1 Samuel 4:19 - Qheshwa Biblia DC

¹⁹ Fineespa warmin, Eléj ñojch'anqa wijsallisqa kasharqa nacechikunampaj jinaña. Maypachachus yacharqa Diospa trato cajonninta filisteos jap'ikapusqankuta, chanta suegron, qosampis wañupusqankuta chaypacha nanay oqharerqa. Mayta wijsa nanaywan q'ewiykachakuspataj nacechikorqa.

DIOSPA QHELQACHISQAN DEUTEROCANONICAL

¹⁹ Chaypacha Finespa warmin, Elíj ñojch'anqa onqokunanpaj jinaña kasharqa. Filisteokuna Diospa arcanta jap'isqankuta, chantá suegron, qosanpis wañupusqankuta yachajtinkama, wijsan nanayta qallarerqa. Mayta nanaywan q'ewiykachakuspataj, wawanta paqarichikorqa.

DIOSPA QHELQACHISQ

¹⁹ Chaypacha Finespa warmin, Elíj ñojch'anqa onqokunanpaj jinaña kasharqa. Filisteokuna Diospa arcanta jap'isqankuta, chantá suegron, qosanpis wañupusqankuta yachajtinkama, wijsan nanayta qallarerqa. Mayta nanaywan q'ewiykachakuspataj, wawanta paqarichikorqa.

1 Samuel 4:19 ပူးပေါင်းရင်းမြစ်များ

Génesis 3:16

Warmimantaj nerqa: Nanayniykita aswan ashkhata yapasaj onqoj kashajtiyki, nanaywantaj onqokunki wawasniykita. Munasqaykitaj qosaykiman apasonqa, paytaj qanta kamachisonqa.

Génesis 35:17

Mana nacechikuyta atispa ñak'arishajtin partera nerqa: Ama manchachikuychu, wawaykeqa qhari, nispa.

1 Reyes 14:1

Chay p'unchaykunapitaj Jeroboampa wawan Abías onqoykorqa.

Salmos 78:64

Sacerdotesqa espadaswan wañuchisqas karqanku, viudastaj mana waqarikorqankuchu.

Jeremías 26:6

Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

1 Samuel 4:18

Chay willayta apamoj runa, Diospa trato cajonmanta parlajtinkama Eleqa tiyasharqa chay sillamanta wasaman choqakorqa punkunej cheqaman, ashkha watasniyoj llasa kasqanraykutaj kunkanta p'akikuspa wañorqa. Payqa tawa chunka watasta israelitaspa kuraj kamachejnin karqa.

1 Samuel 4:20

Chay yanapajkuna warmis payta wañupunayajta rikuspaqa nerqanku: Ama manchachikuychu, uj qhari wawata nacechikunki, nispa. Paytaj mana imatapis kuticherqachu, manataj kasuta ruwarqachu.