1 Samuel 30:17 - Qheshwa Biblia DC

¹⁷ Chaypacha Davidqa tutamantapacha inti yaykunankama paykunawan maqanakorqa, tukuyninkutataj wañuracherqa. Tawa pachaj runaslla camellosninkuman lloq'aykuytawankama ayqerikaporqanku.

DIOSPA QHELQACHISQAN DEUTEROCANONICAL

¹⁷ Chantá Davidqa tutamantapacha inti yaykunankama paykunawan maqanakorqa, tukuyninkutataj wañuracherqa. Amalecitakunamantaqa 400 waynakunalla camellokunaman lloq'aykuspa, ayqerikaporqanku.

DIOSPA QHELQACHISQ

¹⁷ Chantá Davidqa tutamantapacha inti yaykunankama paykunawan maqanakorqa, tukuyninkutataj wañuracherqa. Amalecitakunamantaqa 400 waynakunalla camellokunaman lloq'aykuspa, ayqerikaporqanku.

1 Samuel 30:17 ပူးပေါင်းရင်းမြစ်များ

2 Samuel 1:1

Saúl wañusqanmanta qhepata, Davidqa kuterqa Siclag llajtaman amalecitasta atipaytawan, chaypitaj iskay diasta qheparikorqa.

2 Reyes 7:5

Ch'isiyajtinkamataj siriospa jarankuman rerqanku. Siriospa jarankuman chayanankupajtaj, mana pipis chaypichu karqa.

1 Crónicas 4:43

Paykunaqa chay puchoj amalecitasta tukucherqanku. Chaymantapachataj kunankama chaypi tiyakushanku.

Salmos 18:42

Wayraj apanan ñut'u jallp'ata jina phirerqani. Callespi t'uruta jina sarorqani.

Jeremías 41:15

Ismaeltaj pusaj runasnimpiwan Johananmanta ayqerqanku, riporqankutaj amonitaspa jallp'anman.

Jueces 4:16

Chaykamataj Baracqa Sísaraj carrosninta jinataj soldadosnintawan qhatiykorqa Haroset-goimkama. Jaqay p'unchaypeqa Sisaraj soldadosninmantaqa ni uj soldadollapis kausarqachu, tukuyninku wañorqanku.

Jueces 7:12

Madianitaswan, amalecitaswan, chantá inti llojsimuynejmanta chay runaspis ch'eqerasqas langostas jina chay pampa junt'a kasharqanku. Camellosninkupis may chhika karqa mar qocha cantopi t'iya jinapuni.

1 Samuel 11:11

Chay q'ayantintaj Saulta soldadosninta kinsa jatuchaj t'aqasman t'aqarqa, manaraj sut'iyamushajtintaj yaykuykorqanku enemigosninkoj jarankuman. Chaypachataj amonitasmanta kaj runasta ashkhata wañuracherqanku chaupi p'unchaynejkama. Ayqekuspa llusp'erqanku chaykunaqa ch'eqerarqanku tukuynejman, mana iskayllapis khuskaqa qhepakorqankuchu.

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.