1 Samuel 26:10 - Qheshwa Biblia DC

¹⁰ Jurani Señornejta, Paylla Saulpa kausaynintaqa qhechonqa, wañuyman chayajtimpis, chayri maqanakuman yaykushajtimpis.

DIOSPA QHELQACHISQAN DEUTEROCANONICAL

¹⁰ Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.

DIOSPA QHELQACHISQ

¹⁰ Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.

1 Samuel 26:10 ပူးပေါင်းရင်းမြစ်များ

Génesis 47:29

Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

Job 14:14

Sichus uj runa wañun chayqa, ujtawan kausanmanchu? Tukuy kausayniypi suyasaj, kay tukuy llakiyniymanta sonqo tiyakuy jamunawankama.

Job 14:5

Cheqamanta diasnenqa yupasqalla, mashkha killastachus kausananqa qayllaykipi kashan; qan churanki maykamachus rinanta, manataj chayta pasayta atinchu.

Job 7:1

Uj runaj kausaynin kay jallp'a patapeqa, uj soldadoj kausaynin jina.

Salmos 37:10

Manaña sajra runas kanqankuchu uj chhikamantawan, mask'aspapis manañapuni tarinkiñachu.

Salmos 37:13

Señortaj paymanta asikun, imaraykuchus yachan sajrapajqa horan chayamusqantaña.

Salmos 94:23

Señorqa sajra ruwajkunata kikin ruwasqallankuwantaj chinkachenqa. Señor Diosninchej paykunata chinkachenqa.

Eclesiastés 3:2

Uj tiempoqa nacenapaj, uj tiempotaj wañunapaj. Uj tiempoqa tarpunapaj, uj tiempotaj tarpusqata oqharinapaj.

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

Romanos 12:19

Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa.

Deuteronomio 31:14

Chaymanta Señorqa Moisesman nerqa: Wañupunayki hora qayllaykamushanña. Josueta wajyamuy, iskayniykichejtaj Dioswan tinkukuna wasiman rinkichej. Noqa payman kamachisaj imatachus ruwananta. Jinamanta Moiseswan Josuewanqa Dioswan tinkukuna toldoman rerqanku.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Hebreos 10:30

Yachanchejtaj pichus chayta nerqa: Noqa cheqanchasaj, kutichisajtaj. Ujtawan nillarqataj: Señor ayllunta juchasninmanta taponqa.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

Apocalipsis 18:8

Chayrayku uj p'unchayllapi ñak'ariykunasnin jamonqanku: Wañuy, waqay, yarqhaytaj. Chantá ninwantaj ruphasqa kanqa. Atiyniyoj Dios Señorqa payta juchachan.

1 Samuel 24:12

Señorlla justiciata ruwawasuchun iskayninchejta, qan reyniymantataj aynita kutichichun. Noqamantaqa mana jayk'ajpis qan reyniypa contrantaqa makiyta oqharisajchu.

1 Samuel 24:15

Señorqa iskayninchejta cheqanchawasuchun. Pay yachachun noqamanta, paytaj jark'awachun qan reyniymantapis!

1 Samuel 25:26

Chaywampis cheqamanta Señorqa mana munarqachu qan wañurachej jamunaykita, makiykiwan aynita kutichinaykita! Señor munachun tukuy qampa enemigosniykita, sajrawan rikusuyta munajkunatapis, Nabalta, jinataj ima sajrapis qhatirichun.

1 Samuel 25:38

Chunka diasninmanri Señor watejmanta onqochillarqataj, jinamanta Nabalqa wañuporqa.

1 Samuel 25:39

Davidtaj Nabal wañupusqanta yachaspa nerqa: Señor bendicisqa kachun, Pay Nabaltaqa jasut'in chay phiñachiwasqanmanta, Pay jark'awarqa sajrata ruwaymanta, Nabalpa juchantaqa paypa patallanmantaj urmaykucherqa! Chaymanta Davidqa Abigailman kacharqa paywan casarakuyta munasqanta willachispa.

1 Samuel 31:4

Chayrayku Saulqa chay yanapajninman nerqa: Espadaykita orqhokuy, chaywantaj t'ojsispa wañuchiway, Diosta mana rejsejkuna runas wañuchiwaspa ama noqamanta asikunawankupaj. Jinapis chay yanapajnenqa mana chay nisqanta ruwarqachu, sinch'ita manchachikusqanrayku. Chaypacha Saulqa espadanta oqharikuspa, chay espadan pataman urmaykarparerqa.

1 Samuel 31:6

Ajinata chaypacha wañorqanku Saúl, chay kinsa wawasnin, chay yanapajnin, runasninkuwan ima.