2 Corintios 13:4 - Qheshwa Biblia DC

⁴ Arí, pisi kallpayoj jina kashaspa chakatasqa karqa. Kunanqa kausashan Diospa atiyninrayku. Ajinallatataj ari, noqaykupis pay jina pisi kallpayoj kayku, paywantaj kausashayku Diospa atiynimpi qankunata yanapanaykupaj.

DIOSPA QHELQACHISQAN DEUTEROCANONICAL

⁴ Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

DIOSPA QHELQACHISQ

⁴ Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

Quechua South Bolivia: Dios Parlapawanchej

⁴ Arí, Cristo runa caspa pisi callpayojjina cruzpi wañuchiska carka. Chaymantarí Dios jatun atiyninnejta payta causarichimorka wiñaypaj causacunanpaj. Nokaycupis paywan cusca causacushaycu Diospa jatun atiyninnejta callpachaskas.

2 Corintios 13:4 ပူးပေါင်းရင်းမြစ်များ

San Juan 10:18

Kausayniytaqa mana pipis qhechuwanmanchu, astawanqa noqa kikiymanta qoni. Atiyniy tiyan kausayniyta qonaypaj, jinallataj watejmanta jap'ikapunaypaj. Kay kamachiytaqa Tataymanta jap'erqani.

Hechos 2:36

Chayrayku tukuy Israel runakuna, cheqamanta yachachunku, kay Jesusta pitachus cruzpi chakatarqankichej, payta Dios churarqa Señor kanampaj, Cristotaj.

Hechos 3:16

Señor Jesuspa sutimpi creesqanrayku, kikin Jesús kay runataqa thañicherqa, pitachus qankuna rikunkichej, rejsinkichejtaj. Jesuspi creesqanrayku, ñaupaqeykichejpi kay runaqa thañisqa kashan.

Romanos 1:4

Sut'inchasqa karqa Diospa Churin atiywan kasqanta, cheqan Espirituman jina, wañusqasmanta kausarimusqanrayku.

Romanos 14:9

Cristoqa kaypaj wañorqa, kausarimorqataj. Watejmantataj kausashan wañusqaspata, kausajkunajtawan Señorninku kanampaj.

Romanos 6:4

Bautismonejta Cristowan khuska wañuypi p'ampasqas karqanchej, imaynatachus Cristopis, wañusqamanta kausarimorqa, Dios Tata jatunchasqa kanampaj atiyninwan; ajinallatataj noqanchejpis mosoj kausaypi purinachej.

1 Corintios 1:25

Diospa yachaynenqa mana yuyayniyojman rijch'akun; chaytaj astawan yachayniyoj runakunaj yachayninmantaqa. Diospa pisi kallpanman rijch'akojpis, astawan kallpayoj runamantaqa.

1 Corintios 15:43

Qhesachasqa tarpusqaqa, kausarimonqa may allimpi qhawasqa. Pisi kallpayoj tarpusqataj kausarimonqa may atiyniyoj.

1 Corintios 2:3

Qankuna ukhupeqa, pisi kallpayoj karqani, anchata manchachikuspa, kharkatitispataj; palabrasniypis, willasqaypis, mana runakunaj yachayninman jinachu karqa; astawampis Espíritoj rikuchiyninwan, atiyninwantaj karqa, amataj feniykichej runakunaj yachaynimpi kanampaj, astawanqa Diospa atiynimpi.

1 Corintios 6:14

Imaynatachus Diosqa Señorta kausaricherqa, ajinallatataj noqanchejtapis kausarichiwasun atiyninwan.

2 Corintios 10:10

Cartasniymanta pichá nin sinch'i phiñas kasqankuta; ñaupaqenkupi kashajtiytaj pisi kallpayoj kasqayta nin, parlasqaypis qhesachasqa.

2 Corintios 12:10

Chayrayku pisi kallpayoj kasqaypi kusikuni. Chantá kusikullanitaj k'amiykunapi, pisichikuypi, ñak'ariykunapi ima. Maypachachus pisi kallpayoj kani, chaypacha atiyniyoj kani.

2 Corintios 13:9

Chayrayku noqayku kusikuyku pisi kallpas kasqaykumanta, qankuna sinch'is kasqaykichejmantapis. Noqaykoqa Diosmanta mañallasqaykupuni allin kanaykichejpaj.

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.