1 Samuel 29:3 - Qheshwa Biblia DC

³ Chaypacha filisteosmanta kurajkuna Aquista taporqanku: Chay hebreo runas imatataj kaypi ruwashankuri?, nispa. Aquistaj kuticherqa: Kay runajtaqa David sutin, payqa Israel rey Saulpa yanapajnin karqa. Kunanqa uj mashkha watastaña noqawan kashan. Noqawan kasqanmantapacha mana ima pantaytapis paypi tarinichu.

DIOSPA QHELQACHISQAN DEUTEROCANONICAL

³ Jinallapi filisteokunamanta kurajkuna Aquista taporqanku: Kay israelitakuna imatataj kaypi ruwashankuri? nispa. Aquistaj kuticherqa: Kay runajtaqa David sutin. Payqa Israel suyoj kuraj kamachejnin Saulpa yanapajnin ñawpajta karqa. Kunantajrí wata kurajtaña noqawan kashan. Noqawan kasqanmantapacha paypi mana ni ima mana allinta tarinichu, nispa.

DIOSPA QHELQACHISQ

³ Jinallapi filisteokunamanta kurajkuna Aquista taporqanku: Kay israelitakuna imatataj kaypi ruwashankuri? nispa. Aquistaj kuticherqa: Kay runajtaqa David sutin. Payqa Israel suyoj kuraj kamachejnin Saulpa yanapajnin ñawpajta karqa. Kunantajrí wata kurajtaña noqawan kashan. Noqawan kasqanmantapacha paypi mana ni ima mana allinta tarinichu, nispa.

1 Samuel 29:3 ပူးပေါင်းရင်းမြစ်များ

Génesis 14:13

Uj runataj ch'ajwamanta ayqemuspa hebreo Abramman willarqa imaynachus kasqanta. Pay tiyakorqa amorreo Mamrej encinas sach'arara jallp'ampi. Mamreqa Escolpata, Anerpatawan wauqenku karqa; paykunaqa karqanku Abramman sayasqas.

1 Crónicas 12:19

Manasespa ayllunmanta wakinkuna Davidpa ladoman riporqanku, maypachachus filisteoswan Saulpa contranta maqanakunankupaj risharqa chaypacha. Chaywampis Davidqa filisteosta yanapayta mana aterqachu, filisteospa kamachejkunasninku parlanakuytawan kachaporqanku, kay jinata nispa: Davidqa noqanchejta wañurparichiytawankama wiraqochin Saulman riponqa!, nispa.

1 Crónicas 12:20

Manasespa ayllunmanta kajkuna runas Davidman chimpaporqanku, Siclagman chimpapushajtin. Chaykunaqa karqanku Adnas, Jozabad, Jediael, Micael, Jozabad, Eliú, Ziletai ima. Paykuna Manasespa soldadosninmanta kamachejkuna karqanku.

Daniel (hebreo) 6:5

Chaywampis yuyaychakullarqankupuni, nerqankutaj: Danielpeqa mana tarisunmanchu ima pantaynintapis ch'ataykunanchejpaj jina paypa contrampi, mana chayqa Diosnimpa kamachiyninta junt'asqanmanta ch'ataykusunman.

San Juan 19:6

Chaypacha kuraj sacerdotes, kamachis ima, Jesusta rikuytawan qhaparerqanku: Cruzpi chakatay, cruzpi chakatay!, nispa. Pilatotaj nerqa: Qankuna jap'ikapuychej, chakataychejtaj; paypeqa mana tarinichu ima juchatapis.

Romanos 12:17

Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi.

1 Pedro 3:16

Allin sonqoyoj kaychej. Pikunachá qankunapaj thutunku sajratapis ruwawajchej jina chayqa, paykunallataj p'enqachisqas kanqanku, Cristopi allin kausayniykichejta qhasimanta tumpajkuna.

1 Samuel 14:11

Ajinaqa iskayninku chay filisteo soldadoswan rikuchikorqanku. Chay runastaj rikuytawankama nerqanku: Qhawariychej chay hebreo runas llojsiykamusqankuña, pakasqas kasharqanku chay jusk'usmanta, nispa.

1 Samuel 25:28

Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

1 Samuel 27:1

Chaywampis Davidqa sonqompi nerqa: Mayk'ajpis Saulqa atin wañuchiwayta. Chayrayku, noqapajqa aswan allin kawanman filisteospa jallp'anman ayqekunay. Jinamanta Saulqa saqewanqa, amaña tukuy Israel jallp'api mask'anawampaj, jinamanta Saulpa makinmanta llusp'isaj, nispa.

1 Samuel 27:7

Davidqa uj wata killayojta filisteospa jallp'ampi tiyakorqa.

1 Samuel 29:6

Chaypacha Aquisqa Davidta wajyarqa, nerqataj: Cheqamanta Señorpa sutimpi jurayki, qanqa uj cheqan sonqoyoj runa kanki! Sinch'ita kusichiwarqa jarapi imaynatachus noqawan kausasqaykeqa. Noqawan tiyakusqaykimantapachaqa, mana ima sajratapis qampi tarerqanichu. Filisteosmanqa mana allimpajchu rijch'anki.

1 Samuel 4:6

Filisteosqa chay sinch'ita qhaparisqankuta uyarispa tapurerqanku: Imaraykutaj sinch'i ch'ajwa tiyan hebreospa jarankupiri?, nispa. Yacharqankutaj israelitaspa jarankuman Señorpa trato cajonnin chayamusqanta.