1 Samuel 6:5 - Qheshwa Biblia DC

⁵ Chayrayku ruwaychej llajtaykichejta tukuchishanku chay ch'upusman rijch'akojkunata, chanta juk'uchasman rijch'akojkunatapis. Israelpa Diosnintataj jatunchaychej, ichapis pay saqenman jasut'iyta diosniykichejta, jinataj jallp'aykichejtapis.

DIOSPA QHELQACHISQAN DEUTEROCANONICAL

⁵ Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.

DIOSPA QHELQACHISQ

⁵ Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.

1 Samuel 6:5 ပူးပေါင်းရင်းမြစ်များ

1 Crónicas 16:28

Señorman qoychej, llajtas ukhupi kaj ayllus, qoychej ari Señorman atiyta, kusiytapis.

1 Crónicas 16:29

Señorman qoychej sutinman tukuy jatunchayta qona kajta, ñaupaqenman jaywanaykichej kajwan chimpaykuychej. Señorpa ñaupaqempi qonqorikuychej k'acha llimphu wasimpi.

Salmos 18:44

Uyariwaytawankama kasuwanku. Waj llajtayojkuna kamachisqayta ruwanku.

Salmos 32:4

Tuta p'unchay, makiykeqa astawan astawan ñak'arichiwarqa. Q'oñi tiempopi qawisqa t'ika jina, kallpay pisiyawarqa.

Salmos 39:10

Amaña wisq'awaychu. Makiykej wajtawasqanwan tukukushaniña.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Éxodo 8:17

Paykunata ajinata ruwarqanku. Aaronqa tojnunta oqharispa, pampata wajtaspataj jallp'ata oqharicherqa, chaytaj tiwlaman tukuspa Egipto jallp'aman junt'aykorqa. Chay tiwlastaj runasta, uywasta ima tukuykorqa. Tukuynin Egiptopi maynejpipis tiwlallaña karqa.

Éxodo 8:24

Ajinata Señorqa ruwarqa. Khanikoj ch'uspisqa manchay ashkhas urphurimorqanku, faraompa palacionman, kamachisnimpa wasisninman, tukuynejman junt'aykunankukama. Tukuynin jallp'astapis mana allinta ruwarparerqankuchu.

Éxodo 8:5

Chaymanta Señorqa Moisesman nerqa: Aaronman niy, tojnunta oqharinanta mayusta qhawarispa, wayq'osman, mayusman, qochasman; chaykunamanta jamp'atus llojsimunankupaj tukuynin Egipto jallp'asman.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Isaías 42:12

Señorta kusichiychej, tukuy mar qocha canto llajtas kusiywan yupaychaychej.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Joel 2:25

Señorqa nin: Noqa kutichipusqaykichej pasaj wataspi pierderqankichej chaypa cuentanmanta. Chaypachaqa noqa kachamorqaykichej langostastaqa uj ejercitota jina, chajrasniykichejta t'unaykunampaj.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Números 33:4

Chaykamataj egipciosqa tukuy kuraj kaj wawasninkuta Señor wañuracherqa, chaykunata p'ampasharqanku, chantapis Señorqa tukuy dioskunasninkutawan chinkachinanta nillarqataj.

San Juan 9:24

Judiostaj watejmanta wajyarqanku ciego karqa chay runata, nerqankutaj: Diosta yupaychay; noqayku yachayku chay runaqa juchasapa kasqanta.

Josué 7:19

Chaymanta Josueqa Acanman nerqa: Wawáy, Israelpa Señornin Diosta jatunchaspa yupaychay ari. Willaway imatachus ruwasqaykita, ama pakaspa sut'inta.

Apocalipsis 11:13

Chay horapitaj manchay jallp'a ikhakuy karqa, llajtaj chunka kaj t'aqantaj urmarqa. Jallp'aj ikhakuynimpitaj qanchis waranqa runa wañorqa, wajkunataj manchariywan janaj pachapi kashaj Diosta yupaycharqanku.

Apocalipsis 14:7

Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

Apocalipsis 16:9

Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

1 Samuel 5:11

Chay llajtamanta kajkunaqa tukuyninku maytapuni mancharikorqanku, Dios paykunata sinch'ita jasut'isqanrayku. Chaypacha wajyachimorqanku filisteospa kurajkunasninkuta, paykunamantaj nerqanku: Kaymanta apakapuychej chay israelitaspa Diosnimpa trato cajonninta, kutichipuychej maymantachus apamorqankichej chayman, ama tukuyninchejta wañuchinawanchejpaj.

1 Samuel 5:9

Chayman apasqankutawantaj Señorqa chay llajtata maytapuni mancharicherqa, jasut'iykorqataj ch'upu onqoywan tukuy chay llajtapi tiyakojkunata jatunmanta juch'uykama.

1 Samuel 6:8

Señorpa trato cajonninta carretaman churaykuychej, chay uj ladonmantaj churaykuychej uj cajompi imastachus qorimanta ruwasqasta juchasniykichejmanta jaywarqankichej chaykunata. Chaymantataj saqeychej carretaqa payllamanta ripunanta.