1 Samuel 28:6 - Qheshwa Biblia DC

⁶ Chaypacha Señorta taporqa. Señortaj mana kuticherqachu, ni mosqoypi, nitaj Urimnejtapis, profetasnejtapis.

DIOSPA QHELQACHISQAN DEUTEROCANONICAL

⁶ Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.

DIOSPA QHELQACHISQ

⁶ Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.

1 Samuel 28:6 ပူးပေါင်းရင်းမြစ်များ

2 Samuel 22:42

Yanapata mañakorqanku, manataj pipis yanaparqachu; Señorman wajyakorqanku, paytaj mana uyarerqachu.

Salmos 74:9

Manaña señalesta rikuykuchu, profetaspis manaña kankuchu. Manaña yachaykuchu mashkha unaytawanchus, kay jinallapuni kananta.

Éxodo 28:20

Tawa kaj sinrutaj kanqa berilo rumimanta, uj onicemanta, uj jaspe rumimantawan. Tukuynin rumis muyuynin pataspi qorimanta ruwasqas kanqanku.

Éxodo 28:30

Warkhunaj patanman churanki cheqanchana imasta Urimta, Tumintawan. Ajinamanta Aarón pechon patapi apanampaj sapa Señorpa ñaupaqenman qayllaspa. Ajinamanta Aaronqa pechompi apanqapuni cheqanchana imasta Señorpa ñaupaqempi.

Proverbios 27:1

Ama q'aya p'unchaymantaqa alabakuychu, imaraykuchus mana yachankichu imachus q'aya kanantaqa.

Jeremías 23:28

Sichus uj profetajta uj mosqokuynin tiyan chayqa, willachun uj mosqoypuni kasqanta. Sichus pi palabraytapuni jap'in, chayri cheqamantapuni willarachun. Trigotawan pajatawanqa mana kikinchachiyta atisunmanchu.

Lamentaciones 2:9

Punku wisq'anasninkoqa pampaman wijch'usqas karqanku. Aldabasninkupis p'akirasqas karqanku. Reyninkuwan kurajkunasninkuwanqa maypichus kamachiykunas mana kanchu, chaykunaj chaupinkupi kashanku. Profetasninkupis Diosmanta mosqoypi jina manaña imatapis astawan rikuyta aterqankuchu.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

Levítico 8:8

Chaypa patanmantaj warkhuykorqa warkhuna nisqa walqa ch'uspata jina. Chaymantataj churarqa Urim Tumim nisqa cheqanchaj imasta.

Miqueas 3:7

Chay qhawajkunapis adivinospis q'ala p'enqaypi rikhurenqanku. Tukuy paykuna t'ukushaj qhepakonqanku, Dioswan mana uyarichikusqankurayku.

Números 27:21

Josuetaj Eleazar sacerdoteman qayllachun. Sacerdote Eleazartaj Urim nisqa suerteta qhawananejta noqata tapuwanqa. Jinamanta Josueqa israelitasta kamachenqa paykuna imatapis ruwanankupaj.

San Mateo 1:20

Kay imapi José yuyashajtintaj, Señorpa angelnin payman rikhurerqa mosqoypi, nerqataj: José, Davidpa ayllunmanta kaj, ama manchachikuychu, María warmiykita jap'ikapullay; imaraykuchus paypi kaj wawaqa Santo Espiritumantamin.

San Juan 9:31

Allinta yachaychej, Diosqa juchasapasta mana uyarisqanta. Pichus Diosta yupaychan, munaynintataj ruwan, chayta pay uyarin.

Deuteronomio 33:8

Levimantataj nerqa: Señor, qampata kanku Tumimwan, Urimwan; chaykunawan ajllasqa runasniykinejta, munayniykita rikuchinaykipaj. Paykunataqa Masah sutiyoj cheqapi pruebaman churarqanki. Paykunawan Meriba yaku cantopi phiñanakorqanki.

Santiago 4:3

Mañakunkichej chaypis, mana jap'inkichejchu, imaraykuchus mana allintachu mañakunkichej sajra kusikuykunapi usuchinaykichejpaj.

1 Samuel 14:37

Chaypacha Saulqa Diosta tapurerqa: Filisteostaqa qhatiykuymanchu? Israelitaspa makinman paykunata jaywawajchu?, nispa. Chay diapeqa mana Señorqa kuticherqachu.

1 Samuel 28:15

Chaypitaj nerqa Samuelqa: Imapajtaj qhasita jamuchiwankiri?, nispa. Saultaj kuticherqa: Sinch'i llakisqa kashani, filisteos junt'aykamushawanku, noqatarí Dios qonqarpariwan. Manaña kutichiwanchu, ni profetasnejta, nitaj mosqoynejtapis. Chayrayku wajyacherqayki imatachus ruwanayta ninawaykipaj.

1 Samuel 28:5

Filisteos jarakushasqankuta rikuspataj sinch'ita mancharikorqa, kharkatitiylla jap'isharqa.