1 Samuel 4:3 - Qheshwa Biblia DC

³ Maypachachus israelita soldados jarankuman kutiporqanku chaypacha paykunaj kurajkunasninku nerqanku: Imaraykutaj Señorqa filisteoswan atipaykuchiwanchejri? Silomanta apakamusunchej Señorpa trato cajonninta, pay noqanchejpa chaupinchejta rinampaj, enemigosninchejmantataj jark'anawanchejpaj, nispa.

DIOSPA QHELQACHISQAN DEUTEROCANONICAL

³ Chantá israelita soldadokuna jarankuman kutipojtinku, kurajkuna tapunakorqanku: Imaraykutaj Tata Dios filisteokunawan atipaykuchiwanchejri? Silomanta Tata Diospa arcanta apamunachej, noqanchejwan kaspa awqanchejkunamanta jark'akunawanchejpaj, nispa.

DIOSPA QHELQACHISQ

³ Chantá israelita soldadokuna jarankuman kutipojtinku, kurajkuna tapunakorqanku: Imaraykutaj Tata Dios filisteokunawan atipaykuchiwanchejri? Silomanta Tata Diospa arcanta apamunachej, noqanchejwan kaspa awqanchejkunamanta jark'akunawanchejpaj, nispa.

1 Samuel 4:3 ပူးပေါင်းရင်းမြစ်များ

2 Samuel 15:25

Reytaj Sadocman nerqa: Watejmanta llajtaman kutichipullaytaj kay Doispa cajonnintaqa. Sichus Señor khuyawanqa chayqa, Pay munanqa kutimunayta rikunaypaj trato cajonninta maypichus kashan chaytawampis.

1 Crónicas 17:1

David palaciompi tiyakushajtinña, profeta Natanman nerqa: Noqa cedromanta ruwasqa palaciopi tiyakuni, Dioswan trato ruwasqa cajontaj cortinas urallapi kashan.

Salmos 74:1

Diosníy, imaraykutaj wiñaypaj qhesachawaykuri? Imaraykutaj chhikatapuni phiñakunki, kanchaykimanta ovejasniykipajri?

Salmos 74:11

Imaraykutaj atiyniyoj makiykita pakaykunkiri? Imaraykutaj makisniykita simp'aykuspa qhepakunkiri?

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.

Isaías 58:3

Imaraykutaj ninkichej: Noqaykoqa ayunayku, qantaj mana qhawariwaykuchu; noqaykoqa sonqoykuta llamp'uyachiyku, qantaj mana uyariwaykuchu, nispari? Qankunaqa ayunashaspa munasqaykichejta ruwankichej, chay p'unchaypipuni peonesniykichejtapis astawan llank'achej tukunkichej.

Isaías 59:1

Señorpa makenqa mana juch'uychu mana salvasunampajqa, manataj ningrimpis joq'ariyapunchu mana uyarinampajqa.

Isaías 59:2

Qankunaj juchasnillaykichejtaj karunchachisunkichej Diosniykichejmantaqa. Juchasnillaykichejtaj uyanmanta pakasorqachej ama uyarinasuykichejpaj.

Jeremías 3:16

Qankuna jallp'aykichejpi astawan yapaykojtiykichej, ashkha wawasniyojñataj kajtiykichej, mana pipis parlanqañachu Señorwan trato ruwasqa kajmanta, manaña pipis chaypi yuyanqañachu, nitaj ujtawan yuyarikonqañachu, manataj pipis watukonqañachu, nitaj waj mosojta ruwanqankuchu. Noqa Señor chayta nini.

Jeremías 7:4

Ama atienekuychejchu, chay ch'aukiyajkuna kay jinata nisojkunaman: Señorta yupaychana wasin kaypi kashan. Señorta yupaychana wasin kaypi kashan, nispa.

Números 10:33

Ajinata israelitasqa riporqanku Señorpata nisqa chay orqoman, rerqankutaj kinsa día puriyta. Diospa leyninwan kasharqa chay cajontaj ñaupaqenkuta risharqa, maypichus jarakunankuta mask'aspa.

Números 10:35

Señorpa leyninwan kasharqa chay cajón purirejtinkamataj, Moisesqa nerqa: Sayarikuy ari Señor! Enemigosniyki qanmanta ch'eqerachunku, chejnisojkunapis qanta rikususpa ayqechunku!

Números 31:6

Moisesqa chay runasta pusacherqa sacerdote Eleazarpa wawan Fineeswan. Pay aparqa Diospa imasninta, pututustawan maqanakuyta qallarinankupaj tocanampaj.

Deuteronomio 29:24

Chayrayku tukuy naciones tapukonqanku: Imaraykutaj Señorqa chay jinata ruwan kay jallp'awanri? Imatataj niyta munan kay jina sinch'i phiñakuyninri?, nispa.

Deuteronomio 31:26

Kay librota jap'iychej, churaychejtaj Señor Diosniykichejpa tratompa cajonnimpa qayllanman, qankunaj juchasniykichejta yuyarichinampaj.

2 Timoteo 3:5

Chaykunaqa Diosta yupaychajkunaman rijch'akunku, manataj cheqamantaqa Diosta yupaychankuchu. Chaykunamanta t'aqakuy.

Hebreos 9:4

Chaypitaj qorimanta incienso q'osñichina karqa. Diospa ruwasqan trato cajontaj nisqaj cajonintaj qoriwan tukuynejmanta forrasqa, ukhumpitaj uj juch'uy qori wich'i karqa Maná nisqa t'antayoj. Chaypi kallarqataj Aarompa taunan. Chaytaj t'ikarqa. Kallarqataj p'alta rumispi escribisqa ley ima.

Josué 4:7

Chaypacha qankuna ninkichej: Mayk'ajchus Señorpa trato ruwasqan cajón Jordán mayuta chimpamorqa. Yakutaj chay cajompa ñaupaqempi iskayman p'itikorqa. Kay tauqasqa rumisqa kashan kaypi imachus kasqanta yuyarikunankupajpuni.

Josué 6:6

Josuetaj sacerdotesta wajyaspa nerqa: Señorpa trato ruwasqan cajonta apaychej, chaypa ñaupaqentataj qanchis sacerdotes richunku carnero wajrasmanta pututusniyoj.

Josué 7:7

Josueqa nerqa: Ay, Señorníy! Imapajtaj kay runasta Jordán mayuta chimpachichimorqanki, amorreosman jaywanawaykupajchu, paykuna tukuchinawaykupajchu? Walej kanman karqa Jordán mayu chimpallapi qhepakunayku.

Josué 7:8

Ay, Señorníy! Ima nisajtaj kunanri? Israelitasqa enemigosninkumanta ayqekamunku nisajchu?

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

Judas 1:5

Uj kuti yachasqaykichejmanta munani yuyarikunaykichejta; imaynatachus Diosninchej Israel aylluta Egiptomanta orqhomuspa salvasqanta, mana creejkunatataj wañurachisqanta.

1 Samuel 1:24

Wawata januk'aytawantaj Silopi Señorta yupaychana wasiman aparqa. Wawa juch'uyllaraj kashajtin apallarqataj kinsa waka uñasta, iskay chunka iskayniyoj libra trigo jak'utawan, chanta uj tinaja vinota ima.

1 Samuel 14:18

Chay diapeqa Diospa trato cajonin israelitas ukhupi kasharqa. Chayrayku Saulqa Haiasta nerqa: Apamuy kayman Diospa trato cajonninta, nispa.

1 Samuel 4:2

Chaymantataj llojserqanku israelitaswan maqanakamunankupaj, maqanaku qallarikojtintaj, filisteosqa israelitasta atipaykorqanku, wañuracherqankutaj tawa waranqa qharista kikin maqanakorqanku chaypi.