2 Corintios 9:8 - Qheshwa Biblia DC

⁸ Diosqa atiyniyoj, khuyakuynin qankunapi ashkhayanampaj; ajinapi ama ima pisinampaj, tukuy ima allin ruwaypitaj junt'asqa kanaykichejpaj.

DIOSPA QHELQACHISQAN DEUTEROCANONICAL

⁸ Diostaj atiyniyojmin, qhasilla k'acha yanapayninnejta qankunaman ashkhamanta qosunaykichejpaj. Ajinamanta mana jayk'ajpis ni imamanta pisichikunkichejchu. Aswanpis tiyapuyniykichej kallanqapuni wajkunata yanapayta atinaykichejpaj.

DIOSPA QHELQACHISQ

⁸ Diostaj atiyniyojmin, qhasilla k'acha yanapayninnejta qankunaman ashkhamanta qosunaykichejpaj. Ajinamanta mana jayk'ajpis ni imamanta pisichikunkichejchu. Aswanpis tiyapuyniykichej kallanqapuni wajkunata yanapayta atinaykichejpaj.

Quechua South Bolivia: Dios Parlapawanchej

⁸ Tucuy imapi may c'achata yanapasunayquichejpaj Dioska atiyniyojmin. Ajinamanta tucuy imapi, tucuy imaymanapi, tucuy c'acha ruwanapaj sumaj callpachaskaspuni canquichej.

2 Corintios 9:8 ပူးပေါင်းရင်းမြစ်များ

2 Crónicas 25:9

Amasiasqa tapurerqa Diospa runanta: Imanasajtaj kinsa waranqa kinsa pachajniyoj kilos qolqeta Israel soldadosmanta pagasqaymantari? Diospa runantaj kuticherqa: Señorpataqa ashkha atiynin tiyan chay qolqemanta aswan ashkhataraj qonasumpaj.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Proverbios 10:22

Señorpa bendicionnenqa qhapajyaymin, ni ima llakiypis chay bendiciompeqa jamunchu.

Proverbios 11:24

Pichus mana mich'akuspa qojkunamanqa imapis astawan yapakun; pichus mich'akojpajtaj imapis tukukojlla, wajchayayllataj.

Proverbios 28:27

Wajchata yanapajpataqa tukuy iman tiyaponqa; wajchasman mana yanapajmanqa ashkha maldiciones jamonqa.

Proverbios 3:9

Tukuy qhapaj kapuyniykiwan Señorta yupaychay, cosechasniyki ñaupajta poqojkunapiwan.

Hechos 9:36

Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

1 Corintios 15:58

Ajina ari, munasqa hermanosníy, sinch'ita sayaychej ama kuyurispa, wiñaspapuni Señorpa ruwaynimpi, yachaspa Señorpa sutimpi llank'asqaykichejqa, mana qhasipajchu kasqanta.

2 Corintios 13:3

Qankunaqa munashankichej yachayta Cristo parlasqanta noqanejta, manataj Cristoqa pisi kallpayojchu qankunapajqa; astawanqa qankunapi atiyninta rikuchin.

2 Corintios 8:19

Manataj chayllachu karqa, astawanqa tukuy iglesias kay hermanollatataj ajllarqanku noqaykuwan rinampaj; qolqeta apaspa maychus kajta rak'inaykupaj Señorpa kusiynimpaj, rikuchinaykupajtaj khuyakoj sonqoyoj kasqaykichejta.

2 Corintios 8:2

May phutiykunapi kashajtinku, may kusikuyniyoj karqanku; wajchas kashaspapis qorqanku tukuy sonqo, qhapajyarqankutaj sumaj sonqowan qosqankurayku.

2 Corintios 8:7

Chayrayku qankunajta tukuy ima tiyapusunkichej feniykichejpi, allin parlaypi, yachaykunaspi, tukuy imapi k'uchiyaspa, noqaykuta munakuspa, ajinata ashkhayaychej kay khuyakuypi.

2 Corintios 9:11

Ajinamanta tukuy imapi qhapaj kanay kichejpaj, tukuy imata qospa khuyakuywan; noqaykunejtataj chay qolqemanta hermanos Diosman graciasta qonankupaj.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Efesios 3:20

Diosqa tukuy imata ruwayta atin, mañakusqanchejmantapis aswan ashkhataraj, jinallataj yuyaychakusqanchejmantapis noqanchejpi atiynin kasqanman jina.

Filipenses 4:11

Kaytaqa mana pisiwasqanraykuchu nini, imaraykuchus yachasqa kani, sonqo junt'asqa kayta, tiyapuwasqanwan.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

2 Tesalonicenses 2:17

Pay sonqoykichejta kallpachachun. Tukuy ima allin parlaypi, ruwaypi ima sinch'ita qankunata sayachichun.

2 Timoteo 2:21

Ajinaqa, pikunachus kay imasmanta llimphuchakun chayqa, uj sumaj vaso jina allin qhawasqa, ajllasqa Señorpaj, allin imasta ruwanampaj, tukuy imata allinta ruwanampajtaj wakichisqa.

2 Timoteo 3:17

Ajinamanta, Diospa runan atiyniyoj kanqa, sumaj wakichisqataj, tukuy ima allin kajta ruwanampaj.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Tito 3:14

Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

1 Pedro 4:10

Sapa ujtaj Diospa qosqanman jina wajkunaman jaywachun, sumaj mayordomo jina, Diosmanta ashkha yanapata jap'isqanmanta.