1 Samuel 29:6 - Qheshwa Biblia DC

⁶ Chaypacha Aquisqa Davidta wajyarqa, nerqataj: Cheqamanta Señorpa sutimpi jurayki, qanqa uj cheqan sonqoyoj runa kanki! Sinch'ita kusichiwarqa jarapi imaynatachus noqawan kausasqaykeqa. Noqawan tiyakusqaykimantapachaqa, mana ima sajratapis qampi tarerqanichu. Filisteosmanqa mana allimpajchu rijch'anki.

DIOSPA QHELQACHISQAN DEUTEROCANONICAL

⁶ Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.

DIOSPA QHELQACHISQ

⁶ Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.

1 Samuel 29:6 ပူးပေါင်းရင်းမြစ်များ

Génesis 16:6

Abramtaj Saraiman nerqa: Qan chaytaqa imanaypis, atinki munasqaykita ruwayta kamachiyki Agarwan. Saraitaj jinata nejtin Agarta maqayta qallarerqa atisqanta, Agartaj ayqekorqa.

2 Samuel 3:25

Manachu reyníy reparakunki Nerpa wawan Abnerqa, qanta ch'aukiyasoj jamususqanta, wateqanasojtaj, maymanchus risqasniykita, tukuy ruwasqasniykitapis yachanampaj?

2 Reyes 19:27

Yachanitaj imaynachus kasqaykita, yaykusqaykita, llojsisqaykitapis, noqapaj phiñakusqaykitawan.

Salmos 121:8

Llojsejtiyki, yaykojtiykipis Señor qhawasonqa, kunanmanta wiñayninkamapis.

Isaías 37:28

Noqa rejsiyki imaynachus kasqaykita, imaynatachus llojsisqaykita, yaykusqaykitapis, jinallataj noqapaj phiñakusqaykitapis.

Isaías 65:16

Pichus kay jallp'a patapi tukuy imayojpis kayta munan chayqa, cheqa kaj Diosmanta jap'in. Pichus jurayta munan chayqa, cheqa kaj Diospa sutimpi juranqa. Qallariymantapacha ima llakiykunaschus karqa chaykunaqa, qonqasqas kanqa. Mana ujtawan rikunaypaj pakasqas kanqanku.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

Deuteronomio 10:20

Señor Diosniykichejta manchachikuychej, pay sapallanta yupaychaychej. Payman sayasqas kaychej. Juramentotapis ruwanaykichej kajtenqa Paypa sutimpi ruwaychej.

Josué 22:30

Chayta uyarispataj sacerdote Fineeswan, israelitaspa kurajkunasninwan, chay chhika israelitaspa miraykunasninmanta kurajkunaspiwan rejkuna ima, Rubén aylloj parlasqanta, Gad aylloj parlasqanta, Manasespa khuskan ayllumpa nisqantawan repararqanku allin kasqanta.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

1 Pedro 3:16

Allin sonqoyoj kaychej. Pikunachá qankunapaj thutunku sajratapis ruwawajchej jina chayqa, paykunallataj p'enqachisqas kanqanku, Cristopi allin kausayniykichejta qhasimanta tumpajkuna.

1 Samuel 20:3

Davidqa ujtawan nerqa: Tataykeqa sumajta yachan, qan maytapuni noqata munakuwasqaykita, payqa mana munanqachu kayta yachanaykita ama llakikunaykipaj. Señorpa sutinrayku qanrayku jurani, wañuy patapi kashasqayta!

1 Samuel 28:10

Saultaj Señorpa sutimpi juraspa nerqa: Señorpa sutimpi jurayki, mana ima sajrapis kayraykoqa qhatirisonqachu.

1 Samuel 29:3

Chaypacha filisteosmanta kurajkuna Aquista taporqanku: Chay hebreo runas imatataj kaypi ruwashankuri?, nispa. Aquistaj kuticherqa: Kay runajtaqa David sutin, payqa Israel rey Saulpa yanapajnin karqa. Kunanqa uj mashkha watastaña noqawan kashan. Noqawan kasqanmantapacha mana ima pantaytapis paypi tarinichu.

1 Samuel 29:7

Kunanqa ch'inmanta kutipullay, jinamanta ama llakichinapaj filisteospa kurajkunasninta.

1 Samuel 5:8

Chayrayku willacherqanku filisteosmanta tukuy kurajkunaman, paykuna tantanankuta, chaypipis taporqanku: Imanasunchejtaj Israelpa Diosnimpa trato cajonninwanri? Paykunataj kuticherqanku: Gat llajtaman apaychej, nispa. Filisteostaj chayman aparqanku.