1 Samuel 25:28 - Qheshwa Biblia DC

²⁸ Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

DIOSPA QHELQACHISQAN DEUTEROCANONICAL

²⁸ Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

DIOSPA QHELQACHISQ

²⁸ Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

1 Samuel 25:28 ပူးပေါင်းရင်းမြစ်များ

2 Samuel 5:2

Cheqamanta, Saúl reyniyku kashajtimpis, qampuni Israeltaqa tukuy maqanakusnimpi pusaykacharqanki. Chay jawaqa, Señor qanman nisorqa pusaykachanaykita kamachinaykitataj tukuy Israel ayllutaqa, nispa.

2 Samuel 7:16

Mirayniykita reinoykitawanqa Noqa waqaychasaj wiñaypaj, ajinallatataj reinoykipis wiñaypaj qhepakonqa.

2 Samuel 7:27

Qan, Tukuy Atiyniyoj Señorniy sut'inchawanki mirayniyta sayachinaykita, chayrayku kamachiyki kashaspapis kayta mañarikuyki.

1 Reyes 15:3

Ñaupajta tatan juchasta ruwarqa chaykunallapitaj purerqa, manataj paypa sonqon cheqanchu Señor Diosninwan karqa, imaynachus tatan Davidpata karqa jinaqa.

1 Reyes 15:5

Imaraykuchus Davidqa Señorpa ñaupaqempi cheqanta ruwarqa, manataj mayqen kamachisqanmantapis karunchakorqachu tukuy kausaynimpi; mana chayqa hitita Uriaspa contrampi juchachakorqa chaylla.

1 Crónicas 17:10

Paypachachus Israel aylluyman chay atipachej kuraj runasta churarqani chaypacha, jinataj noqa tukuy enemigosnintinta k'umuykuchisaj. Willachiykitaj mirayniyki ashkha kananta.

1 Crónicas 17:25

Qan, Diosníy, yachayta qowanki noqaj mirayniyta sayachinaykimanta. Chayrayku noqa kamachiyki kasqaywampis uj imata mañarikusqayki.

2 Crónicas 20:15

Jahazielqa nerqa: Allinta uyariychej Judapi, Jerusalempipis tiyakoj runas, qampis rey Josafat. Señor nisunkichej: Ama manchachikuychejchu, nitaj kharkaychejchu, chay ashkha soldadospa ñaupaqempeqa. Kay maqanakoyqa mana qankunajtachu, manachayqa Diospatamin.

Salmos 7:3

Señor Diosníy, juchallikorqanichu? Runa masiywanchus sajra karqani?

Salmos 89:29

Paypa mirayninmanta kajqa kamachenqapuni janaj pacha kanankama.

Números 23:21

Ni pipis Israelpeqa ch'aukiyayta tarinchu, nitaj ima sajrata chay Jacobpa wawasnimpi. Señor Diosninkoqa paykunawan kashan, paykunaqa ninku Señorqa reyninku kasqanta.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

San Lucas 23:41

Noqanchejqa juchanchejmanta kaypi kashanchej, imaraykuchus sajra ruwasqasninchejmanta ñak'arishanchej; payrí mana ima sajratapis ruwarqachu.

San Lucas 23:47

Chantá capitantaj chayta rikuspa, Diosta yupaycharqa: Cheqamanta kay runaqa cheqan runa karqa, nispa.

1 Samuel 15:28

Chaypacha Samuelqa Saulman nerqa: Ajinallatataj Señorpis qanmanta Israelpa reinonta qhechusunki, uj llajta masiyki runaman qopunampaj, chay runataj qanmantaqa aswan allin.

1 Samuel 17:47

Tukuy tantasqa runaspis yachanqanku, Señorqa mana espadawanchu salvasqanta, nitaj lanzawanchu. Kay tukuy maqanakoyqa Señorpatamin, paytaj qankunataqa makisniykuman jaywawasqayku.

1 Samuel 18:17

Uj día Saulqa Davidman nerqa: Kuraj warmi waway Merabta warmiyki kanampaj qosqayki. Chaypajqa qan guerrapi wapu maqanakoj kanayki tiyan, Señorpa maqanakusnimpitaj maqanakunayki tiyan. Saulqa yuyasharqa chay maqanakupi Davidta filisteos wañuchinankuta, ajinamanta manaña paychu wañuchinampaj.

1 Samuel 2:35

Chaymantataj noqaqa ajllakusaj uj cheqa sacerdoteta, munasqayman jina ruwanampaj. Paymanqa qollasajpuni astawan mirayta, jinataj ajllasqay reypa kamachillampipuni kanampaj.

1 Samuel 22:14

Chaypacha Ahimelecqa reyman kuticherqa: Mayqentaj tukuy yanapajkunasniykimanta David jina cheqan runarí? Payqa tolqayki kampis, chay jawari soldadospa kuraj kamachejnin, palacioykipitaj sumaj runapaj qhawasqa.

1 Samuel 24:11

Qhawariy reyníy, makiypi jap'ishasqayta: Qampa qhatakunayki p'achamanta uj chhikanta llik'isusqayta, munaspaqa wañuchiykiman karqa. Kaywan qanqa umachakuy, reyníy, noqaqa mana ima sajratapis ruwasuyta yuyasqayta, nitaj wasanchasusqaytapis, nitaj imatapis contraykipi juchallerqanichu. Chaywampis, reyníy, qan mask'awanki wañuchinawaykipaj.

1 Samuel 24:17

Davidmantaj nerqa: Qanqa aswan cheqan runa kanki noqamanta nisqaqa, sajrata ruwasusqaymanta allin kajwan kutichishawanki.

1 Samuel 24:21

Juraway ari Señorpa sutimpi mirayniyta ama chinkachipunawaykita, nitaj sutiytapis aylluy ukhumanta chinkachipunawaykita.

1 Samuel 24:4

Chaypacha Davidpa runasnenqa payman nerqanku: Kunan junt'akun enemigosniykita Señor urmachisaj nisusqanqa. Kunanqa ruway imachus allin rijch'asunki chayta, nispa. Chaypacha Davidpa sayarispa allinsitullawan qayllaykuspa Saulpa qhatakunan p'achampa cantonta uj chhikanta k'uturparerqa.

1 Samuel 25:24

Chaymantaqa Davidpa chakisninman wijch'uykukuspa nerqa: Juchaqa noqaman urmamuchun wiraqochíy! Chaywampis mañarikuyki parlarejta saqenawaykita nisqasniytataj uyarinawaykita.

1 Samuel 29:3

Chaypacha filisteosmanta kurajkuna Aquista taporqanku: Chay hebreo runas imatataj kaypi ruwashankuri?, nispa. Aquistaj kuticherqa: Kay runajtaqa David sutin, payqa Israel rey Saulpa yanapajnin karqa. Kunanqa uj mashkha watastaña noqawan kashan. Noqawan kasqanmantapacha mana ima pantaytapis paypi tarinichu.

1 Samuel 30:26

Davidqa Siclag llajtaman chayaytawan Judá llajtapi kajkuna kausaqesnin ancianosman apacherqa, enemigosninkumanta qhechorqa chay imasta uj chhikata, kay willaytawan: Kay t'inkata qankunaman apachimuykichej, Señorpa enemigosninmanta qhechusqaykumanta uj chhikanta, nispa.