2 Corintios 2:1 - Qheshwa Biblia DC

¹ Kayta yuyarqani noqa kikiypaj; ujtawan mana jamunaypaj llakiywan qankunata watukoj.

DIOSPA QHELQACHISQAN DEUTEROCANONICAL

¹ Chayrayku noqa ujtawan qankunata watukoj manaña jamorqanichu, ama llakichisunaykichejpaj.

DIOSPA QHELQACHISQ

¹ Chayrayku noqa ujtawan qankunata watukoj manaña jamorqanichu, ama llakichisunaykichejpaj.

Quechua South Bolivia: Dios Parlapawanchej

¹ Chayraycu yuyarkani mana ujtawan kancunaman phutiywan jamuyta. Nokapaj phutiy canman kancunata phutichiyka.

2 Corintios 2:1 ပူးပေါင်းရင်းမြစ်များ

Hechos 11:29

Creejkuna taj nerqanku, sapa uj kapusqanman jina qolqeta tantaspa, apachinankuta Judeapi kaj hermanosman. Ajinata ruwaspa chay qolqeta apacherqanku Bernabewan, Saulowan ima iglesiapi ancianosman.

Hechos 15:2

Kay jawataj paykunaqa Pablowan Bernabewan sinch'ita churanakorqanku. Chayrayku ajllarqanku Pablota, Bernabeta, wakin paykunamanta hermanostawan, Jerusalenman rinankupaj; chaypitaj kay imasmanta allinta parlamunankupaj apostoleswan, ancianoswan ima.

Hechos 15:37

Bernabetaj pusayta munarqa Marcos, Juan nisqata.

1 Corintios 2:2

Mana imatapis yachayta munarqanichu, qankunawan kashaspaqa; astawanqa Jesucristo chakatasqa kasqallanmanta.

1 Corintios 4:21

Imatataj munankichej? Chicotewanchu jasut'inaypaj, chayri munakuywanchu, llamp'u sonqowanchu jamunayta munankichej?

1 Corintios 5:3

Cheqamanta, noqa qankunamanta karupi kashaspapis yuyayniypi qankunawan kashani. Ñapis juchachaniña chay runata chaypipis kashayman jina.

2 Corintios 1:23

Astawanqa Diosta wajyakuni almaymanta testigo kanampaj; qankunata allinta khuyayta munaspataj, manaraj Corintoman jamunichu.

2 Corintios 13:10

Kay cartata escribimuykichej manaraj qankunajman jamushaspa, imaraykuchus mana munanichu, chaypi kashaspa qankunawan sinch'i kayta, Señor imaynatachus atiyta qowasqanman jina. Ajinata sayachinaypaj, manataj urmachinaypajchu.

2 Corintios 2:4

Kay cartata escribimushaspa, anchata llakikorqani sonqoypi, mayta waqaspa. Manataj kaytaqa llakichiyta munaspachu escribimuni, astawanqa yachanaykichejpaj imaynatachus qankunata munakusqayta.

Tito 3:12

Artemasta, chayri Tiquicota kachamusojtiy, jamuypacha Nicopolisman watunawaykipaj, imaraykuchus chaypi chiri tiempopi qhepakusaj.