1 Samuel 27:1 - Qheshwa Biblia DC

¹ Chaywampis Davidqa sonqompi nerqa: Mayk'ajpis Saulqa atin wañuchiwayta. Chayrayku, noqapajqa aswan allin kawanman filisteospa jallp'anman ayqekunay. Jinamanta Saulqa saqewanqa, amaña tukuy Israel jallp'api mask'anawampaj, jinamanta Saulpa makinmanta llusp'isaj, nispa.

DIOSPA QHELQACHISQAN DEUTEROCANONICAL

¹ Chaywanpis David sonqonpi nerqa: Saulqa mayk'ajllapis wañuchiwanman. Chayrayku, amaña tukuy Israel jap'iypi mask'anawanpaj, aswan allin kanman Filistea suyuman ayqekunay. Ajinata Saulmanta ayqekusaj, nispa.

DIOSPA QHELQACHISQ

¹ Chaywanpis David sonqonpi nerqa: Saulqa mayk'ajllapis wañuchiwanman. Chayrayku, amaña tukuy Israel jap'iypi mask'anawanpaj, aswan allin kanman Filistea suyuman ayqekunay. Ajinata Saulmanta ayqekusaj, nispa.

1 Samuel 27:1 ပူးပေါင်းရင်းမြစ်များ

1 Reyes 12:26

Jeroboamtaj sonqompi nerqa: Kunanqa reino atinman kutichipuyta Davidpa wasinman, sichus kay runas Jerusalenman wicharenqanku uywa ñak'asqasta Señorpa wasimpi jaywamoj chayqa. Kay runasqa Judamanta rey Roboamman sonqonkupi kutirinkuman, noqata wañuchiwaspataj, rey Roboamman kutiripunkuman.

1 Reyes 12:28

Chaymanta yuyaychakuytawantaj, iskay waka uñasta qorimanta ruwarqa, chanta israelitasman nerqa: Anchataña Jerusalenman rinkichej: Israelitas kayqa ari dioskunaykichejqa, Egipto jallp'amanta orqhomusorqachej chaykuna.

1 Reyes 19:3

Chay jina paypaj mana allin kasqanta rikuspa, Eliasqa jatariytawan riporqa kausayninta librananrayku, Judapi Beerseba llajtaman chayarqa, chay pitaj kamachinta saqeporqa.

2 Crónicas 25:17

Judáj reynin Amasiastaj kasorqa wajkunaspa umachasqasninkuta, kacharqataj Israelpa reynin Joasman, payqa Joacazpa wawan karqa, Jehój allchhintaj, kay jinata nichispa: Jamuriy ari, uya pura parlarikusunchej, nispa.

Salmos 116:11

Mana imanayta atispa, nillarqaniña, tukuy runasqa llullas kanku, nispa.

Salmos 55:7

Karumantaj phawaspa ripuyman, ch'in pampaspitaj tiyakapuyman.

Éxodo 14:12

Chayrayku qanta nerqayku Egiptollapiraj kashaspa: Saqewayku egipciospa kamachisnin kajta, nispa. Noqaykupajqa walej kanman karqa egipciospa kamachisnin kanayku, kay ch'in pampapi wañunaykumantaqa.

Proverbios 13:12

Imatapis suyasqaqa mana junt'akojtenqa sonqoqa llakisqa qhepakun; ima munasqapis junt'akojtenqa, uj kausay sach'a jina.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Números 14:3

Imapajtaj Señorqa kayman pusamuwarqanchejri? Maqanakupi wañunanchejpajchu? Warmisninchej, wawasninchej ima enemigosninchejpa makisninman presos urmanankupajchu? Chaypajqa allin kanman Egiptoman kutipunanchej.

San Mateo 14:31

Jesustaj usqhayta makinta aysarispa, payta jap'iykorqa nerqataj: Pisi feniyoj runa, imaraykutaj iskayrayankiri?

Marcos 4:40

Paykunamantaj nerqa: Imaraykutaj kay jinatapuni mancharinkichejri? Manachu feniykichej tiyan?

2 Corintios 7:5

Macedoniaman chayamusqaykumantapacha, mana imaynata samarikorqaykuchu, astawanqa imaymana llakiykuna jamuwarqayku; jawamanta ch'ajwas, ukhumantataj manchachikuykuna.

1 Samuel 16:1

Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

1 Samuel 20:3

Davidqa ujtawan nerqa: Tataykeqa sumajta yachan, qan maytapuni noqata munakuwasqaykita, payqa mana munanqachu kayta yachanaykita ama llakikunaykipaj. Señorpa sutinrayku qanrayku jurani, wañuy patapi kashasqayta!

1 Samuel 22:5

Chaypacha profeta Gadqa Davidta yuyaycharqa: Amaña qhepakuychu chay chhanka jusk'upi. Puririy, ripuytaj Judá jallp'aman. Ajinamanta Davidqa riporqa, chayarqataj Haret nisqa monteman.

1 Samuel 23:17

Nerqataj: Ama manchachikuychu, tatay Saulqa mana taripayta atisonqachu. Qanqa Israelpa reynin kanayki tiyan. Noqataj qanta qhepaykipi yanapasunaypaj kasaj. Chaytaqa tatay Saulpis yachan.

1 Samuel 25:30

Ajinaqa, Señor maypachachus tukuy allin kanaykimanta nerqa chayta, Israelpa kamachejnin churasojtin, qanqa mana llakikunkichu, nitaj sonqoykitapis nanachikunkichu, mana juchasniyojkunata wañurachisqaykimanta, nitaj sajramanta sajrata aynita ruwasqaykimanta. Maypachachus Señor qanta allinwan rikusojtin, yuyarikunki kay kamachiyki warmimanta.

1 Samuel 26:19

Noqa mañayki qan reyniyta noqa kamachiykita uyarinawaykita. Señorchus noqaj contraypi kanaykita nisorqa chayqa, jap'ichun rikuchikuta jaywasqayta. Runasllamantachus kanman chayri, Señor paykunata maldicichun. Paykunaqa Señorpa llajtanmanta wijch'uwanku, chaywantaj waj dioskunata yupaychanayta munaspa jinanku.

1 Samuel 29:2

Filisteo soldadosta pusajkunataj risharqanku t'aqasqas pachajkunapi, waranqaspiwan. Davidwan runasninwantaj Aquiswan khuska qhepallata risharqanku.

1 Samuel 29:3

Chaypacha filisteosmanta kurajkuna Aquista taporqanku: Chay hebreo runas imatataj kaypi ruwashankuri?, nispa. Aquistaj kuticherqa: Kay runajtaqa David sutin, payqa Israel rey Saulpa yanapajnin karqa. Kunanqa uj mashkha watastaña noqawan kashan. Noqawan kasqanmantapacha mana ima pantaytapis paypi tarinichu.