2 Corintios 4:4 - Qheshwa Biblia DC

⁴ Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

DIOSPA QHELQACHISQAN DEUTEROCANONICAL

⁴ Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

DIOSPA QHELQACHISQ

⁴ Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Quechua South Bolivia: Dios Parlapawanchej

⁴ Diospi mana jap'icuskancuraycu cay pachata camachej supay Satanás yuyaynincuta ciegoyacherka. Ajinamanta paycunapajka Cristoj sumaj willanasninpa c'anchaynin ni sut'iyamullanpischu. Cristoka Dios quiquillantaj.

2 Corintios 4:4 ပူးပေါင်းရင်းမြစ်များ

1 Reyes 22:22

Chay espiritutaj nerqa: Noqaqa rispa reypa tukuynin profetasnimpa siminkupi llullata sut'inchasaj. Señortaj nerqa: Qanqa atinki pusayta, rispa ajinata ruwamuy.

Salmos 50:2

May sumaj k'achitu Sión llajtamantapacha Diosqa lliphipishan.

Isaías 6:10

Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

San Juan 12:35

Chantá paykunaman kuticherqa: Pisi p'unchaytawanraj k'anchayqa qankunawan kashan. K'anchaypi puriychej, laqha ama taripasunaykichejpaj; laqhapi purejqa, mana yachanchu maymanchus rishasqanta.

San Juan 12:40

Ñawisninkuta ciegoyacherqa, sonqonkutataj rumiyacherqa; ñawisninkuwan ama rikunankupaj, nitaj sonqonkuwan unanchaspa, noqaman kutirimunankupaj, noqataj paykunata thañichinaypaj.

San Juan 12:45

Noqata rikuwajqa kachamuwajniytapis rikullantaj.

San Juan 14:30

Manaña qankunawan anchata parlasajchu; imaraykuchus kay mundota kamachej jamushanña, contraypeqa mana imata ruwayta atinchu.

San Juan 15:24

Manachus paykuna ukhupi, ni pejpa ruwasqanta ruwaymanchu karqa chayqa, mana juchayojchu kankuman karqa. Kunanqa ruwasqasniyta rikunkuña; chaywampis noqata Tataytapis chejniwayku.

San Juan 16:11

Juiciomanta, imaraykuchus kay pachapi kamachejqa juchachasqaña.

San Juan 8:12

Jesús uj kutitawan runasman parlallarqataj: Noqa kay pachaj k'anchaynin kani; pillapis noqata qhatikuwajqa, mana laqhapi purenqachu, astawanqa kausay k'anchayniyoj kanqa.

1 Corintios 10:20

Noqa nini, gentilesqa uywa wañuchisqasta supaykunaman jaywanku, manataj Diosmanchu. Noqaqa mana munanichu supaykunawan kanaykichejta.

2 Corintios 2:12

Troas llajtaman chayajtiykama, Cristoj evangelionmanta willanaypaj punku kicharikorqa Señorpi, mana ruwana jina kashajtin.

2 Corintios 3:11

Sichus chinkapoj ley ajina karqa chayqa, chay wiñaypaj kajqa, may jina lliphipiyniyojchus kanqa.

2 Corintios 3:14

Paykunaj yuyayninkutaj chharpuyarqa; imaraykuchus kunan p'unchaykama ñaupaj tratota leejtinku, chay kikin velo mana qhatarasqa; chay velotataj Cristo qhatararqa.

2 Corintios 3:18

Chayrayku tukuy noqanchej qhawashanchej uya qhatarasqa uj espejopi jina, Señorpa lliphipiyninta. Noqanchejpis k'anchaymanta k'anchayman, kikin rijch'ayninman tukunchej Señorpa Espiritunman jina.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Gálatas 1:4

Pay kikin wañorqa juchasninchejrayku, kay sajra p'unchaykunamanta kacharichinawanchejpaj, Dios Tatanchejpa munayninman jina.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

Efesios 6:12

Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

Filipenses 2:6

Cristoqa Dios kashaspapis, payqa mana munarqachu Diosta jina qhawanankuta.

Colosenses 1:15

Cristoqa mana rikukoj Diospa rijch'ayninmin. Pay karqa tukuy ima ruwasqasmanta ñaupaj nacej.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

1 Timoteo 1:11

Yupaychasqa Diospa k'anchaj evangelionman jina; mayqenchus noqaman qosqa karqa.

Tito 2:13

Yachachillawanchejtaj suyananchejta chay kusikuyniyoj p'unchay jamunanta, maypachachus jatun Dios Salvadorninchej Jesucristo janaj pacha k'anchayninwan rikhurimunanta.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 6:4

Manaña atinkuchu juchamanta kutiriyta, pikunachus uj kutita k'anchasqaña kaspa, janaj pacha Diospa qosqantapis jap'erqanku, Santo Espiritunejtapis chayaqepaj jap'erqanku.

2 Pedro 1:19

Tiyapullawanchejtaj profetaspa mana chinkaj escribisqasninku. Chay palabrasta uyarispataj allinta ruwankichej; imaynatachus uj k'anchay laqhapi sut'iyanankama k'anchan, ajinata; paqariy ch'aska jinataj sonqoykichejpi k'ancharinankama.

1 Juan 2:11

Wauqenta chejnikojrí, laqhapi kashan, laqhallapitaj purishan; manataj yachanchu maymanchus rishasqanta; imaraykuchus laqhaqa ñawisninta tutayachin.

1 Juan 2:8

Chaywampis, uj mosoj kamachisqayta escibimuykichej. Chaytaj cheqamin Jesucristopi, ajinallataj qankunapipis. Laqhaqa chinkaripun, cheqa k'anchaytaj lliphipimunña.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.