2 Corintios 1:4 - Qheshwa Biblia DC

⁴ Paytaj sonqochawayku tukuy ima llakiyniykupi, noqaykupis sonqochanayku, llakiypi, ñak'ariypi kajkunata, imaraykuchus noqaykupis sonqochasqas karqayku Diosmanta.

DIOSPA QHELQACHISQAN DEUTEROCANONICAL

⁴ Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

DIOSPA QHELQACHISQ

⁴ Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

Quechua South Bolivia: Dios Parlapawanchej

⁴ Paymin tucuy llaquiyninchejpi sonkochawanchej. Munantaj nokanchejpis quiquin qhuyacuyninwan tucuy llaquiska cajcunata sonkochananchejta.

2 Corintios 1:4 ပူးပေါင်းရင်းမြစ်များ

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Salmos 32:7

Qan pakakunay kanki. Mana allin kajmanta jark'awanki, atipay takinasta qhaparispataj muyuykuwanki.

Salmos 66:16

Tukuy qankuna Diosta manchachikojkuna jamuychej. Uyariychej willasqaykichej, noqarayku pay ruwasqanta.

Salmos 86:17

Noqawan k'acha kasqaykita sut'inchaway. Chayta rikuspataj, p'enqachikuchunku chejnikuwajkunaqa. Qan, Señor, sonqochawanki, yanapawankitaj.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 49:10

Mana yarqhachikonqankuchu nitaj ch'akichikonqankuchu, manataj q'oñipis, intipis llakichenqachu; imaraykuchus munakuyniywan paykunata pusaykachanqa, maykunamantachus yaku phullchimushan chaykunaman.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

San Juan 14:16

Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

San Juan 14:18

Mana sapaykichejtachu saqesqaykichej; qankunaman jamusajpuni.

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

2 Corintios 7:13

Chayrayku, sonqochakuyku qankuna sonqochasqas kasqaykichejwan. Jinallataj Tito kusisqa kasqanmanta kusikuyku. Qankunataj kallpachankichej sonqonta.

2 Corintios 7:4

Qankunamanqa sut'inta parlaykichej. Qankunamanta may sonqo junt'asqa kani. Tukuy llakiyniypitaj may sonqochasqa, kusiyniyojtaj kani.

Filipenses 1:14

Preso kasqayta yachaspataj yaqha tukuy hermanos, Señorpi sonqochakuspa sayarerqanku astawan parlanankupaj, Diospa palabranmanta mana manchachikuspa.

1 Tesalonicenses 4:18

Chayrayku, kay palabraswan purajmanta sonqochanakuy chej.

1 Tesalonicenses 5:11

Chayrayku, qankuna ukhu sonqochanakuychej, qankunapurataj sayachinakuychej; imaynatachus ruwashankichej ajinata.

Hebreos 12:12

Chayrayku, urmasqa makista oqhariychej, llauchhuyasqa qonqorkunatapis kallpachaychej.