj payqa purerqa, kikin wawastapis ninapi q'olacherqa, imaynatachus chay waj llajtayoj runas millaykunata ruwaj kanku ajinata. Chaykunata Señorqa Israel jallp'amanta qharqorqa.

DIOSPA QHELQACHISQAN DEUTEROCANONICAL

³ Manachayqa Israel suyuta kuraj kamachejkuna jina paypis ruwallarqataj. Ajazqa churinta q'olachispa, waj diosman jaywarqa. Ajina millayta ruwarqa, Tata Dios pikunatachus israelitakunaj ñawpaqenkumanta wijch'usqa, chay runakunaj usunkuman jina.

DIOSPA QHELQACHISQ

³ Manachayqa Israel suyuta kuraj kamachejkuna jina paypis ruwallarqataj. Ajazqa churinta q'olachispa, waj diosman jaywarqa. Ajina millayta ruwarqa, Tata Dios pikunatachus israelitakunaj ñawpaqenkumanta wijch'usqa, chay runakunaj usunkuman jina.

2 Reyes 16:3 ပူးပေါင်းရင်းမြစ်များ

1 Reyes 14:24

Chay jallp'api warmi jina qhenchachakoj qharis kallarqataj, chaykunata Señorqa israelitaspa ñaupaqenmanta wijch'orqa, paykunarí chay llajtaspa millay ruwasqankuta ruwallarqankutaj.

2 Reyes 17:16

Señor Diosninkoj tukuy kamachisqasninta saqerparerqanku. Paykunataj metalta unuyachispa iskay waka lantista ruwakorqanku. Asera k'ullu lantistapis ruwakullarqankutaj. Chay jawaqa yupaychallarqankutaj Baalta, cielopi tukuy qoyllurkunatawan.

2 Reyes 17:17

Qhari wawasninkuta warmi wawasninkutawan ninaman ruphachispa layqa imasman adivinayman churakorqanku. Señorpa qhawaynimpitaj millay ruwaykunasmampuni churakorqanku, ajinapi Señorta mayta phiñachispa.

2 Reyes 17:19

Judapis manallataj Señor Diosninkoj kamachisqasninta waqaycharqankuchu, astawampis Israel llajtaj kamachisqasnimpi purerqanku, mayqenkunatachus paykunalla ruwakorqanku.

2 Reyes 17:8

Paykunaqa mayqen nacionestachus Señorqa qharqorqa ñaupaqenkumanta chaykunaj ususninkupi purerqanku, imastawanchus Israelmanta reyespis nerqanku chaykunapiwan.

2 Reyes 21:11

Judamanta rey Manasés kay jinata ruwasqanrayku, paymanta ñaupajta amorreos karqanku chaykunamantapis aswan millay sajratapuni ruwasqanrayku, lantisninwantaj Judata astawan juchallichisqanrayku.

2 Reyes 21:2

Sajratapunitaj payqa ruwarqa Señorpa ñaupaqempi, israelitaspa ñaupaqenmanta Señorqa qharqorqa, chay runaspa millay ususninkuman jina ruwarqa.

2 Reyes 21:6

Wawantapis ninapi ruphachispa jaywaykorqa, sajra espiritusta wajyayman churakorqa, suerte qhawayman, wañusqasta tapuyman layqeriosman ima. Ajinapi ashkha sajra imastapuni ruwaspa Señorta phiñaricherqa.

2 Reyes 21:9

Paykunataj mana uyarerqankuchu. Manasesqa runasta astawan sajra ruwaykunaman pusarqa, chay waj llajtayojkunamantapis astawanraj, mayqentachus Señorqa israelitaspa ñaupaqempi chinkacherqa chaykunamanta.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

2 Reyes 8:18

Israelmanta reyespa ñankunasnimpitaj purerqa. Acabpa wasinmanta kajkuna kikinta ruwaspa, Acabpa ujnin wawan paypa warmin kasqanrayku, Señorpa ñaupaqempitaj sajratapuni ruwarqa.

2 Crónicas 22:3

Ocoziasqa Acabpa ayllumpa ñankunasnillampitaj purerqa sajrapi purinanta umachasqanrayku. Ocoziasqa sajra kajta ruwarqa Señorpa ñaupaqempeqa.

2 Crónicas 33:2

Payqa Señorpa naupaqempi sajra imasta ruwarqa, chay waj nacionespi millay ruwasqasninkuman jina; chaykunatarí Señorqa israelitaspa ñaupaqenmanta wijch'orqa.

2 Crónicas 33:6

Jinataj Ben-hinom vallepi wawasninta jaywanata jina ruphacherqa, wañusqa runaspa espiritunta wajyaj, suertesta qhawaj, p'ajpaku jina ruwaj, layqasta, aysiristapis tapurej. Señorpa ñaupaqempi sinch'i sajrapuni ruwasqasnenqa karqa, Señorta sinch'ita phiñachinankama.

Salmos 106:35

Astawampis paykunaqa Diosta mana rejsej runaswan chajrukorqankuña, ususninkutataj ruwarqanku.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Ezequiel 16:21

Chantapis pisichu karqa wawasniyta lantisman rikuchikuta jina ninapi laurashajta jaywarasqaykeqa?

Ezequiel 16:47

Qantaj mana paykuna jinallapis purerqankichu, nitaj paykuna jina purisqasniykiwampis contentakuspa aswan millayta purerqanki.

Ezequiel 20:26

Saqerqani ch'ichichakunankuta lantisman jaywanasta apaspa, kuraj wawasninkuta wañuchispataj ninapi ruphachispa jaywanankuta. Chayta ruwarqani paykunaj p'enqayninkupaj, rejsinawankupajtaj noqa Señor kasqayta.

Ezequiel 20:31

Rikuchikusniykichejta jaywaspa, jinataj wawasniykichejta wañuchispa ninapi ruphachispa imaqa kunankama ch'ichichakushallankichejpuni lantisniykichejwan. Ajina kashaspachu Israel ayllu noqata tapukoj jamuwankichej? Noqa Señorqa kausayniyrayku jurani, qankunawanqa mana tapuchikusqaykichejchu.

Levítico 18:21

Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

Miqueas 6:7

Kusikunmanchu Señor, waranqa corderoswan chayri chunka waranqa aceite mayuswampis chimpajtiy? Kusikunmanchu, kuraj kaj qhari wawaytapis jaywajtiy, sajra kayniymanta jinataj juchaymanta paganaypaj?

Deuteronomio 12:31

Qankunaqa amapuni jinata ruwankichejchu Señor Diosniykichejpa contranta. Imaraykuchus, imastachus Señor mana munanchu ruwanata, chaykunata chay nacionesqa ruwanku dioskunasninkuta yupachaspa. Chay lantisninkuta ninawan jap'iykuchispa, wawasninkuta jaywanku chaypi ruphachinankupaj.

Deuteronomio 18:10

Amapuni ni mayqenniykichej wawasniykichejta rikuchikuta jina qonkichejchu ninapi ruphachispa. Amapuni ni mayqenniykichej suerte watunata ruwankichejchu, ni qhepaman imachus kananmantapis yachaj tukunkichejchu, layqakuytapis ama yachankichejchu, ama mayqentapis t'ukuchinkichejchu, ama suerteta watojkunata tapukunkichejchu, ama almasta wajyachinkichejchu. Amallataj wañusqastapis tapuchinkichejchu.