2 Corintios 7:11 - Qheshwa Biblia DC

¹¹ Kay llakiyta jap'erqankichej Diospa munasqanman jina. Qhawaychej mashkha phutichikuytachus apamusunkichej: Kutichikuyta, phiñakuyta, mancharikuyta, k'ajaj munakuyta, atipanakuyta, jasut'iyta ima; chay tukuypi rikusqas kankichej mana juchayoj llimphus.

DIOSPA QHELQACHISQAN DEUTEROCANONICAL

¹¹ Qankunarí Diospa munasqanman jina llakikorqankichej. Kunantaj qhawariychej imachus chaymanta kasqanta: Qankuna mayta munarqankichej mana juchayojpaj qhawasqa kayta. Chay jucharayku phiñakorqankichej, manchachikullarqankichejtaj. Chantá rikuwaytapuni munarqankichej, jinallataj tukuy sonqowan munarqankichej chay juchallej wanananpaj jasut'isqa kananta. Ajinata ruwaspa, sut'ita yachayta qorqankichej imachus mana allinchu kasqanmanta mana juchayoj kasqaykichejta.

DIOSPA QHELQACHISQ

¹¹ Qankunarí Diospa munasqanman jina llakikorqankichej. Kunantaj qhawariychej imachus chaymanta kasqanta: Qankuna mayta munarqankichej mana juchayojpaj qhawasqa kayta. Chay jucharayku phiñakorqankichej, manchachikullarqankichejtaj. Chantá rikuwaytapuni munarqankichej, jinallataj tukuy sonqowan munarqankichej chay juchallej wanananpaj jasut'isqa kananta. Ajinata ruwaspa, sut'ita yachayta qorqankichej imachus mana allinchu kasqanmanta mana juchayoj kasqaykichejta.

Quechua South Bolivia: Dios Parlapawanchej

¹¹ ¡Khaway! Diospa ñaupakenpi phuticuskayquichej imaynatataj sonkoyquichejpi ruwarkaña. Chaymanjina sumaj yuyayniyoj tucorkanquichej runasman sumajta cutichinayquichejpajpis. Sajra imasmanta mayta phiñacorkanquichej. Nokaycuta mana cusichiyka manchachisorkachej. Ricuwayta mayta munaspa nokawan uj yuyayniyojlla caytataj munaskayquichejta ricucherkanquichej. Chaywanpis chay juchallicojman chekanta ruwarkanquichej. Chaypitaj chekanta ruwaskayquichejta sumajta ricucherkanquichejña.

2 Corintios 7:11 ပူးပေါင်းရင်းမြစ်များ

Nehemías 13:25

Paykunata k'amirarqani, maldicerqanitaj. paykunamanta wakintaqa maqararqani, chujchasninkutataj sik'irarqani. Kamacherqanitaj Diosrayku juranankuta, amaña ujtawan warmi wawasniykichejta, nitaj qhari wawasniykichejtapis chay waj llajtayojkunawan casarachiychejchu; nillataj qankunapis warmisninkuwan casarankichejchu.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Salmos 119:139

Palabraykita sinch'ita munakusqay t'ukuchiwan, enemigosniy kamachisqasniykita qonqapusqankurayku.

Salmos 130:6

Noqa Señorta suyani, qhawasiris sut'iyananta suyasqankumanta astawan.

Salmos 145:19

Payta yupaychajkunaj munayninta junt'an, yanapata mañakojtinkutaj uyarin, salvantaj.

Salmos 2:11

Kusiywan Señorta yupaychaychej, payta manchachikuywantaj k'umuykukuychej.

Salmos 35:13

Chaywampis paykuna onqosqa kashajtinku, noqa llakiy qhashqa p'achawan p'achallikorqani. Mana mikhuspa llakisqa kasqayta rikucherqani, sonqoy ukhupitaj Señormanta mañakullarqanipuni.

Salmos 38:9

Señor, qan yachanki tukuy munasqayta. Khaykakusqaypis qampajqa mana pakasqachu.

Salmos 42:1

Imaynatachus tarukaqa, yakumanta ch'akichikuytawan ansaqeyaspa mayuta mask'an, ajinata, Diosníy, qanta mask'ayki.

Salmos 69:9

Wasiykita sinch'i munakuy tukuchiwan. noqaman chayamuwanku tukuy laya toreajkuna, qanta qhesachajkunamanta.

Proverbios 14:16

Yachayniyojqa manchachikun, sajramantataj t'aqakun; wampurí may kasqanta yuyakun, chay imaspitaj atienekun.

Proverbios 28:14

Kusikuyniyojmin Señorta manchachikojpuni runaqa. Pichus mana allinta kasukojrí mana allinman chayanqa.

TAKIYKUNA 8:6

Sonqoykiman apakuwan ari, makiykipi ñit'isqa señalta jina; Munakoyqa sinch'ipuni puñuy jina. Chay munapayayqa anchapuni uj sepultura jina. Munakoyqa nina brasas jina k'ajarin, manchaytaj Señorpa ninan jina.

Isaías 26:8

Señor kamachisqasniykej ñannimpi yachakuyku allin kasqaykuta. Noqaykoj sonqoykoqa qanllapi yuyan.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Daniel (hebreo) 6:14

Kayta uyarispa reyqa mayta llakikorqa, imaynamantapis Danieltaqa kacharachiytapuni munarqa. Inti yaykunankama, tukuy imata ruwarqa payta salvananrayku.

Marcos 3:5

Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita. Paytaj makinta aysarerqa, thañikaporqataj.

San Juan 2:17

Chaypacha yachachisqasnin yuyarikorqanku escribisqa kasqanta: Tatáy, wasiykej sinch'i munakuynin tukuchiwan.

Hechos 17:16

Atenaspi, Silasta Timoteotawan suyashajtintaj, Pabloj sonqonqa t'impurerqa, chay llajta tukuy laya lantikunawan junt'a kasqanta rikuspa.

Romanos 11:20

Arí, paykunaqa mana creesqankurayku p'akirasqas karqanku, qanrí fenejta sayashanki. Amaña jatunchakuychu, astawanqa manchachikuy.

Romanos 14:18

Pichus kay imaspi Cristoj kamachinta ruwan chayqa, Diosta kusichin, runastaj chaytaqa allimpaj qhawanku.

Romanos 3:5

Sajra kayninchejchus Diospa cheqa kayninta sut'ita rikuchin chayqa, ima nisuntaj, Diosqa jasut'ispa juchayojchu? Kaytaqa parlani runa jina.

1 Corintios 12:25

Ama cuerpopi tukuy imas t'aqanakunankupaj, astawanqa paykunapura qhawarinakunankupaj.

1 Corintios 5:13

Jawapi kajkunataqa Dioslla juzganqa. Chay juchallikojtataj qankuna ukhumanta qharqoychej.

1 Corintios 5:2

Qankunarí wapus kashankichej! Manachu astawanqa llakikunaykichej karqa, chay jinata ruwasqanmanta, chay jina juchallikoj runata qankuna ukhumanta qharqosqa kanampaj?

2 Corintios 13:7

Diosmantataj mañakuyku ama ima sajrata ruwanaykichejpaj. Manataj noqayku allinman rijch'asqas kanaykupajchu; astawanqa qankuna allinta ruwayta yachanaykichejpaj; manataj imananchu, noqayku qhesachasqa jina rikhurinaykoqa.

2 Corintios 2:6

Chay juchallikoj runapajqa chayllaña kachun. Amaña astawan ima niychejchu, tukuyniykichej k'amispaqa.

2 Corintios 6:4

Astawanqa munayku tukuy imapi rikuchikuyta Diospa kamachisnin jina, ancha pacienciawan ñak'ariykunapi, pisichikuypi, llakiykunapi; jasut'isqas, carcelman churasqas, ch'ajwas chaupipi, llank'aykunapi, mana puñusqas, mana mikhusqastaj.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

2 Corintios 7:7

Mana chayamusqallanwanchu, astawanqa qankunamanta sonqochasqa kasqanrayku; paytaj willawarqayku rikuyta munawasqaykuta, waqasqaykichejta, noqamantapis llakikusqaykichejta ima. Chaytaj astawan kusichiwarqa.

2 Corintios 7:9

Kunanqa kusikuni, mana qankunata llakichisqayraykuchu, imaraykuchus chay llakeyqa, juchamanta Diosman kutirinaykichejpaj karqa; chaykunata jap'erqankichej Diospa munasqanman jina. Chayrayku noqaykumantaqa mana ima sajratapis jap'erqankichejchu.

2 Corintios 9:2

Rejsiniña sumaj sonqoyoj kasqaykichejta. Chayrayku may kusisqa kani Macedoniamanta kajkunawan. Acayamanta kajkunapis qayna watamantapacha wakisqas kashanku. Chay ruwasqaykichej ashkhaspa sonqonta kuyurichin.

Efesios 4:26

Phiñakuspaqa, ama juchallikuychejchu, nitaj phiñasqa kashajtiykichejpis inti yaykupuchunchu.

Efesios 5:11

Laqhapi kajkunaj qhasi mana kaj ruwasqasninkuta ama ruwaysiychejchu. Manachayqa paykunata k'amiychej.

Filipenses 2:12

Munakusqasníy, imaynatachus qankuna kasuwajpuni kankichej chaypi kashajtiy; chantá mana chaypi kashajtillaychu, astawanqa karupi kashajtiypis kasuwankichej. Chayrayku kunanqa astawan llank'aychej salvacionniykichejpi Diosta manchachikuspa.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

1 Timoteo 5:20

Juchallapipuni kajkunata tukuypa ñaupaqempi k'amiy, wajkunapis manchachikunankupaj.

2 Timoteo 2:15

K'uchi kaywan Diospaj allimpaj qhawasqa kayta munay, uj llank'aj runa jina, mana imamanta p'enqakuspa; cheqa kaj palabratataj allinta willaspa.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

Hebreos 4:1

Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu.

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

1 Pedro 2:2

Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.

Judas 1:23

Wakintarí salvaychej, ninamanta ayqechispa; wakintataj manchachikuywan khuyakuychej, chejniychejtaj aychampa ch'ichichasqan p'achatapis.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.