1 Samuel 28:23 - Qheshwa Biblia DC

²³ Saulqa mana mikhuyta munarqachu, chaywampis jap'ikorqapuni chay warmi, jinataj yanapajkunasnin ima apurajtinku. Chay ratotaj chay pampamanta jatarikuspa, uj cama pataman tiyaykorqa.

DIOSPA QHELQACHISQAN DEUTEROCANONICAL

²³ Saulqa mana mikhuyta munarqachu. Chaywanpis chay warmi, jinataj Saulpa yanapajninkuna ima anchatapuni nejtinku, mikhunanta nerqa. Chantá pampamanta sayarispa, puñuna pataman tiyaykorqa.

DIOSPA QHELQACHISQ

²³ Saulqa mana mikhuyta munarqachu. Chaywanpis chay warmi, jinataj Saulpa yanapajninkuna ima anchatapuni nejtinku, mikhunanta nerqa. Chantá pampamanta sayarispa, puñuna pataman tiyaykorqa.

1 Samuel 28:23 ပူးပေါင်းရင်းမြစ်များ

1 Reyes 21:4

Acabtaj wasinman llakisqa phiñasqataj jamporqa, Jezreelmanta Nabot chay jinata payman nisqanmanta: Tatasniypa qowasqan huertaytaqa mana qanman qoykimanchu nispa. Puñunanman siriykukuspataj uyanta perqa ladoman churaspa, mana mikhorqachu.

2 Reyes 4:8

Uj p'unchay Eliseoqa Sunem llajtanejta pasasharqa. Chaypitaj uj qhapaj warmi tiyakorqa, paytataj wasimpi mikhunampaj sapa kuti wajyaj. Chanta Eliseoqa sapa kuti chay llajtaman rispaqa, chay warmej wasinmampuni mikhoj rej.

2 Reyes 5:13

Kamachisnintaj payman chimpasqa nerqanku: Wiraqochíy, tatáy, sichus profetaqa uj jatun imata ruwanaykita nisunkiman chayqa, manachu ruwawaj? Ima astawantaj kasqa, mayllakamuy, llimphutaj kanki nisusqanri?, nispa.

Ester (hebreo) 1:6

Chay palacioj pationqa sumaj k'achanchasqa karqa yuraj telaswan, q'omer telaswan, azul telaswan ima. Chaytataj jap'icherqanku linomanta ruwasqa kuli q'aytuswan, qolqemanta ruwasqa sortejaspa chaupinta chay q'aytuswan jusk'urachispa. Chaykunataj jap'ichisqas karqanku marmolmanta ruwasqa sayantasman. Chay ukhupi tiyanastaj qorimanta karqa, qolqemantawan. Chay pampantaj k'acha rumiswan losasqas karqanku: Pórfido nisqawan, marmolwan, alabastrowan, jacinto nisqa rumipiwan.

Proverbios 25:20

Llakisqapaj takipoyqa ninakun aycha llik'isqamampis vinagreta jich'aykusunman jina, chayri sinch'ita chirimushajtimpis p'achata lluch'ukusunman jina.

Ezequiel 23:41

Chanta sumaj k'acha wakichisqa puñuna patapi tiyaykukorqanku, mesapi mikhunata wakicherqanku. Chay patapitaj noqapaj t'aqasqa inciensoyta, aceiteytawan churarqanku.

San Lucas 14:23

Chantataj patrón nerqa: Jina kajtenqa, riy tukuy chaki ñankunasman, jatun ñankunaman ima, usqhay usqhaytataj pusaramuy wajkunata, wasiy junt'a kanampaj.

San Lucas 24:29

Paykunataj jark'arqanku Jesusta: Qhepakuy ari noqaykuwan, intipis yaykushanña, ch'isiyamonqaña, nispa. Jesustaj yaykuspa paykunawan qhepakorqa.

Hechos 16:15

Lidiataj bautizachikorqa familianwan ima. Paytaj niwarqayku: Sichus qankuna yuyankichej, tukuy sonqo Señorpi creesqaykuta chayqa, wasiyman yaykuspa karikuychej, nispa. Ajinamanta qhepachiwarqayku.

2 Corintios 5:14

Cristoj munakuynenqa kamachiwayku, kaypi yuyaspataj niykuman: Uj wañorqa tukuyrayku, jinallatataj tukuy wañorqanku.

1 Samuel 28:22

Ajinaqa kunan mañakuyki kasunawaykita: Uj chhika mikhuyta qorisqayki, tumpata kallpacharikunaykipaj, chanta ripunaykipajtaj, nispa.