1 Samuel 4:10 - Qheshwa Biblia DC

¹⁰ Filisteosqa maqanakorqanku atiparqankutaj israelitasta. Kaykunataj jarankuman ayqekaporqanku. Chaypacha may ashkhatapuni wañuracherqanku, chay maqanakojkuna israelitasmantaqa kinsa chunka soldados wañorqanku.

DIOSPA QHELQACHISQAN DEUTEROCANONICAL

¹⁰ Chantá filisteokunaqa maqanakuspa, israelitakunata atipaykorqanku. Israelitakunarí wasinkuman ayqerqanku. Filisteokunaqa chaypacha may ashkhatapuni wañuracherqanku. Israelitakunamanta 30.000 soldadokuna wañorqanku.

DIOSPA QHELQACHISQ

¹⁰ Chantá filisteokunaqa maqanakuspa, israelitakunata atipaykorqanku. Israelitakunarí wasinkuman ayqerqanku. Filisteokunaqa chaypacha may ashkhatapuni wañuracherqanku. Israelitakunamanta 30.000 soldadokuna wañorqanku.

1 Samuel 4:10 ပူးပေါင်းရင်းမြစ်များ

2 Samuel 18:17

Chaypacha Absalompa ayanta chay montepi uj jatun jusk'u karqa chayman wijch'uykorqanku, patanmantaj rumista may jatunta qolluykorqanku. Tukuy israelitastaj sapa uj wasisninkuman ayqerqanku.

2 Samuel 19:8

Chaypacha reyqa jatarikuspa, llajtaj punkunman rispa tiyakamorqa. Tukuynin ayllutaj punkupi tiyakushasqanta yachaspa, tukuyninku paywan tinkoj rerqanku. Israelitakunamantaqa tukuyninku wasisninkuman ayqesqanku.

2 Samuel 20:1

Chaypacha Gilgal llajtapi kasharqa Benjamimpa ayllunmanta uj sajra sonqoyoj runa Seba sutiyoj: Payqa Bicrej wawan karqa. Chay Sebaqa tukuy aylluta oqharicherqa pututu waqachispa, nerqataj: Noqanchejqa mana parteyojchu nitaj chayaqeyojchu kanchej Isaejpa wawan Davidwanqa! Israelmanta runas, wasisniykichejman ripuychej!

1 Reyes 12:16

Tukuynin runasqa repararqanku reyqa paykunata mana uyariyta munasqanta, kay jinatataj kuticherqanku: Noqanchej ima ruwananchej tiyan Davidwanri? Isaejpa wawanwanqa mana ima chayaqenchejpis kanchu. Israelmanta kajkunaqa wasisniykichejman ripuychej! David kunanqa wasintaqa qhawachun! Chanta israelitasqa wasisninkuman riporqanku.

1 Reyes 22:36

Inti yaykuytataj uj parlay uyarikorqa soldados ukhupi kay jinata: Sapa uj llajtaykichejman, sapa uj wasiykichejman, reyqa wañupunña nispa. Samariaman apaspataj chaypi p'amparqanku.

2 Reyes 14:12

Chaypi israelitaswan Judá atipachikorqa, chantá ayqekorqanku sapa ujninku wasisninkumankama.

2 Crónicas 13:17

Abiamwan runasninwan imaqa maytapuni ashkhata wañuraykucherqanku, chaypacha phishqa pachaj waranqa Israelpa ajllasqa soldadosnin kajmanta wañorqanku.

2 Crónicas 25:22

Judaqa Israelwan atipachikorqa, sapa ujtaj wasisninkuman ayqekorqanku.

Salmos 78:9

Efraín ayllumanta kajkuna, mayqenkunachus sumaj wakichisqas karqanku, arcoswan flechaswan ima, wasancharqanku maqanakuna p'unchaypi.

Jeremías 7:12

Riychej Silopi kashan, chay yupaychana wasiyman, chayta ñaupajpi ajllarqani tiyakuna wasiy kanampaj, qhawaychej imatachus paywan ruwasqayta Israel aylluypa juchasninrayku.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Deuteronomio 28:15

Sichus Señor Diosniykichej qankunaman parlasusqanta mana kasunkichejchu chayqa, nitaj junt'ankichejchu tukuy nisqasninta, leyesnintapis, qankunaman kamachishaykichej chaykunata qankunaj pataykichejman kay tukuy maldiciones jamusonqachej.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

1 Samuel 3:11

Señortaj payman nerqa: Israelpi uj imata ruwasaj, tukuy chayta uyarejkunaj ningrinku sejsenqa.

1 Samuel 4:2

Chaymantataj llojserqanku israelitaswan maqanakamunankupaj, maqanaku qallarikojtintaj, filisteosqa israelitasta atipaykorqanku, wañuracherqankutaj tawa waranqa qharista kikin maqanakorqanku chaypi.